Padipoya Independent Song: మ్యూజిక్ లవర్స్ ను మెప్పిస్తున్న పడిపోయా వీడియో సాంగ్

సినిమా పాట‌ల‌కు ధీటుగా ఇండిపెండెంట్ సాంగ్స్ సంగీతాభిమానుల‌ను మెప్పిస్తున్నాయి. చ‌క్క‌టి సాహిత్య‌పు విలువ‌లు,బాణీల‌తో అల‌రిస్తున్నాయి. మ‌ళ్లీరావా,ఎవ‌రే క‌వ‌ర్‌సాంగ్స్‌తో పాటు గ‌ణ‌నాయక ఇండిపెండెంట్ సాంగ్స్‌తో సంగీత‌ద‌ర్శ‌కుడిగా,గేయ‌ర‌చ‌యిత‌గా మంచి పేరుతెచ్చుకున్నారు సుమంత్ బొర్ర. వెంక‌టేష్ ఉప్పాల‌తో క‌లిసి సుమంత్ బొర్ర స్వ‌ర‌ప‌ర‌చిన ఎలా మ‌రి ఇక రావా పాట యూట్యూబ్ లో మంచి వ్యూస్ ను సాధించింది. వీరిద్ద‌రి క‌ల‌యిక‌లో రూపొందిన తాజా సాంగ్ ప‌డిపోయా. శుక్ర‌వారం ఈ ఇండిపెండెంట్ వీడియో సాంగ్‌ను ద‌ర్శ‌కుడు త‌రుణ్‌భాస్క‌ర్ తల్లిగీతాభాస్క‌ర్ రిలీజ్ చేశారు.

బ్యూటిఫుల్ మెలోడీగా సాగిన ఈ పాట ఆదిత్య మ్యూజిక్ ద్వారా విడుద‌లైంది. సుమంత్ బొర్ర ఆలపించిన ఈ పాటకు మ‌ల్లిక వ‌ల్ల‌భ సాహిత్యాన్ని సమకూర్చారు. గాయకుడిగానే కాకుండా వోక‌ల్ కంపోజ‌ర్‌గా , ప్రొడ్యూసర్ గా సుమంత్ వ్య‌వ‌హ‌రించారు. వెంకటేశ్ ఉప్పాల సంగీతం అందించారు. ఈ వీడియో సాంగ్ లో ఉపేంద్ర కుమార్, వైష్ణవి రెడ్డి నటించారు. శివారెడ్డి సినిమాటోగ్రఫీ అందించారు. బీటెక్ పూర్తిచేసిన సుమంత్ ఓ వైపు సాఫ్ట్‌వేర్ ఉద్యోగాన్ని చేస్తూనే మ‌రోవైపు సంగీత ద‌ర్శ‌కుడిగా కొన‌సాగుతున్నారు. మ్యూజిక్ డైరెక్ట‌ర్‌గా తెలుగు సినీ ప‌రిశ్ర‌మ‌లో నిల‌దొక్కుకోవాల‌న్న‌దే త‌న ఆశ‌య‌మ‌ని సుమంత్ చెబుతున్నారు.

ఈ పడిపోయా పాటను సింగర్ దీపూ, దర్శకులు మెహార్ రమేశ్, తరుణ్ భాస్కర్ తో పాటు పలువురు సినీ ప్రముఖలు ప్రశంసించారు.