Smoothie For Weight loss | ఈ గ్లూటన్​ ఫ్రీ స్మూతీతో బరువు తగ్గవచ్చు

ఆరోగ్యాన్ని ఇస్తూ, బరువు తగ్గించే ఆహారపదార్థాలను ఎవరు కాదనగలరు. వాటిలో ముఖ్యంగా చెప్పుకోదగినది ఈ స్మూతీ. ఇది బరువు తగ్గేందుకు కృషి చేయడమే కాకుండా.. బ్లడ్ ప్రెజర్​ను అదుపులో ఉంచేందుకు కూడా ఉపయోగపడతాయి. కాబట్టి దీనిని మీరు మీ డైట్​లో యాడ్​ చేసుకోవచ్చు. పైగా ఇది గ్లూటన్ ఫ్రీ. మీరు ఫిట్​నెస్​ ఫ్రీక్​ అయితే ఇది మీ రోజూవారీ డైట్​లో భాగమైపోతుంది. ఇప్పుడు దానిని ఎలా తయారు చేసుకోవాలో తెలుసుకుందాం.

కావాల్సిన పదార్థాలు

* ఓట్స్- 10 గ్రాములు (రాత్రంతా నానబెట్టాలి)

* వేరుశనగ-1 టేబుల్ స్పూన్ (రాత్రంతా నానబెట్టాలి)

* ఖర్జూరం-15 గ్రాములు (సీడ్స్ లేనివి)

* చియా సీడ్స్- 1 టేబుల్ స్పూన్

* బాదం- 4 (రాత్రంతా నానబెట్టాలి)

* మామిడి- 70 గ్రాములు

* దాల్చినచెక్క పొడి - అర టీ స్పూన్

* పాలు- 1 కప్పు (లేదా మంచి నీళ్లు తీసుకోవచ్చు)

తయారీ విధానం

మిక్సీ జార్​లో ఓట్స్, వేరుశనగ, ఖర్జూరం, చియాసీడ్స్, బాదం, మామిడి ముక్కలు, దాల్చిన చెక్క పొడి, పాలు లేదా నీళ్లు వేసి మిక్సీ చేయాలి. ఈ స్మూతీని గ్లాస్​లోకి తీసుకుని దానిపై బాదం, పిస్తా, మామిడి ముక్కలతో లేదా మీకు నచ్చిన నట్స్, ఫ్రూట్స్​తో దానిని గార్నిష్ చేసుకోవాలి. అంతే సింపుల్​గా ఉండే ప్రోటీన్స్​తో నిండిన హెల్తీ స్మూతీ రెడీ. ఉదయాన్నే లేదా లంచ్​కి ముందు దీనిని హ్యాపీగా లాగించేవచ్చు.

ఈ స్మూతీ మొత్తం 237 క్యాలరీలను కలిగి ఉంటుంది. కాబట్టి ఇది మీ డైట్​లో తప్పక చేర్చుకోవచ్చు. దీనిని తయారు చేయడం కూడా చాలా సులువు కాబట్టి.. మీరు ట్రై చేయండి.

* ప్రోటీన్- 5.7 గ్రాములు

* కొవ్వులు- 8.4 గ్రాములు

* కార్బ్స్- 35 గ్రాములు

* ఫైబర్- 6.5 గ్రాములు

ఓట్స్ ఆరోగ్యకరమైన హెల్తీ డైట్​లో ఓ భాగం. ప్రతి ఉదయాని ఓట్స్​తో ప్రారంభించేవారు చాలా మందే ఉన్నారు. ఓట్స్​లో చాలా న్యూట్రిషన్స్, విటమిన్స్, మినరల్స్, యాంటీఆక్సిడెంట్స్​తో పూర్తిగా నిండి ఉంటాయి. అంతే కాకుండా ఎక్కువ మోతాదులో ఫైబర్, ప్రోటీన్​ కలిగి ఉంటాయి. ఇవి కొలస్ట్రాల్, బ్లడ్ షుగర్ తగ్గించేందుకు సహాయం చేస్తాయి.