Today Horoscope : నేటి రాశిఫలాలు : ఇద్దరి ప్రేమలో నలిగిపోవద్దు.. కష్టమైనా తాడోపేడో తెల్చుకోండి..

Today Horoscope : నేటి రాశిఫలాలు (05-08-2022) ఎలా ఉన్నాయో ఇప్పుడు తెలుసుకుందాం.

మేష రాశిఫలం

ప్రస్తుతానికి మీ జీవితంలోని అవకాశాల పట్ల అప్రమత్తంగా ఉండండి. మీరు కొన్ని పనులను నిర్వర్తించడానికి సిద్ధంగా లేరు అంటే.. అది సిగ్గు, విశ్వాసం లేకపోవడం వల్ల వచ్చినదే. ఇప్పుడు మీరు మీ షెల్ నుంచి బయటకు వచ్చి.. మీకు నచ్చిన పని చేసి జీవించాల్సిన సమయం. కొన్ని పరిస్థితులను మీరు చాలా సులభంగా నిర్వహిస్తారు. మీరే మీ చర్యకు ఆశ్చర్యపోయే అవకాశం ఉంది. మీరు ఈరోజు మీ ప్రయత్నాలలో విజయం సాధిస్తారు. మీరు మీ పాత రొటీన్‌ను విరమించుకుంటే మంచిది. ప్రయోగాలు, అసాధారణమైన కొత్త కార్యకలాపాలకు ఇది అద్భుతమైన సమయం.

వృషభ రాశిఫలం

మీరు సంబంధాలను విజయవంతంగా మెరుగుపరుచుకుంటారు. కానీ.. మీరు మీ విధానంలో మరింత ఉద్దేశపూర్వకంగా ఉండాలి. మీరు ఇద్దరి మధ్య నలిగిపోయే అవకాశం ఉంది. ఇద్దరూ మీ దృష్టిని ఆకర్షించారు లేదా ఇష్టపడ్డారు. వీరి విషయంలో మీరు త్వరగా క్లారిటీ తెచ్చుకోండి. దానికోసం అన్వేషించండి. ఒకరిని వదిలేయండి. మీ జీవితంలో కొత్త అంశాన్ని నేర్చుకునేందుకు సిద్ధంగా ఉండండి.

మిథున రాశిఫలం

మీ జీవితాన్ని పునర్నిర్మించుకునే ప్రయత్నంలో మీరు అలసిపోయినట్లు అనిపించవచ్చు. కానీ విద్యా సాధనలు, అధ్యయనం, పరిశోధనలు మీకు గొప్ప సహాయాన్ని అందిస్తాయి. మీరు మీ జీవితాన్ని సమూలంగా మార్చుకోవచ్చు. మీరు కోరుకుంటే పూర్తిగా కొత్త వ్యక్తిగా మారవచ్చు. కానీ మొదట్లో మీరు కొంచెం నిరుత్సాహానికి గురవుతారు. వ్యక్తిగత కట్టుబాట్లు, స్వీయ-అభివృద్ధి అంత సులభం కాదు. సమయం మీ వద్ద ఉన్న గొప్ప వస్తువు. కానీ ప్రస్తుతం మీకు అది తగినంతగా ఉండకపోవచ్చు. అందుకే అనవసరమైన వాటిని మీ నుంచి తీసివేయండి.

కర్కాటక రాశిఫలం

విజయం పట్ల మీ అంకితభావం.. మరొకరి దురదృష్టానికి కారణం కావచ్చు. ఇది మీ ప్రయాణంలో ఒక భాగం మాత్రమే. ఒకరు గెలవాలంటే.. మరొకరు ఓడిపోవాల్సిందే ఇది తరచుగా జరుగుతుంది. కాబట్టి దీని గురించి ఎక్కువగా బాధపడొద్దు. మీరు భవిష్యత్తులో పెద్ద, మంచి విషయాలను సాధించేందుకు ఈ విజయం చాలా ఉపయోగపడుతుంది. వ్యక్తిగతంగా, మీ సంబంధంలో అస్థిరమైన భావాలు ఉంటే.. మీ మనసులో ఉన్న దాని గురించి వారితో మాట్లాడండి.

సింహ రాశిఫలం

పనులను త్వరగా పూర్తి చేయాలనే కోరిక మీలో ఉంటుంది. మీ దృక్కోణం ఏమిటంటే.. ఇతరులను ప్రేరేపించి.. వారికి సహాయం అందిస్తూ.. వారి ఉత్సాహాన్ని పెంచడమే. కానీ కొందరు వ్యక్తులు మీపట్ల భిన్నమైన అభిప్రాయాన్ని కలిగి ఉండవచ్చు. వారు మిమ్మల్ని మొరటుగా, సున్నితత్వం లేని వ్యక్తిగా చూస్తారు. కానీ కొందరు మీకు మరింత మద్దతునిచ్చి.. మరింత మెరుగైన బ్యాలెన్స్‌ చేస్తారు.

కన్య రాశిఫలం

ఈ రోజు మీకు ఏదో ఒక విధంగా సహాయం చేయడానికి మీ స్నేహితులు తోడుగా ఉన్నారు. వారిని అడగడానికి లేదా మీ సమస్యను చెప్పడానికి సిగ్గుపడకండి. అంటే వారు మీకు ఆర్థికంగా సహాయం చేస్తారని కాదు. కానీ మీ వ్యాపార ఆకాంక్షలలో సామాజిక, నైతిక మద్దతు ఇచ్చి పెద్ద పాత్ర పోషిస్తారు. మీరు దీనికోసం డబ్బు ఖర్చు చేయాల్సిన అవసరం లేదు. ఇలా వారి సహకారంతో మీ బడ్జెట్‌ను పెంచుకుంటారు. తల్లిదండ్రులుగా.. మీ పిల్లలకు ఎక్కువ సమయం, ప్రోత్సాహాన్ని ఇవ్వండి.

