The Archies |అమితాబ్ మనవడు... షారుఖ్ ఖాన్ కూతురి సినిమా ఫస్ట్ లుక్ పోస్టర్ చూశారా...

బాలీవుడ్ అగ్ర న‌టుడు షారుఖ్‌ఖాన్ త‌న‌య సుహానాఖాన్ తండ్రి బాట‌లోనే అడుగులు వేయ‌బోతున్న‌ది. న‌టిగా అరంగేట్రం చేయ‌బోతున్న‌ది. జోయా అక్తర్ దర్శకత్వంలో రూపొందుతున్న ది ఆర్చీస్ సినిమాతో సుహానాఖాన్ బాలీవుడ్ తొలి అడుగు వేయబోతున్నది. ఈ సినిమా ఫస్ట్ లుక్ శనివారం విడుదలైంది.

ఈ సినిమాతోనే శ్రీదేవి చిన్న కుమార్తె ఖుషీకపూర్, అమితాబ్ బచ్చన్ మనవడు అగస్త్య నందా హిందీ చిత్రసీమకు పరిచయం కాబోతున్నారు. తన కూతురి సినిమా తాలూకు ఫస్ట్ లుక్ పోస్టర్ ను ఇన్ స్టాగ్రామ్ ద్వారా అభిమానులతో పంచుకున్నారు షారుఖ్ ఖాన్.

‘చప్పట్లు ప్రశంసల కంటే నటనతో ప్రేక్షకులకు చక్కటి అనుభూతిని పంచడమే ముఖ్యం. ప్రజల హృదయాల్లోకి వెళ్లే మార్గం అనంతంగా సాగిపోతుంది.ప్రేక్షకుల్ని మెప్పించడానికి నీ శక్తియుక్తులన్నీ వినియోగిస్తూ ముందుకు సాగు’ అంటూ షారుఖ్ ఖాన్ తన కూతురిని ఉద్దేశించి ఎమోషనల్ పోస్ట్ పెట్టారు. తండ్రి పోస్ట్ క లవ్ యూ పాపా అంటూ సుహానా బదులిచ్చింది. వీరిద్దరి మధ్య సాగిన సంభాషణ ప్రస్తుతం సోషల్ మీడియాలో వైరల్ గా మారింది.

ఈ సినిమా థియేటర్లలో కాకుండా నేరుగా నెట్ ఫ్లిక్స్ లో రిలీజ్ కానుంది. హాలీవుడ్ కార్టూన్ సిరీస్ ఆధారంగా ఈ చిత్రాన్ని జోయా అక్తర్ తెరకెక్కిస్తున్నారు. ఈ పోస్టర్స్ లో డిఫరెంట్ లుక్ లో సుహానా, ఖుషీకపూర్ కనిపిస్తున్నారు.