Telugu Motivational Quotes । మీ ఆలోచనలను తట్టి, మీలో స్ఫూర్థిని నింపే అద్భుతమైన కొటేషన్లు!

Telugu Motivational Quotes: ఎల్లప్పుడూ మంచి మాటలు వినాలి, సానుకూల ఆలోచనలు చేయాలి. అప్పుడు జీవితం కూడా సరైన దారిలో నడుస్తుంది. కష్టాలనైనా ధైర్యంగా ఎదురొడ్డే శక్తి లభిస్తుంది. హనుమంతుడికి తన శక్తియుక్తులు తెలియనట్లే మనలో చాలా మందికి తమ శక్తి ఏమిటో తమకు తెలియదు. జీవితంలో కష్టాలను చూసి భయపడతారు, తమకు ఏ పని సాధ్యం కాదని భావిస్తారు, ఇంకొకరిలా తమ జీవితం ఎందుకు లేదని మదనపడతారు. మనిషిగా పుట్టడమే ఒక అదృష్టం, మనిషి ఏదైనా సాధించగలడు నమ్మకం అనేది ఉండాలి, తనని తాను నమ్మాలి. ప్రతీ వ్యక్తిలో నిగూఢమైన శక్తి ఉంటుంది, ప్రతిభ ఉంటుంది, వాటిని గుర్తించగలగాలి.

ఒక చిన్న మంచి మాట మనలో ప్రేరణ కలిగిస్తుంది. నిరాశవాదంలో కూరుకుపోయిన జీవితంలో ఆశను కలిగిస్తుంది. స్పూర్థిని నింపుతుంది. ఇక్కడ మీలోని ఆలోచనలను తట్టిలేపే కొన్ని అద్భుతమైన వ్యాక్యాలు, ప్రేరణాత్మక కోట్‌లు అందిస్తున్నాం.

ఈ సుభాషితాలు మీరు చదివి స్ఫూర్థిని పొందండి, వీటిని మీ వాట్సాప్ ఇతర సోషల్ మీడియాలో పంచుకొంటూ ఇతరులలో స్ఫూర్థిని నింపండి.

• జీవితం అంటే నువ్వు ఏమిటని ఊహించుకోవడం కాదు, నిన్ను నువ్వు రూపు దిద్దుకోవటం.
• పోగొట్టుకున్న దాని గురించి ఏడవటం కన్నా, కావాలసిన దాన్ని పొందడం కోసం ప్రయత్నించడం మిన్న
• అర్థరహితమైన మాటలకన్నా, అర్థవంతమైన నిశ్శబ్దం చాలా గొప్పది.
• ఎక్కువగా నమ్మటం, ఎక్కువగా ప్రేమించటం, ఎక్కువగా ఆశించటం వలన వచ్చే బాధ కూడా ఎక్కువగానే ఉంటుంది.
• నువ్వు నిన్నటి కంటే ఈరోజు మరింత మెరుగైన పనితీరును ప్రయత్నించు, రేపు నీ భవిష్యత్తు బాగుంటుంది.
• నీకు జరిగిన చెడు గురించి ఎప్పుడూ చింతించకు. ఎందుకంటే జరిగిన మంచి మనకు ఆనందాన్ని ఇస్తే, జరిగిన చెడు అనుభవాన్ని నేర్పిస్తుంది.
• నిరాశావాది తనకు వచ్చిన అవకాశంలో కష్టాన్ని చూస్తే, ఆశావాది తనకు వచ్చిన కష్టంలోనూ అవకాశం కోసం వెతుకుతాడు.
• జీవితం అనేది ప్రతీ ఒక్కరికీ ఒక పరీక్షే, ఎవరి ప్రశ్నాపత్రం వారిదే, నీ ప్రశ్నాపత్రానికి జవాబు ఇస్తే గెలుస్తావు.
• కాలం నువ్వు కలిసే వ్యక్తులను నిర్ణయిస్తే, హృదయం మీరు కోరే వ్యక్తులను నిర్ణయిస్తుంది, మీ ప్రవర్తన మీతో ఉండే వారిని నిర్ణయిస్తుంది.
• ఇతరులతో నిన్ను నువ్వు పోల్చుకోవటం ఆపినపుడు నీ జీవితం ఆనందంగా సాగుతుంది.
• వెలుగులో ఉండటానికి ప్రయత్నించు, చీకటి అనేది నీడలా నీ వెనక్కి వెళ్లిపోతుంది.

ఈ కోట్స్ మీ రోజును సానుకూలంగా ప్రారంభించేలా సహాయపడతాయి, మిమ్మల్ని ముందుకు నడిపిస్తాయి, శుభోదయం!