Sara Ali Khan: విజయ్ దేవరకొండపై బాలీవుడ్ భామల క్రష్.. ఈ సారి ఎవరంటే?

విజయ్ దేవరకొండ తెలుగులోనే కాదు.. రోజురోజుకు దేశవ్యాప్తంగా తన ఫాలోయింగ్ పెంచుకుంటోన్న హీరో. అందుకే లైగర్ సినిమాను పాన్ఇండియా స్థాయిలో విడుదల చేయనున్నాడు. అయితే ఈ రౌడీ హీరోపై సాధారణ అభిమానులే.. కాదా సెలబ్రెటీలు సైతం మనస్సు పారేసుకుంటున్నారు. ఇప్పటికే శ్రీదేవి ముద్దుల తనయ జాన్వీ కపూర్.. విజయ్ దేవరకొండ అంటే తనకు ఇష్టమని.. గత కాఫీ విత్ కరణ్ షోలో చెప్పేసింది. తాజాగా మరో బాలీవుడ్ ముద్దుగుమ్మ విజయ్ అంటే తనకు క్రష్ అని చెప్పేసింది. ఇంతకీ ఆ ముద్దుగుమ్మ ఎవరో కాదు.. హిందీ స్టార్ సైఫ్ అలీ ఖాన్ తనయ సారా అలీ ఖాన్.. తనకు రౌడీ హీరో అంటే ఇష్టమని చెప్పేసింది.

ఇటీవలే కాఫీ విత్ కరణ్ లేటెస్ట్ సీజన్ ఆరంభమైంది. ఈ షోలో జాన్వీ కపూర్, సారా అలీ ఖాన్ కూడా పాల్గొన్నారు. తాజాగా విడుదల చేసిన ప్రోమోలో విజయ్ దేవరకొండ గురించి ప్రస్తావన వచ్చింది. నీకు ఎవరైనా క్రష్ ఉన్నారా ఇప్పుడు అని కరణ్ జోహార్ అడుగుతాడు. ఇందుకు సారా కూడా మొదట నిరాకరించినా.. తర్వాత విజయ్ దేవరకొండ అంటే క్రష్ అని బదులిస్తుంది. పక్కనే ఉన్న జాన్వీ.. సారా సమాధానానికి నవ్వు ఆపుకోలేకపోతుంది. అప్పుడు వెంటనే జాన్వీకిష్టమైన వ్యక్తి నీకు కూడా క్రష్..ఆ.. ఆ.. అని అడుగుతారు.

అంతేకాకుండా సారా అలీ ఖాన్.. తన మాజీ ప్రియుడు కార్తీక్ ఆర్యన్‌పై ప్రస్తావన తీసుకురావడంపై జాన్వీ కపూర్ కూడా షాక్ అయింది. తన మాజీ ప్రియుడు గురించి చెప్పమని అడిగిన ప్రశ్నకు.. సారా తన ఎక్స్.. అందరికీ ఎక్స్ అని తెలిపారు. ఆద్యంతం ఫన్నీగా సాగిన ఈ ప్రోమో వీడియో ఆకట్టుకుంటోంది. ప్రస్తుతం ఈ వీడియో సోషల్ మీడియాలో హల్చల్ చేస్తోంది.

గత సీజన్‌లో జాన్వీ కపూర్.. విజయ్ దేవరకొండంటే ఇష్టమని చెబుతుంది. తాజాగా ఈ సీజన్‌లో సారా అలీ ఖాన్ అదే సమాధానమివ్వడంతో ఆశ్చర్యపోతున్నారు. తెలుగులోనే కాకుండా దేశవ్యాప్తంగా క్రేజ్ తెచ్చుకుంటున్న విజయ్‌పై బాలీవుడ్ భామలు వరుసగా మనస్సు పారేసుకుంటున్నారు.