Vegus Nerve | వెచ్చని స్నానం తర్వాత చన్నీటి స్నానం చేస్తే ఏమవుతుంది?

Vagus Nerve Stimulation: వాగస్ నరాలు పారాసింపథెటిక్ నాడీ వ్యవస్థ ప్రధాన నరాలలో ఒకటి. హృదయ స్పందన రేటు, శరీర రోగనిరోధక వ్యవస్థ, జీర్ణక్రియ మొదలైన వాటికి బాధ్యత వహిస్తాయి. వేగస్ నరాలు అనేక శరీర విధులను నియంత్రిస్తాయి, ప్రత్యేకించి మనం స్వచ్ఛందంగా నియంత్రించలేనివి. వేగస్ నాడి ఎలా పనిచేస్తుందో అర్థం చేసుకోవడం ద్వారా మన ఆరోగ్యాన్ని మెరుగుపరచడంలో తగిన చర్యలు తీసుకోవచ్చు. ఒత్తిడి, ఆందోళనలను తగ్గించుకోవచ్చు.

కొన్ని వ్యాయామాలు మీ వాగస్ నాడిని సక్రియం చేస్తాయి, విశ్రాంతిని అందిస్తాయి, ఒత్తిడి స్థాయిలను తగ్గిస్తాయి, జీర్ణక్రియను మెరుగుపరుస్తాయి, మీ రోగనిరోధక శక్తిని మెరుగుపరుస్తాయి అని థెరపిస్ట్ అన్నా పాపాయియోనౌ పేర్కొన్నారు, వాగస్ నరాల ఉద్దీపన కోసం ఆమె కొన్ని వ్యాయామాలను పంచుకున్నారు.

చల్లటి షవర్

వెచ్చని నీటితో స్నానం చేసిన తర్వాత, వేడి నీటిని ఆఫ్ చేసి చల్లటి షవర్ స్నానం చేయాలి. మరీ చల్లగా కాకుండా మీరు ఎంతవరకైతే తట్టుకోగలరో అంత చల్లటి నీటితో 30 నుండి 60 సెకన్ల వరకు చల్లటి షవర్ కింద ఉండండి. ఇది మీకు ఒక ప్రత్యేకమైన అనుభూతిని కలిగిస్తుంది. మీరు హాయిగా ఊపిరి పీల్చుకోవడం గమనించవచ్చు. శరీరాన్ని చల్లటి ఉష్ణోగ్రతకు గురిచేయడం వలన వాగస్ నాడిని ఉత్తేజపరచడంలో సహాయపడుతుంది.

హమ్మింగ్

మనకు నచ్చిన పాటను హమ్ చేసినప్పుడు, మన పెదవులు, గొంతు, ఛాతీలో కదలికలను గమనించవచ్చు. హమ్మింగ్ చేసేటప్పుడు మనం శరీరంలో స్థిరమైన కంపనాలు చేసినప్పుడు, అది ఒత్తిడి, ఆందోళనలను తగ్గించడానికి సహాయపడుతుంది.

గార్గిల్ వాటర్

గోరువెచ్చని నీటితో రోజుకు రెండుసార్లు మీ గొంతును గరగరలాడించండి. ఉదయం, రాత్రి పూట రోజుకు రెండు సార్లు ఇలా చేయడం వల్ల శరీరం ప్రశాంతంగా మారుతుంది, ఆరోగ్యంగా కూడా ఉంటుంది. గోరువెచ్చని నీటితో గార్గిలింగ్ చేయడం వల్ల గొంతు నొప్పి, కాలానుగుణ అలెర్జీలు, సైనస్ ఇన్ఫెక్షన్లు కూడా తగ్గుతాయి.

సహజమైన చర్మం

చర్మాన్ని సహజ కాంతి, గాలికి గురి చేసినప్పుడు, UVA కిరణాలు శరీరంలోకి మరింత లోతుగా చొచ్చుకుపోవడానికి సహాయపడుతుంది. ఇది మెలనోసైట్ స్టిమ్యులేటింగ్ హార్మోన్ స్థాయిలను పెంచుతుంది, ఇది వాగస్ నాడిని ఉత్తేజపరచడంలో సహాయపడుతుంది.