Save The Tigers Season 2: సేవ్ ద టైగర్స్ వెబ్ సిరీస్ సీజన్ 2 వచ్చేస్తోంది.. ఎప్పటి నుంచంటే?

Save The Tigers Season 2: సేవ్ ద టైగర్స్.. భార్యా బాధిత భర్తల చుట్టూ తిరిగే కథతో తీసిన ఈ వెబ్ సిరీస్ కు డిస్నీ ప్లస్ హాట్‌స్టార్ లో మంచి రెస్పాన్స్ వచ్చింది. ఈ కామెడీ సిరీస్ కడుపుబ్బా నవ్వించింది. మహీ వి రాఘవ్ క్రియేట్ చేసిన ఈ సిరీస్ రెండో సీజన్ ఇప్పుడు రాబోతోంది. తొలి సీజన్ చివర్లో ఓ మంచి ట్విస్ట్ తో ముగించడంతో రెండో సీజన్ పై ప్రేక్షకుల్లో ఆసక్తి పెరిగింది.

ప్రియదర్శి, అభినవ్ గోమటం, కృష్ణ చైతన్య లీడ్ రోల్స్ లో నటించిన సేవ్ ద టైగర్స్ తొలి సీజన్ అంచనాలకు మించి సక్సెస్ సాధించింది. భార్యల టార్చర్ భరించలేక పీకలదాకా తాగి ఓ కిడ్నాప్ చేస్తూ దొరికిపోతారు ఈ ముగ్గురు హీరోలు. తొలి సీజన్ చివర్లో ఆ కిడ్నాప్ వీళ్లే చేశారన్న విషయం తెలుస్తుంది. ఆ తర్వాత ఏం జరుగుతుంది అన్నది రెండో సీజన్ చూపించనుంది.

ఆ కిడ్నాప్ మిస్టరీ ఏంటి? అది ఈ ముగ్గురినీ ఎలాంటి చిక్కుల్లో పడేస్తుందన్నది రెండో సీజన్ లో తేలనుంది. ఈ కొత్త సీజన్ ఆగస్ట్ మూడో వారంలో ప్రేక్షకుల ముందుకు రానున్నట్లు తెలుస్తోంది. అయితే దీనిపై మేకర్స్ నుంచి కానీ, హాట్‌స్టార్ నుంచి గానీ ఎలాంటి అధికారిక సమాచారం లేదు.

భార్యాభ‌ర్త‌ల బంధంలోని సింపుల్ ఎమోష‌న్స్‌ను వినోదాత్మ‌కంగా ఆవిష్క‌రిస్తూ సేవ్ ది టైగ‌ర్స్ వెబ్‌సిరీస్ రూపొందింది. ఆలుమ‌గ‌ల‌ మ‌ధ్య ప్రేమ‌, ప‌ర‌స్ప‌ర గౌర‌వం, న‌మ్మ‌కం ఉన్న‌ప్పుడే ఆ బంధం నిల‌బ‌డుతుంది.

వాటి స్థానంలో డామినేష‌న్‌, ఈగో, అనుమానాలు చోటు చేసుకుంటే ఎలాంటి ఇబ్బందులు ఎదుర‌వుతాయ‌న్న‌ది మూడు జంటల‌ క‌థ ద్వారా ఎంట‌ర్‌టైనింగ్‌గా చూపించారు ద‌ర్శ‌కుడు తేజ కాకుమాను. సీరియ‌స్‌గా లెక్చ‌ర్ ఇస్తున్న‌ట్టుగా కాకుండా ప్ర‌తి సీన్ నుంచి కావాల్సిన ఫ‌న్ జ‌న‌రేట్ చేస్తూనే అంత‌ర్లీనంగా ఓ సందేశాన్ని ఇస్తూ సేవ్ ది టైగ‌ర్స్ సిరీస్ క‌థ‌ను రాసుకున్నారు మ‌హి వీ రాఘ‌వ్‌, ప్ర‌దీప్ అద్వైతం.

చాలా ఫ్యామిలీస్‌లో క‌నిపించే కామ‌న్ పాయింట్స్‌ను తీసుకొని నేటి త‌రానికి ముఖ్యంగా ఫ్యామిలీ ఆడియెన్స్‌కు క‌నెక్ట్ అయ్యేలా ఈ సిరీస్‌ను తెర‌కెక్కించారు. ఈ సింపుల్ స్టోరీకి మంచి ఆర్టిస్టులు కుద‌ర‌డం ప్ల‌స్ పాయింట్ అయ్యింది.