Leaves Benefits : ఈ 6 ఆకుల్లో పోషకాలు అధికం.. తినకుంటే మీకే నష్టం

మొక్కలు మనకు చాలా రకాలుగా ఉపయోగపడతాయి. కొన్ని రకాల మెుక్కల ఆకులు కచ్చితంగా తినాలి. లేదంటే వాటి నుంచి వచ్చే పోషకాలు కోల్పోతాం. అవి రుచికరమైన ఆరోగ్యకరమైన వంటకాలను తయారు చేయడానికే కాదు.. శరీరానికి కూడా చాలా మంచివి. కొద్దిమంది మాత్రమే ఆరోగ్యానికి ఉపయోగపడే ఆకులు తింటుంటారు. విటమిన్లు, ఖనిజాలు, కాల్షియం, ప్రోటీన్, ఐరన్, ఫైబర్, ఫోలిక్ యాసిడ్, యాంటీఆక్సిడెంట్లు, ఇతర పోషకాలతో నిండిన అనేక రకాల ఆకులు ఉన్నాయి. మీ గుండె, రక్తంలో చక్కెర, రోగనిరోధక వ్యవస్థకు చాలా మంచివి. కచ్చితంగా తినాల్సిన 6 ఆకులు ఏంటో చూద్దాం..

పుదీనా ఆకులతో ఫుల్ ప్రయోజనాలు

పుదీనా ఆకులు మీకు ఎంతగానో సహాయపడతాయి. ఇది అజీర్ణం నుండి ఉపశమనానికి, దుర్వాసనను పొగొట్టేందుకు ఉపయోగపడతాయి. ఇది యాంటీఆక్సిడెంట్లు, ఫైటోన్యూట్రియెంట్లతో నిండి ఉంటుంది. భాస్వరం, కాల్షియం వంటి ఖనిజాల మంచి మూలం. శరీర రోగనిరోధక వ్యవస్థను మెరుగుపరిచే సి, డి, ఇ, ఎ వంటి విటమిన్లు పుదీనాలో దొరుకుతాయి.

రోగనిరోధక శక్తిని పెంచే ఆకులు

పార్స్లీ ఆకుల్లో కేలరీలు తక్కువగా ఉంటాయి. విటమిన్ ఎ, కె, సి వంటి ముఖ్యమైన పోషకాలు పుష్కలంగా ఉన్నాయి. విటమిన్లు ఎ, సి మీ రోగనిరోధక శక్తిని మెరుగుపరిచే శక్తివంతమైన యాంటీఆక్సిడెంట్లు. మంచి చర్మం, కంటి ఆరోగ్యానికి కూడా ఇవి ముఖ్యమైనవి. విటమిన్ K ఎముక, గుండె ఆరోగ్యానికి తోడ్పడుతుంది. పార్స్లీ కాల్షియం, ఐరన్, మెగ్నీషియం, పొటాషియం వంటి ఖనిజాలకు కూడా మంచి మూలం.

మెంతి ఆకులో ఔషధ గుణాలు

మెంతి ఆకుల్లో ఫైటోన్యూట్రియెంట్స్, విటమిన్ సి, విటమిన్ ఎ, బీటా కెరోటిన్ వంటి అనేక యాంటీఆక్సిడెంట్‌లు దొరుకుతాయి. ఇది మొత్తం శ్రేయస్సును పెంచుతుంది. ఈ ఆకులు తక్కువ గ్లైసెమిక్ ఇండెక్స్ ఆహారాలు, మెరుగైన గ్లూకోజ్ నియంత్రణలో కూడా సహాయపడతాయి. కాల్షియం కూడా మెంతి ఆకుల్లో ఉంటుంది. దీంతో బోలు ఎముకల వ్యాధిని నివారించడంలో సహాయపడుతుంది.

పాలకూరతో అనేక ఉపయోగాలు

పాలకూరలో విటమిన్ సి వంటి యాంటీ ఆక్సిడెంట్లు, విటమిన్ ఎ, కె వంటి ఇతర పోషకాలు పుష్కలంగా ఉన్నాయి. ఇది మంటతో పోరాడటానికి, గుండె ఆరోగ్యాన్ని పెంచడానికి సహాయపడుతుంది. పాలకూరలోని ఫైబర్ జీర్ణక్రియను ప్రోత్సహిస్తుంది. బరువు తగ్గడంలో సహాయపడుతుంది. ఇది నాడీ వ్యవస్థను ప్రశాంతపరుస్తుంది. మంచి నిద్రను ప్రోత్సహిస్తుంది.

బచ్చలికూరతో జీర్ణక్రియకు మేలు

బచ్చలికూరలో కెరోటినాయిడ్స్, విటమిన్ సి, విటమిన్ కె, ఫోలిక్ యాసిడ్, ఐరన్, కాల్షియం చాలా పుష్కలంగా ఉన్నాయని తెలిసిన విషయమే. ఈ ఆకులు జీర్ణక్రియ, బరువు తగ్గడంలో సహాయపడుతుంది. ఇది కంటిని మెరుగుపరిచే సమ్మేళనం ల్యూటిన్‌ని కలిగి ఉంటుంది. ఎముకల ఆరోగ్యాన్ని మెరుగుపరుస్తుంది. రక్తపోటును నియంత్రించడంలో సహాయపడుతుంది.

కరివేపాకును అస్సలు పడేయెుద్దు

చాలా మంది ప్రజలు కరివేపాకు తినకుండా పడేస్తారు. కూరలో వేస్తే మనకెందుకులే అనుకుంటారు. కానీ ఈ ఆకులు పోషకమైనవి. మీరు పడేయడం ఆపేయాలి. కరివేపాకులో యాంటీ బాక్టీరియల్, యాంటీ మైక్రోబియల్ లక్షణాలు ఉంటాయి. ఇవి నోటి ఆరోగ్యాన్ని మెరుగుపరుస్తాయి. మధుమేహం, కొలెస్ట్రాల్, కడుపు వ్యాధులను కూడా నిర్వహించడంలో ఇవి మీకు సహాయపడతాయి.

ఈ ఆకులను ఎందుకు తినాలంటే

తక్కువ ధరలో ఎక్కడైనా సులువుగా దొరుకుతాయి.

వీటిని రోజువారీ ఆహారంలో చేర్చుకోవడం వల్ల మీ శరీరానికి అవసరమైన విటమిన్లు, ఖనిజాలు, ఫైబర్, యాంటీ ఆక్సిడెంట్లు మొదలైన పోషకాలు అందుతాయి.

ఆకుల్లో ఉండే యాంటీ ఆక్సిడెంట్లు రోగనిరోధక శక్తిని బలోపేతం చేస్తాయి.

పైన చెప్పిన ఆకులను క్రమం తప్పకుండా తీసుకోవడం వల్ల మీ చర్మాన్ని సంరక్షించవచ్చు. మీ శరీరాన్ని ఎక్కువసేపు హైడ్రేట్ గా ఉంచుకోవచ్చు.

మీ రోజువారీ ఆహారంలో మితమైన పరిమాణంలో ఆకులను జోడించడం వల్ల గుండె జబ్బులు రావు. ఊబకాయం, ఇతర సమస్యల ప్రమాదాన్ని తగ్గించవచ్చు.