Peddakapu Trailer: పెద‌కాపు ట్రైల‌ర్ రిలీజ్ - విరాట్ ఫుల్ యాక్ష‌న్ మోడ్ - విల‌న్‌గా శ్రీకాంత్ అడ్డాల ఎంట్రీ

Peddakapu Trailer: శ్రీకాంత్ అడ్డాల ద‌ర్శ‌క‌త్వం వ‌హిస్తోన్న పెద‌కాపు ట్రైల‌ర్ సోమ‌వారం రిలీజైంది. విలేజ్ బ్యాక్‌డ్రాప్‌లో ర‌స్టిక్‌గాకంప్లీట్‌ యాక్ష‌న్ సీక్వెన్స్‌ల‌తో ట్రైల‌ర్ సాగింది. ఒక ఆడ‌దాని ఉచ్చులో ప‌డి ఆకాశం త‌ప్ప ఆదుకునే వాడు లేక‌, అరిస్తే వినిపించుకునే వాడు లేక వెళ్లిపోయాడు అంటూ త‌నికెళ్ల‌భ‌ర‌ణి డైలాగ్‌తో ఇంట్రెస్టింగ్‌గా ఈ ట్రైల‌ర్ ప్రారంభ‌మైంది.

ప‌ల్లెటూళ్ల‌లోని రాజ‌కీయాలు, పార్టీగొడ‌వ‌ల్ని ట్రైల‌ర్‌లో చూపించారు. ఊరి పెద్ద‌ల్ని ఎదురించి హీరో విరాట్ క‌ర్ణ‌ పోరాడే స‌న్నివేశాలను ట్రైల‌ర్‌లో ఇంటెన్స్‌గా ఆవిష్క‌రించారు. డైరెక్ట‌ర్ శ్రీకాంత్ అడ్డాల కూడా న‌టుడిగా ట్రైల‌ర్‌లో క‌నిపించి తెలుగు ఆడియెన్స్‌ను స‌ర్‌ప్రైజ్ చేశారు.

మ‌నిషిలో క‌సి త‌గ్గినా క‌నిక‌రం పెరిగినా..ఆడు మ‌నోడైనా, ప‌రాయోడైనా అంటూ త‌న శ‌త్రువును చంపుతూ ట్రైల‌ర్‌లో డిఫ‌రెంట్‌గా శ్రీకాంత్ అడ్డాల పాత్ర ఎంట్రీ ఇవ్వ‌డం ఆక‌ట్టుకుంటోంది. ట్రైల‌ర్ చివ‌ర‌లో నిల్చొన్న వాళ్ల‌ను నిల్చొన్న‌ట్లుగానే త‌ల‌లు న‌రికేయండ్రా...ఆత్మ‌గౌర‌వ‌మా...కొవ్వా అంటూ అనే డైలాగ్ చూస్తుంటే శ్రీకాంత్ అడ్దాల ఈ సినిమాలో నెగెటివ్ షేడ్స్‌తో కూడిన ప‌వ‌ర్‌ఫుల్‌ క్యారెక్ట‌ర్‌లో క‌నిపించ‌బోతున్న‌ట్లు తెలుస్తోంది.

ఊరి పెత్తందారుల ఆధిప‌త్య ధోర‌ణిని ఎదురించి పోరాడే సాధార‌ణ యువ‌కుడి క‌థ‌తో పెద‌కాపు సినిమాను ద‌ర్శ‌కుడు శ్రీకాంత్ అడ్డాల తెర‌కెక్కిస్తోన్న‌ట్లు క‌నిపిస్తోంది. పెద‌కాపు సినిమాతో విరాట్ క‌ర్ణ‌ హీరోగా టాలీవుడ్‌లోకి ఎంట్రీ ఇస్తున్నాడు. ప్ర‌గ‌తి హీరోయిన్‌గా న‌టిస్తోంది. ద్వార‌క క్రియేష‌న్స్ ప‌తాకంపై మిర్యాల ర‌వీంద‌ర్‌రెడ్డి పెద‌కాపు సినిమాను నిర్మిస్తున్నారు.

రావుర‌మేష్, నాగ‌బాబు, త‌నికెళ్ల‌భ‌ర‌ణి కీల‌క పాత్ర‌ల్ని పోషిస్తున్నారు. మిక్కీ జే మేయ‌ర్ సంగీతాన్ని అందిస్తోన్నాడు. సెప్టెంబ‌ర్ 29న వ‌ర‌ల్డ్‌వైడ్‌గా ఈ మూవీ రిలీజ్ కానుంది. నార‌ప్ప త‌ర్వాత శ్రీకాంత్ అడ్దాల ద‌ర్శ‌క‌త్వం వ‌హిస్తున్న సినిమా ఇది.