Alluri Movie Release: అల్లూరి మూవీ మార్నింగ్ షోస్ క్యాన్సల్ - కారణం ఇదేనా

Alluri Movie Release: శ్రీవిష్ణు హీరోగా న‌టించిన అల్లూరి సినిమా మార్నింగ్ షోస్ క్యాన్సిల్ అయ్యాయి. మ్యాట్నీషో నుండి సినిమాను ప్ర‌ద‌ర్శిస్తున్న‌ట్లు హీరో శ్రీవిష్ణు ప్రకటించారు. శ్రీవిష్ణు హీరోగా న‌టించిన ఈ చిత్రానికి ప్ర‌దీప్ వ‌ర్మ ద‌ర్శ‌క‌త్వం వ‌హించాడు. పోలీస్ ఆఫీస‌ర్ బ‌యోపిక్‌గా ఈ సినిమాను తెర‌కెక్కించారు. అల్లూరి ప్రీ రిలీజ్ ఈవెంట్‌కు అల్లు అర్జున్ గెస్ట్‌గా రావ‌డంతో సినిమాపై అంచ‌నాలు పెరిగాయి.

శ్రీవిష్ణు తొలిసారి పోలీస్ క‌థాంశంతో చేసిన సినిమా కావ‌డంతో సినీ అభిమానులు రిలీజ్ కోసం ఆస‌క్తిగా ఎదురుచూశారు. నేడు ఈ సినిమా ప్రేక్షకుల ముందుకొచ్చింది. కానీ ఫైనాన్షియ‌ల్ ఇష్యూస్ కార‌ణంగా ఏపీ, తెలంగాణలో అల్లూరి మార్నింగ్ షోస్ క్యాన్సిల్ అయ్యాయి. మ్యాటీ నుండి సినిమా ప్ర‌ద‌ర్శ‌న ఉంటుంద‌ని హీరో శ్రీవిష్ణు ట్వీట్ చేశారు.

ఫైనాన్షియ‌ల్ ఇబ్బందల వల్ల షోస్ రద్దయినట్లు సమాచారం. శ్రీవిష్ణు ఈ సమస్యలను క్లియర్ చేసిన‌ట్లు చెబుతున్నారు. యాక్ష‌న్ ఎంట‌ర్‌టైన‌ర్‌గా తెర‌కెక్కిన ఈ సినిమాలో క‌యాదు లోహ‌ర్ క‌థానాయిక‌గా న‌టించింది. బెక్కెం వేణుగోపాల్ నిర్మించారు.