Liger Pre Release Business: రికార్డ్ స్థాయిలో లైగర్ ప్రీ రిలీజ్ బిజినెస్ - విజయ్ కెరీర్ లో ఇదే హయ్యెస్ట్

Liger Pre Release Businessప్రస్తుతం టాలీవుడ్ తో పాటు బాలీవుడ్ వర్గాల దృష్టిని ఆకర్షిస్తున్న సినిమాల్లో లైగర్ ఒకటి. విజయ్ దేవరకొండ హీరోగా నటిస్తున్న ఈ సినిమా ఆగస్ట్ 25న రిలీజ్ కానుంది. మిక్స్ డ్ మార్షల్ ఆర్ట్స్ నేపథ్యానికి మదర్ సెంటిమెంట్, యాక్షన్ జోడించి దర్శకుడు పూరి జగన్నాథ్ (Puri jagannadh) లైగర్ సినిమాను తెరకెక్కిస్తున్నారు. యువతరంలో విజయ్ దేవరకొండకు ఉన్న పాపులారిటీ తో పాటు పాన్ ఇండియన్ స్థాయిలో ప్రమోషన్స్ భారీగా నిర్వహించడంతో ఈ సినిమాపై అంచనాలు పెరిగిపోయాయి. అందుకు తగినట్లుగా ఈ సినిమా ప్రీ రిలీజ్ బిజినెస్ రికార్డ్ స్థాయిలో జరిగింది.

స్టార్ హీరోల సినిమాతో సమానంగా ఈ సినిమా థియేట్రికల్ రైట్స్ అమ్ముడుపోవడం ట్రేడ్ వర్గాల్లో ఆసక్తిని రేకెత్తిస్తోంది. నైజాం ఏరియాలో ఈ సినిమా రైట్స్ 25 కోట్లకు అమ్ముడుపోయినట్లు తెలిసింది. సీడెడ్ లో 9 కోట్లు, ఉత్తరాంధ్రలో 7.5 కోట్లు, గుంటూర్ లో 5.2 కోట్లకు హక్కులు అమ్మినట్లు చెబుతున్నారు. మొత్తంగా తెలంగాణ, ఏపీ లో కలిపి లైగర్ 62 కోట్ల ప్రీ రిలీజ్ బిజినెస్ చేసినట్లు సమాచారం. లైగర్ సినిమా కర్ణాటకలో 5.20 కోట్లు, ఓవర్ సీస్ లో 7.50 కోట్లు, బాలీవుడ్ లో 10 కోట్ల ప్రీ రిలీజ్ బిజినెస్ జరిగినట్లు చెబుతున్నారు.

వరల్డ్ వైడ్ గా 88.40 కోట్ల వరకు బిజినెస్ జరిగినట్లు తెలిసింది. 90 కోట్ల కలెక్షన్స్ దాటితేనే ఎగ్జిబిటర్లు బ్రేక్ ఈవెన్ అవుతారు. స్టార్ హీరోల సినిమాలకు సమానంగా లైగర్ థియేట్రికల్ బిజినెస్ జరగడం ఆసక్తికరంగా మారింది. భీమ్లానాయక్, మహర్షి, వకీల్ సాబ్, అరవింద సమేత, వినయ విధేయ రామ లాంటి చిత్రాలకు సమానంగా లైగర్ థియేట్రికల్ రైట్స్ అమ్ముడుపోవడంతో ట్రేడ్ వర్గాల్లో హాట్ టాపిక్ గా మారింది. ఈ సినిమా బ్రేక్ ఈవెన్ అవుతుందో లేదో అన్నది రెండు రోజుల్లో తేలనుంది.