తుల రాశిఫలం

స్నేహితులతో విభేదాలను పరిష్కరించడానికి మీ మంచి విచక్షణ అవసరం. ప్రత్యేకించి అది ఆర్థికపరమైన అంశం అయితే. ఇప్పుడు మీ అంతర్ దృష్టి, మీ ప్రవృత్తులు, అంతర్గత జ్ఞానంతో మిమ్మల్ని మీరు మళ్లీ పరిచయం చేసుకోండి. కమ్యూనికేషన్, రిలేషన్ షిప్ స్కిల్స్‌ను మీరు మెరగుపరచుకుంటారు. మీ అత్యంత విలువైన సమయాన్ని ఎక్కడ కోల్పోవాల్సి వస్తుందో జాగ్రత్తగా పరిశీలించాల్సిన సమయం ఇది. ఇలా చేయడం వల్ల క్రమశిక్షణ పెరిగి.. మీ భవిష్యత్తుపై మరింత దృష్టి సారిస్తారు.

వృశ్చిక రాశిఫలం

ప్రస్తుతం మీ సమయం స్పీడుగా ఉన్నట్టుంది. డిమాండ్లు కూడా భారీగా ఉండొచ్చు. ప్రత్యేకించి మీరు మరింత రిలాక్స్‌డ్ పేస్‌ని ఇష్టపడితే మీరు దానిని ఎక్కువకాలం కొనసాగించకపోవచ్చు. నియమాలు, వ్యక్తిగత హామీలను గాలికి వదిలేయడం మంచిది కాదు. కాబట్టి వాటిని శ్రద్ధతో నిర్వర్తించాల్సిన సమయం ఆసన్నమైంది. మీరనుకుంటే విషయాలను తిరిగి ట్రాక్‌లోకి తీసుకురావడం చాలా సులభం.

ధనుస్సు రాశిఫలం

మీ సంబంధంలో ఇప్పుడు కొన్ని సవాళ్లు ఉన్నందున మీ హృదయం కఠినంగా మారిపోయే ప్రమాదముంది. కానీ మీరు అలా కానివ్వకుండా జాగ్రత్త పడండి. మీ భావోద్వేగాలను కంట్రోల్ చేసుకోండి. ఈ సమయాన్ని మెరుగుపరచడం, మంచిగా మార్చుకుంటారా లేదా అనేది మీ ఇష్టం. కానీ మీ సమస్యలను పరిష్కరించుకునే అవకాశం ఇంకా ఉంది. మీ భాగస్వామి వైపు మొదటి అడుగు వేస్తే చాలు ఈ సమస్య తొలగిపోతుంది.

మకర రాశిఫలం

మీకు సహాయం చేసేందుకు ఎవరూ మీకు దగ్గరగారారు. ఈ విషయం మిమ్మల్ని కృంగదీస్తుంది. మీ పట్టుదల, విశ్వసనీయతను నిరూపించుకోవాల్సిన సమయం ఇదే. మీరు ఏ ప్రయత్నం చేసినా పూర్తి విశ్వాసంతో చేయండి. అది కచ్చితంగా పూర్తవుతుంది. ముందు కష్టంగా అనిపించినా.. మంచి ఫలితాలు మీ దారిలో ఉన్నాయి. రాబోయే కొద్ది రోజులు మీకు అభిరుచి, శృంగారం, దీర్ఘకాలిక సంబంధానికి కూడా ప్రత్యేకమైన అవకాశాలను అందిస్తాయి. జీవితం పట్ల మీ అభిరుచి చాలా ఎక్కువగా ఉన్నందున.. కావాల్సిన వ్యక్తి మీకు దగ్గరవుతారు.

కుంభ రాశిఫలం

భూసంబంధమైన కార్యకలాపాలు ప్రస్తుతం చాలా మంచివి. ఈ విధమైన విషయాలపై మీకు ఆసక్తి కూడా ఉండకపోవచ్చు. కానీ ఇది మీకు చాలా కలిసి వస్తుంది. మీకు వీలు దొరికితే చెట్టు కింద కూర్చుని ఫోన్ పక్కన పెట్టి ఆలోచించుకోండి. మీకు చేయగలను అనే నమ్మకం వస్తుంది. మీరు దీనిని ఆస్వాదించగలిగితే.. ఇతరుల సాంగత్యాన్ని కూడా కోరుకోరు.

మీనం రాశిఫలం

మీ పేలవమైన ప్రణాళిక భయంకరమైన ఫలితాలను ఇస్తుంది. ఇది మీ మనశ్శాంతిని దూరం చేస్తుంది. విలువైన వస్తువులు, డబ్బును సురక్షితమైన ప్రదేశాలలో దాచండి. మీరు మీ డబ్బును ఎక్కడ ఖర్చు చేస్తున్నారో ఖచ్చితంగా తెలుసుకోవాలి. దీనికోసం మీరు బడ్జెట్ వేసుకోవాలి. మీ ఆలోచన, ప్రణాళికను క్రమబద్ధీకరించడానికి ఇది ఒక గొప్ప మార్గం. మీ ప్రశాంతతను కాపాడుకోవడానికి ఇలా ప్రయత్నించండి.