Sreeleela Ravi Teja: మళ్లీ ధమాకా జోడీ రిపీట్.. రవితేజతో శ్రీలీల.. దర్శకుడు ఎవరంటే?

Sreeleela Movie With Ravi Teja Again: పెళ్లి సందD సినిమాతో తెలుగు వారికి పరిచయమైను ముద్దుగుమ్మ శ్రీలీల. శ్రీకాంత్ కొడుకు రోషన్ హీరోగా చేసిన ఈ సినిమా ఫలితం ఎలా ఉన్నా శ్రీలీల మాత్రం అందరి దృష్టిని ఆకర్షించింది. తర్వాత మాస్ మహరాజా రవితేజతో కలిసి ధమాకా సినిమా చేసింది. ఈ మూవీ బాక్సాఫీస్ వద్ద ఎలాంటి హిట్ కొట్టిందో తెలిసిందే. ఇందులో రవితేజకు ధీటుగా ఎనర్జిటిక్ పర్ఫామెన్స్ తో ఆశ్చర్యపరిచింది శ్రీలీల.

ధమాకా సినిమాతో తెలుగులో క్రేజీ హీరోయిన్‍గా పేరు తెచ్చుకుంది డేంజర్ పిల్ల శ్రీలీల. దీంతో ఆమెకు వరుసగా సినీ అవకాశాలు రావడం మొదలైంది. ఇప్పుడు మళ్లీ రవితేజతో శ్రీలీల జోడీ కట్టనుందని టాక్ వస్తోంది. గోపీచంద్ మలినేని దర్శకత్వంలో రవితేజ మరోసారి నటిస్తున్న చిత్రం RT 4 GM. రవితేజ-గోపిచంద్ మలినేని కాంబినేషన్‍లో నాలుగోసారి వస్తున్న ఈ సినిమాలో హీరోయిన్‍గా శ్రీలీలను ఎంపిక చేశారని సమాచారం.

రవితేజ RT 4 GM సినిమాలో శ్రీలీల హీరోయిన్ అనే విషయంపై ఇప్పటివరకు అధికారిక ప్రకటన అయితే వెలువడలేదు. కానీ, త్వరలోనే అనౌన్స్ చేయనున్నారని వినికిడి. దీంతో రవితేజ ఫ్యాన్స్ ఖుషీ అవుతున్నారు. రవితేజ, శ్రీలీల కాంబో మళ్లీ రిపీట్ అయితే.. డ్యాన్స్, సాంగ్స్ ఎలా ఉంటాయో అని అంచనాలు పెంచేసుకుంటున్నారు. అంతేకాకుండా ఈ సినిమాలో శృతిహాసన్ కీ రోల్ ప్లే చేస్తుందని మరో టాక్ వినిపిస్తోంది. దీంతో సినిమాపై ఆసక్తి కలుగుతోంది.

ఇదిలా ఉంటే రవితేజ టైగర్ నాగేశ్వరరావు, ఈగల్ సినిమాలతో బిజీగా ఉన్నాడు. ఇక శ్రీలీల రామ్ పోతినేని బాలకృష్ణ, మహేశ్ బాబు, పవన్ కల్యాణ్ ఇలా అగ్ర హీరోల సినిమాల్లో నటిస్తూ స్టార్ హీరోయిన్ రేంజ్ తెచ్చుకుంది. అంతేకాకుండా వినాయక చవితి నుంచి వచ్చే సంక్రాంతి వరకు ప్రతి ఒక్క పండగకు.. ఐదు నెలల్లో ఐదు శ్రీలీల సినిమాలు (స్కంద, భగవంత్ కేసరి, ఆది కేశవ, ఎక్స్ ట్రా ఆర్డినరీ మ్యాన్, గుంటూరు కారం) విడుదలకు సిద్ధంగా ఉండటం విశేషం.