Vegan Breakfast | ఈ పుడ్డింగ్ తినండి.. బరువు తగ్గించుకోండి..

Healthy Breakfast | ఈ వేగన్ బ్రేక్​ఫాస్ట్​ను వండనవసరంలేదు. పైగా ఇది గ్లూటన్ ఫ్రీ అల్పాహారంగా చెప్పవచ్చు. ఇది పూర్తిగా మంచి కొవ్వులతో, కార్బ్స్, ఎక్కువ మొత్తంలో ప్రోటీన్, ఫైబర్ రిచ్​తో నిండి ఉంటుంది. ఈ బ్రేక్ ఫాస్ట్ మీకు స్వీట్ తినాలనే కోరికలను అదుపులో ఉంచుతుంది. అంతే కాకుండా బరువు తగ్గేందుకు సహాయం చేస్తుంది. దీనికి కావాల్సిన పదార్థాలు, తయారీ విధానం తెలుసుకుందాం.

కావాల్సిన పదార్థాలు

* అరటిపండు- 1/2 కప్పు

* చియా సీడ్స్- ఒకటిన్నర టేబుల్ స్పూన్

* బాదం- 4 (నానబెట్టినవి)

* ద్రాక్ష- పావు కప్పు

* పీనట్ బటర్- ఒకటిన్నర టేబుల్ స్పూన్

* ఖర్జూరం- 2

* కొబ్బరిపాలు- పావు కప్పు

* నీరు- పావు కప్పు

తయారీ విధానం

అరటిపండును, ఖర్జూరం ముక్కలు కలిపి పేస్ట్ చేయాలి. దీనిలో చియా సీడ్స్ వేసి.. పీనట్ బటర్ వేయాలి. కొబ్బరి పాలు, నీరు కలిపి ఓ రాత్రంతా ఫ్రిజ్​లో స్టోర్ చేయాలి. మరుసటి రోజు ఉదయం ద్రాక్ష, బాదంతో గార్నీష్ చేసి.. లేదా నచ్చిన ఫ్రూట్స్, నట్స్​తో గార్నీష్ చేసి బ్రేక్ ఫాస్ట్​గా తీసుకోవచ్చు.

ఎందుకు ఆరోగ్యవంతమైనది..

దీనిలో మొత్తం 451 క్యాలరీలు ఉంటాయి. ప్రోటీన్ 8 గ్రాములు, ఫైబర్ 10.6 గ్రాములు, ఫ్యాట్స్ (మంచివి) 26 గ్రాములు, కార్బ్స్ 50.9 గ్రాములు ఉంటాయి. ఇది పూర్తిగా ఆరోగ్యవంతమైనదే కాకుండా.. మీ శరీరానికి కావాల్సిన శక్తిని అందిస్తూ.. బరువును అదుపులో ఉంచుతుంది.