Calling Sahasra Collection: సుడిగాలి సుధీర్ కాలింగ్ స‌హ‌స్ర క‌లెక్ష‌న్స్ - బ్రేక్ ఈవెన్ కావాలంటే ఇంకా ఎంత‌ రావాలంటే?

Calling Sahasra Movie Collection: గాలోడు స‌క్సెస్ త‌ర్వాత ఏడాది పాటు సినిమాల‌కు గ్యాప్ తీసుకున్న సుడిగాలి సుధీర్ ఇటీవ‌లే కాలింగ్ స‌హ‌స్ర‌తో తెలుగు ప్రేక్ష‌కుల ముందుకొచ్చాడు. క్రైమ్ థ్రిల్ల‌ర్ క‌థ‌తో తెర‌కెక్కిన ఈ మూవీకి అరుణ్ విక్కీరాలా ద‌ర్శ‌క‌త్వం వ‌హించాడు. యానిమ‌ల్‌తో పాటు డిసెంబ‌ర్ 1న కాలింగ్ స‌హ‌స్ర రిలీజైంది. అయితే యానిమ‌ల్ ఎఫెక్ట్ కాలింగ్ స‌హ‌స్ర‌పై భారీగానే ప‌డింది. గాలోడు మ్యాజిక్‌ను రిపీట్ చేయ‌లేక బాక్సాఫీస్ వ‌ద్ద ఈ మూవీ డీలా ప‌డింది.

ఆరు రోజుల్లో కాలింగ్ స‌హ‌స్ర మూవీ ఓవ‌రాల్‌గా కోటి వ‌ర‌కు గ్రాస్, యాభై ల‌క్ష‌ల లోపు షేర్ క‌లెక్ష‌న్స్ రాబ‌ట్టిన‌ట్లు స‌మాచారం. దాదాపు రెండు కోట్ల బ్రేక్ ఈవెన్ టార్గెట్‌తో కాలింగ్ స‌హ‌స్ర రిలీజైంది. ఈ సినిమా లాభాల్లోకి అడుగుపెట్టాలంటే మ‌రో కోటిన్న‌ర వ‌ర‌కు క‌లెక్ష‌న్స్ రావాల్సివున్న‌ట్లు ట్రేడ్ వ‌ర్గాలు అంచ‌నా వేస్తోన్నాయి. యానిమ‌ల్‌తో పాటు గురువారం హాయ్ నాన్న రిలీజైంది. వీటితో పాటు శుక్ర‌వారం ఎక్స్‌ట్రా ఆర్డిన‌రీ మ్యాన్ ప్రేక్ష‌కుల ముందుకు రాబోతోంది.

ఈ మూడు సినిమాల పోటీని త‌ట్టుకొని కాలింగ్ స‌హ‌స్ర బ్రేక్ ఈవెన్ కావ‌డం క‌ష్ట‌మ‌నే అంటున్నారు. అయితే స్మాల్‌స్క్రీన్‌పై సుడిగాలి సుధీర్‌కు ఉన్న క్రేజ్ కార‌ణంగా ఈ సినిమా ఓటీటీ, శాటిలైట్ బిజినెస్ భారీగానే జ‌రిగిన‌ట్లు స‌మాచారం. కాలింగ్ స‌హ‌స్ర లో డాలీ షా హీరోయిన్‌గా న‌టించింది. శివ‌బాలాజీ కీల‌క పాత్ర పోషించాడు.