Nokia C21 Plus । బడ్జెట్ ధరలో నోకియా స్మార్ట్‌ఫోన్, జియో కస్టమర్లకు డిస్కౌంట్!

నోకియా మొబైల్స్ మేకర్ HMD గ్లోబల్ తాజాగా భారత మార్కెట్లో మరొక సరికొత్త బడ్జెట్ స్మార్ట్‌ఫోన్‌ను విడుదల చేసింది. 'Nokia C21 Plus' పేరుతో విడుదలైన ఈ స్మార్ట్‌ఫోన్‌ గతంలో వచ్చిన నోకియా C20 ప్లస్ ఫోన్‌కి సక్సెసర్. ఇది బడ్జెట్ ఫోన్ కాబట్టి ఇందులోని ఫీచర్లు అదే స్థాయిలో ఉంటాయి. అయితే నోకియా ఫోన్లు మన్నికనవిగా మార్కెట్లో ఈ బాండ్‌కు మంచి పేరుంది. ఈ సరికొత్త Nokia C21 Plus స్మార్ట్‌ఫోన్‌ Samsung Galaxy F12, Redmi 10 Prime మరియు Realme C25s వంటి స్మార్ట్‌ఫోన్‌లకు ప్రత్యామ్నాయంగా ఉంటుంది.

ఈ స్మార్ట్‌ఫోన్‌ రెండు స్టోరేజ్ వేరియంట్‌లలో అందుబాటులో ఉంది. కొనుగోలుపై ఆసక్తి ఉన్న వినియోగదారులకు HMD గ్లోబల్ పలు లాంచ్ ఆఫర్‌లను కూడా అందిస్తోంది. కొనుగోలుపై ఆసక్తి ఉన్న కొనుగోలుదారులకు HMD గ్లోబల్ కూడా లాంచ్ ఆఫర్‌లను అందిస్తోంది.

మరి ఆ ఆఫర్లు ఏంటి? ఇంకా ఈ సరికొత్త Nokia C21 Plusలో ఎలాంటి ఫీచర్లు, స్పెసిఫికేషన్లు ఉన్నాయి. ధర ఎంత మొదలగు వివరాలు ఇక్కడ తెలుసుకోండి.

Nokia C21 Plus స్మార్ట్‌ఫోన్‌ ఫీచర్స్, స్పెసిఫికేషన్స్

• 6.5 అంగుళాల HD+ LCD డిస్‌ప్లే
• 3GB/4GB RAM, 32/64 GB ఇంటర్నల్ స్టోరేజ్ సామర్థ్యం
• ఆక్టా-కోర్ యునిసోక్ SC9863A ప్రాసెసర్
• వెనకవైపు 13MP + 2MP కెమెరా, ముందు భాగంలో 5 MP సెల్ఫీ షూటర్‌
• ఆండ్రాయిడ్ 11 ఆపరేటింగ్ సిస్టమ్
• 5050 mAh బ్యాటరీ సామర్థ్యం, 10W ఛార్జర్

3 GB RAM + 32 GB స్టోరేజ్ వేరియంట్ ధర రూ. 10,299/-

రెండవ వేరియంట్ 4GB RAM+ 64 GB స్టోరేజ్ ధర రూ.11,299/-

ప్రతి స్మార్ట్‌ఫోన్ కొనుగోలుపై వినియోగదారులకు నోకియా వైర్డ్ బడ్స్‌ను కూడా ఉచితంగా లభించనున్నాయి. అలాగే జియో కస్టమర్లందరికీ ధరపై 10 శాతం స్పెషల్ తగ్గింపుతో పాటు రూ. 4,000 విలువైన ప్రయోజనాలు పొందవచ్చునని కంపెనీ తెలిపింది.

ప్రస్తుతానికి ఈ ఫోన్ నోకియా ఇండియా అధికారిక ఇ-షాప్ ద్వారా మాత్రమే కొనుగోలు చేయటానికి అందుబాటులో ఉంది.