Amardeep Chowdary: కన్నడ నటితో ఎంగేజ్‌మెంట్‌ చేసుకున్న జానకి కలగనలేదు సీరియల్ హీరో అమర్ దీప్

జానకి కలగనలేదు, సిరి సిరి మువ్వలు తో పాటు పలు సీరియల్స్ తో బుల్లితెర ప్రేక్షకులకు చేరువ అయ్యాడు అమర్ దీప్ చౌదరి. తాజాగా అతడు ఓ ఇంటివాడు కాబోతున్నాడు. సీరియల్ నటి తేజస్విని గౌడతో ఏడడుగులు వేయబోతున్నాడు.

అమర్ దీప్, తేజస్విని ఎంగేజ్ మెంట్ ఇటీవల జరిగింది. ఈ వేడుకకు అరియానా తో పాటు పలువురు బుల్లి తెర స్టార్స్ హాజరయ్యారు. ఈ ఎంగేజ్ మెంట్ వేడుకకు హాజరై అమర్ దీప్, తేజస్విని లకు శుభాకాంక్షలు తెలుపు తున్న ఫొటోను అరియానా ఇన్ స్టాగ్రామ్ లో పోస్ట్ చేసింది. ప్రస్తుతం ఈ ఫొటో సోషల్ మీడియాలో చక్కర్లు కొడుతోంది.

అమర్ దీప్ పలు సీరియల్స్ తో పాటు షోస్ లో నటిస్తున్నాడు. తేజస్విని గౌడ కూడా సీరియల్ నటి కావడం గమనార్హం. తెలుగులో కోయిలమ్మ, కేరాఫ్ అనసూయ సీరియల్స్ చేసింది. బెంగళూరులో జన్మించిన తేజస్విని అక్కడే బీటెక్ పూర్తిచేసింది. తెలుగుతో పాటు పలు తమిళ సీరియల్స్ లో నటించి మంచి గుర్తింపు సొంతం చేసుకున్నది. సీరియల్ షూటింగ్ లోనే వీరిద్దరు ప్రేమలో పడినట్లు సమాచారం. పెద్దల అంగీకారంతో పెళ్లి చేసుకోనున్నట్లు తెలిసింది. త్వరలోనే వీరి పెళ్లి జరుగనున్నట్లు చెబుతున్నారు.