DD Returns OTT Release: లాస్ట్ వీక్ థియేట‌ర్‌లో...నెక్స్ట్‌ వీక్ ఓటీటీలో - సంతానం డీడీ రిట‌ర్న్ స్ట్రీమింగ్ డేట్ ఇదే

DD Returns OTT Release Date: సంతానం హీరోగా న‌టించిన డీడీ రిటర్న్స్ మూవీ ఓటీటీలోకి రాబోతోంది. ఈ సినిమా ఓటీటీ స్ట్రీమింగ్ డేట్‌ను శ‌నివారం ఖ‌రారు చేశారు. సెప్టెంబ‌ర్ 1న‌ జీ5 ఓటీటీలో ఈ హార‌ర్ కామెడీ మూవీ రిలీజ్ కానుంది.

తమిళంతో పాటు తెలుగు భాషలోనూ ఈ మూవీ స్ట్రీమింగ్ కానుంది. సంతారం హీరోగా 2016లొ రిలీజైన దిల్లుకు దుడ్డు సినిమాకు సీక్వెల్‌గా డీడీ రిట‌ర్న్స్‌ సినిమా రూపొందింది. ప్రేమ్ ఆనంద్ ద‌ర్శ‌క‌త్వం వ‌హించిన డీడీ రిట‌ర్న్స్‌ సినిమా జూలై 28న థియేట‌ర్ల‌లో రిలీజైంది. దాదాపు ఐదు కోట్ల బ‌డ్జెట్‌తో రూపొందిన ఈ హార‌ర్ మూవీ 40 కోట్ల‌కుపైగా క‌లెక్ష‌న్స్ రాబ‌ట్టి పెద్ద హిట్‌గా నిలిచింది.

తెలుగులో డీడీ రిట‌ర్న్స్ భూతాల బంగ్లా పేరుతో ఆగ‌స్ట్ 18న ప్రేక్ష‌కుల ముందుకొచ్చింది. తెలుగులో థియేట‌ర్ల‌లో రిలీజైన రెండు వారాల గ్యాప్‌లోనే ఈ మూవీ ఓటీటీలో రిలీజ్ కాబోతుండ‌టం గ‌మ‌నార్హం. డీడీ రిట‌ర్న్స్ సినిమాలో సుర‌భి హీరోయిన్‌గా న‌టించింది. రెడిన్ కింగ్‌స్లే, ప్ర‌దీప్ రావ‌త్ ప్ర‌ధాన పాత్ర‌ల‌ను పోషించారు.

డీడీ రిట‌ర్న్స్ క‌థేమిటంటే...

తాము దొంగిలించిన కోట్లాది రూపాయ‌ల డ‌బ్బును పోలీసుల‌కు దొర్క‌కుండా ఉండేందుకు ఓ భూతాల బంగ్లాలో దాచిపెడ‌తారు కొంద‌రు స్నేహితులు. ఆ డ‌బ్బుతో కూడిన బ్యాగ్‌ను బంగ్లా నుంచి తిరిగి తీసుకునే క్ర‌మంలో వారికి ఎదురైన ప‌రిణామాల‌తో ఆద్యంతం వినోదాత్మ‌కంగా ద‌ర్శ‌కుడు ప్రేమ్ ఆనంద్ ఈ మూవీని తెర‌కెక్కించారు. సంతానం త‌న కామెడీ టైమింగ్‌తో ప్రేక్ష‌కుల్ని అల‌రించారు.