Dreams and Meanings : మీ కలలో ఇవి కనిపిస్తున్నాయా? అయితే మీ ఇంట్లో డబ్బే డబ్బు

డబ్బు ఎవరికి చేదు చెప్పండి.. ప్రతి ఒక్కరూ తమ ఇంట్లో లక్ష్మీ దేవి తులతూగాలని కోరుకుంటారు. అందుకే ఆమెను ప్రసన్నం చేసుకోవడం కోసం లక్ష్మీ దేవికి నిత్యం పూజలు చేస్తూ ఉంటారు. అమ్మవారికి ఇష్టమైన రోజు శుక్రవారం ఎవరికీ డబ్బులు ఇవ్వరు. అలా చేస్తే మన ఇంట్లో లక్ష్మీ దేవి నిలవదని నమ్మకం. అది మాత్రమే కాదు కొన్ని ఇతర నమ్మకాలు కూడా చిన్నప్పటి నుంచి అందరూ వినే ఉంటారు.

సాయంత్రం వేళ ఇంటి ముందు శుభ్రం చేసి లైట్లు వేసి కాసేపు గేటు తెరిచి ఉంచాలని ఇంట్లో పెద్దవాళ్ళు చెబుతూ ఉంటారు. ఒకవేళ గేటు మూసేసి ఉంటే లక్ష్మీ దేవి ఇంట్లోకి రాదని అంటుంటారు. అది ఎంత వరకు నిజమో కాదో తెలియదు కానీ లక్ష్మీ దేవి ఇంట్లోకి వచ్చే ముందు కొన్ని సంకేతాలు కనిపిస్తాయట. అవి ఏంటో తెలుసా?

అకస్మాత్తుగా నల్ల చీమలు ఇంట్లోకి గుంపులు గుంపులుగా రావడం కనిపిస్తే లక్ష్మీ దేవి త్వరలోనే మీ ఇంటికి రాబోతుందని డబ్బు లభిస్తుందని నమ్ముతారు.

పక్షి ఇంటికి వచ్చి గూడు కట్టుకుంటే అది శుభ సూచకంగా పరిగణిస్తారు. అలాగే ఆ గూడు అనుకోని కారణాల వల్ల పడిపోతే దాన్ని అశుభంగా భావిస్తారు.

కొన్ని నమ్మకాల ప్రకారం ఇంట్లో ఒకే ప్రదేశంలో మూడు బల్లులు అకస్మాత్తుగా కనిపిస్తే లక్ష్మీదేవి రాబోతుందని అర్థం. అది మాత్రమే కాదు తులసి మొక్క చుట్టూ బల్లులు కనిపించినా శుభప్రదంగా భావిస్తారు. డబ్బు సంపాదించబోతున్నారనే దానికి సంకేతం.

కుడి అరచేతిలో నిరంతరం దురదగా అనిపిస్తే డబ్బు మీ చేతికి రాబోతుందని అర్థం.

రాత్రి వేళ కలలో చీపురు, గుడ్లగూబ, ఏనుగు, శంఖం, బల్లి, గులాబీ వంటివి కనిపిస్తే సంపద పొందబోతున్నారనే దానికి సంకేతం.

ఉదయం నిద్రలేవగానే శంఖం శబ్ధం వినిపిస్తే లక్ష్మీదేవి ఆగమనానికి సంకేతంగా భావిస్తారు.

కలలో తెలుపు, పసుపు రంగు పాము కనిపిస్తే త్వరగా ధనవంతులు అయ్యే అవకాశం ఉందని అర్థం. అది మాత్రమే కాదు మీ ఆరోగ్యం విషయంలో కూడా మేలు జరుగుతుందని సూచిక.

పాము కనిపిస్తే భయపడతారు కానీ వాటికి సంపదకి చాలా దగ్గర సంబంధం ఉందని చెబుతూ ఉంటారు. అవి మీకు కనిపిస్తే త్వరలోనే ధనవంతులు అయ్యే అవకాశాలు ఉన్నాయట.