vijay- samantha |విజయ్ దేవరకొండ- సమంత... ఛలో కశ్మీర్

అల‌నాటి మేటి న‌టి సావిత్రి జీవితం ఆధారంగా రూపొందిన మ‌హాన‌టి చిత్రంలో విజ‌య్ దేవ‌ర‌కొండ‌,స‌మంత తొలిసారి జంట‌గా న‌టించారు. సావిత్రి జీవితాన్ని వెలుగులోకి తీసుకొచ్చే జ‌ర్న‌లిస్ట్‌లుగా త‌మ న‌ట‌న‌తో ఆక‌ట్టుకున్నారు. దాదాపు నాలుగేళ్ల విరామం త‌ర్వాత‌ మ‌రోసారి ఈ జోడి వెండితెర‌పై క‌నువిందుచేయ‌బోతున్న‌ది. విజ‌య్ దేవ‌ర‌కొండ‌,స‌మంత‌ క‌ల‌యిక‌లో ఓ ప్రేమ‌క‌థా చిత్రం తెర‌కెక్కుతోంది. నిన్నుకోరి,మ‌జిలీ ఫేమ్ శివ‌నిర్వాణ ద‌ర్శ‌క‌త్వం వ‌హిస్తున్న ఈ చిత్రం గురువారం హైద‌రాబాద్ లో పూజా కార్య‌క్ర‌మాల‌తో మొద‌లైంది.

మైత్రీ మూవీ మేక‌ర్స్ సంస్థ ఈ చిత్రాన్ని నిర్మిస్తోంది. క‌శ్మీర్ బ్యాక్‌డ్రాప్‌లో సాగే ల‌వ్ స్టోరీ ఇద‌ని సమాచారం. ఈ నెల‌లోనే క‌శ్మీర్ లో రెగ్యుల‌ర్ షూటింగ్ ప్రారంభించ‌బోతున్నారు.విజ‌య్ దేవ‌ర‌కొండ హీరోగా న‌టిస్తున్న 11వ చిత్ర‌మిది. డియ‌ర్ కామ్రేడ్ త‌ర్వాత మ‌రోసారి మైత్రీ మూవీ మేక‌ర్స్ తో విజ‌య్ ఈ సినిమా చేస్తున్నారు.

మ‌ల‌యాళంలో మ్యూజిక‌ల్‌గాపెద్ద హిట్ అయిన హృద‌యం సినిమా ఫేమ్ హిషామ్ అబ్దుల్ వ‌హాబ్ ఈ ల‌వ్ స్టోరీతో సంగీత ద‌ర్శ‌కుడిగా టాలీవుడ్‌కు ప‌రిచ‌యం కాబోతున్నారు. మ‌ల‌యాళ న‌టుడు జ‌య‌రామ్ తో పాటు స‌చిన్ ఖేడ్క‌ర్ కీల‌క పాత్ర‌ల‌ను పోషిస్తున్నారు. గురువారం ఈ సినిమా లాంఛింగ్ ఈవెంట్‌కు స‌మంత హాజ‌రుకాలేదు.