Ayodhya Ram Mandir : అయోధ్య రామ మందిర.. ప్రాణ ప్రతిష్ఠ- దర్శనం, హారతి వేళల వివరాలు..

Ayodhya Ram Mandir timings : అయోధ్యలో రామ మందిర ప్రతిష్ఠా మహోత్సవానికి సర్వం సిద్ధమయింది. జనవరి 22 కోసం దేశ ప్రజలు ఆసక్తిగా ఎదురుచూస్తున్నారు. దేశవ్యాప్తంగా చారిత్రాత్మకమైన ఆ రోజును జరుపుకోవడానికి సన్నాహాలు వేగంగా జరుగుతున్న నేపథ్యంలో ప్రాణ ప్రతిష్ఠ, దర్శనం, హారతి సమయాల సంబంధించిన వివరాలను ఇక్కడ తెలుసుకుందాము..

ప్రాణ ప్రతిష్ఠ జరిగే సమయం..

పవిత్రమైన ప్రాణ ప్రతిష్ఠ జరిగే కార్యక్రమం.. జనవరి 22న ఉత్తరప్రదేశ్​లోని అయోధ్యలో జరగనుంది. మధ్యాహ్నం 12:15 నుంచి 12:45 గంటల మధ్య రామ మందిర ప్రతిష్ఠా కార్యక్రమం జరగుతుందని తెలుస్తోంది.

దర్శనం సమయాలు

Aydhya Ram temple timings : ఉదయం 7 గంటల నుంచి 11:30 గంటల వరకు భక్తులు ఆలయాన్ని సందర్శించుకోవచ్చు. మధ్యాహ్నం 2 గంటల నుంచి రాత్రి 7 గంటల వరకు ఆలయాన్ని దర్శనం కోసం తెరిచి ఉంటుంది.

హారతి సమయాలు..

ప్రతిరోజూ ఉదయం 6:30 గంటలకు (శ్రీంగార్ / జాగరణ్ హారతి), మధ్యాహ్నం (భోగ్ హారతి), రాత్రి 7:30 గంటలకు (సంధ్యా హారతి) మూడు హారతి వేడుకలు జరుగుతాయి. హారతి వేడుకల్లో పాల్గొనడానికి, షెడ్యూల్ పాటించడానికి పాసులు అవసరం.

భక్తులు.. తమకు నచ్చిన హారతి వేడుకలో పాల్గొనే అవకాశం ఉంటుంది. అయితే.. ఇందుకోసం హారతి జాబితాలో నుంచి ఎంచుకోవాల్సి ఉంటుంది. ఇది వారి షెడ్యూల్​ని నిర్వహించడానికి, తదనుగుణంగా ప్లాన్ చేసుకోవడానికి వీలు కల్పిస్తుంది.

అయోధ్యలో రామ మందిరం: ప్రవేశ ప్రక్రియ

Ayodhya Ram Mandir latest news : ట్రస్ట్ జారీ చేసిన ఎంట్రీ పాస్​లో పేర్కొన్న క్యూఆర్ కోడ్​ని భక్తులు స్కాన్ చేయాలని శ్రీ రామ జన్మభూమి తీర్థ క్షేత్ర ఎక్స్ (గతంలో ట్విట్టర్) పోస్ట్​లో పేర్కొంది. కేవలం ఆహ్వాన పత్రిక మాత్రమే ఉత్సవంలో ప్రవేశానికి హామీ ఇవ్వదని తెలిపింది.

" ప్రాణ ప్రతిష్ఠ ఉత్సవంలో ఆహ్వానించిన ప్రముఖులకు కీలక సమాచారం: శ్రీరామ జన్మభూమి తీర్థ క్షేత్ర జారీ చేసిన ఎంట్రీ పాస్​లో పేర్కొన్న క్యూఆర్ కోడ్​ను స్కాన్ చేసిన తర్వాతే భగవాన్ శ్రీ రామలల్లా ప్రాణ ప్రతిష్ఠ ఉత్సవంలోకి ప్రవేశం లభిస్తుంది,' అని రామ మందిర ట్రస్ట్ తెలిపింది.