OTT Thriller Web Series: చిన్నపిల్లలతో థ్రిల్లర్ సిరీస్.. ఇంట్రెస్టింగ్‍గా ట్రైలర్.. తెలుగులోనూ స్ట్రీమింగ్.. డేట్ ఇదే

ఓ ఇంట్రెస్టింగ్ థ్రిల్లర్ సిరీస్ స్ట్రీమింగ్‍కు సిద్ధమైంది. సరదాగా ఆడే వైకుంఠపాళి ఆట ఇంగ్లిష్ పేరు ‘స్నేక్స్ ఆండ్ లాడర్స్’ అంటూ ఈ సిరీస్ వస్తోంది. ఈ సిరీస్ మాత్రం ఫన్నీగా కాకుండా సీరియస్ థ్రిల్లర్‌గా ఉండనుంది. ఈ తమిళ వెబ్ సిరీస్‍కు ప్రముఖ దర్శకుడు కార్తిక్ సుబ్బరాజ్ క్రియేటివ్ ప్రొడ్యూసర్‌గా ఉండడం మరింత ఆసక్తికరంగా ఉంది. తెలుగు యాక్టర్ నవీన్ చంద్ర ఓ ముఖ్యమైన పాత్ర పోషించారు. స్నేక్స్ అండ్ లాడర్స్ వెబ్ సిరీస్ ట్రైలర్ నేడు (అక్టోబర్ 9) రిలీజ్ అయింది.

నలుగురు అల్లరి పిల్లలు

రెట్టముగడు అనే హిల్‍స్టేషన్‍ను చూపిస్తూ స్నేక్స్ ఆండ్ లాడర్స్ ట్రైలర్ మొదలైంది. ఆ తర్వాత నలుగురు పిల్లలు స్కూల్‍లో ఎక్కువగా అల్లరి చేస్తుంటారు. ప్రిన్సిపాల్ వాళ్ల తల్లిదండ్రులను పిలిచి సరిగా ఉండేలా చెప్పాలని హెచ్చరిస్తారు. అప్పటి వరకు సరదాగానే సాగిన ట్రైలర్ ఒక్కసారిగా థ్రిల్లర్ టర్న్ తీసుకుంటుంది. ఆ నలుగురు పిల్లలు కలిసి ఓ అడ్వెంచర్‌కు వెళ్లాలని నిర్ణయించుకుంటారు. సైకిళ్లపై అడవిలోకి వెళతారు.

డాలర్ కోసం..

ఆ నలుగురి పిల్లలకు ఓ మహిళ అరిచినట్టుగా కేక వినించడంతో ఆగుతారు. అక్కడ వారికి ఓ పురాతమైన డాలర్ చైన్ దొరుకుతుంది. మిలియన్ డాలర్ల ఆ డాలర్ కోసం ఓ ముఠా వెతుకుతూ ఉంటుంది. పిల్లల దగ్గరే డాలర్ ఉందని గుర్తిస్తారు. ఆ తర్వాత వారి నుంచి దాన్ని రాబట్టేందుకు ప్రయత్నిస్తారు. పిల్లలు కూడా ఇవ్వకుండా ఉండేందుకు ప్రయత్నిస్తారు. ఇలా ఈ ట్రైలర్ సాగింది.

స్నేక్స్ ఆండ్ లాడర్స్ వెబ్ సిరీస్ చిన్నపిల్లలతో ఉన్నా.. సీరియస్ థ్రిల్లర్‌గా రూపొందింది. నవీన్ చంద్ర, నందా, మనోజ్ భారతి రాజా, ముత్తుకుమార్, శ్రీంద, ఎంఎస్ శ్రీమత్, సూర్య రాఘవేశ్వర్, సూర్యకుమార్, తరుణ్ యువరాజ్ ఈ సిరీస్‍లో కీలకపాత్రలు పోషంచారు.

ఈ సిరీస్‍కు అశోక్ వీరప్పన్, భరత్ మురళీధరన్, కమలా అల్కెమిస్ దర్శకత్వం వహించారు. తమిళ స్టార్ డైరెక్టర్ కార్తిక్ సుబ్బరాజ్ క్రియేటివ్ ప్రొడ్యూసర్‌గా వ్యవహరించారు. కల్యాణ్ సుబ్రమణియం ప్రొడ్యూజ్ చేసిన ఈ సిరీస్‍కు పృథ్వి చంద్రశేఖర్ సంగీతం అందించారు. విఘ్నేష్ రాజ్ సినిమాటోగ్రఫీ చేయగా.. రాధా శ్రీధర్ ఎడిటింగ్ చేశారు.

స్ట్రీమింగ్ డేట్.. తెలుగులోనూ..

స్నేక్స్ ఆండ్ లాడర్స్ వెబ్ సిరీస్ అమెజాన్ ప్రైమ్ వీడియో ఓటీటీ ప్లాట్‍ఫామ్‍లో అక్టోబర్ 18వ తేదీన స్ట్రీమింగ్‍కు రానుంది. తమిళంతో పాటు తెలుగు, హిందీ, మలయాళం, కన్నడ భాషల్లోనూ స్ట్రీమింగ్‍కు వస్తుంది.

స్నేక్స్ ఆండ్ లాడర్స్ సిరీస్ గురించి నవీన్ చంద్ర మాట్లాడారు. అడ్వెంచర్, డ్రామా, మిస్టరీతో ఈ సిరీస్ ఉంటుందని చెప్పారు. ఊహకు అందని ట్విస్టులు ఉంటాయని అన్నారు. స్టోరీలైన్ చాలా సస్పెన్స్‌ఫుల్‍గా ఉంటుందని అన్నారు. ట్రైలర్ ఆసక్తికరంగా ఉండటంతో సిరీస్‍పై మంచి క్యూరియాసిటీ నెలకొంది.

అమెజాన్ ప్రైమ్ వీడియోలో ఈ ఏడాదే నవీన్ చంద్ర ప్రధాన పాత్ర పోషించిన ‘ఇన్‍స్పెక్టర్ రిషి’ వెబ్ సిరీస్ సూపర్ సక్సెస్ అయింది. భారీ వ్యూస్ సాధించింది. తమిళంలో రూపొందించిన ఆ హారర్ క్రైమ్ సిరీస్ తెలుగు, హిందీ, తమిళం, మలయాళం, కన్నడలో మార్చిలో స్ట్రీమింగ్‍కు వచ్చింది. డైరెక్టర్ జేఎస్ నందిని తెరకెక్కించిన ఇన్‍స్పెక్టర్ రిషి ప్రేక్షకులను మెప్పించింది. దానికి రెండో సీజన్ కూడా రానుంది.