Gargi OTT Release: సాయిపల్లవి గార్గి ఓటీటీ రిలీజ్‌ డేట్‌ ఫిక్స్‌.. ఎందులోనో తెలుసా?

టాలీవుడ్‌తోపాటు దక్షిణాది భాషల్లో లేడీ సూపర్‌స్టార్‌గా ఎదుగుతోంది సాయి పల్లవి. ఆమె ఈ మధ్యే హీరోయిన్‌ ఓరియెంటెడ్‌ మూవీస్‌ అయిన విరాట పర్వం, గార్గి మూవీల్లో నటించిన విషయం తెలిసిందే. ఈ రెండు సినిమాల్లో ఆమె నటనకు ప్రేక్షకలోకం నీరాజనం పట్టినా.. కమర్షియల్‌గా మాత్రం ఈ మూవీస్‌ సక్సెస్‌ సాధించలేకపోయాయి.

విరాట్‌ పర్వం అయితే థియేటర్లలో రిలీజైన రెండు వారాల్లోనే ఓటీటీలోకి రాగా.. తాజాగా గార్గి కూడా వచ్చేస్తోంది. జులై 15న ఈ సినిమా రిలీజ్‌ కాగా.. నెల రోజుల్లోపే అంటే ఆగస్ట్‌ 12న గార్గి ఓటీటీలోకి రానుంది. సోనీ లివ్‌ ఈ మూవీ డిజిటల్‌ హక్కులను సొంతం చేసుకుంది. కొన్ని నిజజీవిత ఘటనల ఆధారంగా తెరకెక్కిన ఈ కోర్ట్‌ డ్రామాలో తన తండ్రిని రక్షించుకునేందుకు పోరాడే కూతురి పాత్రలో సాయిపల్లవి కనిపించింది.

తెలుగు, కన్నడ, తమిళంలలో రిలీజైన ఈ మూవీ.. ఇప్పుడు సోనీ లివ్‌ ఓటీటీలోనూ మూడు భాషల్లో రానుంది. గార్గి ఓటీటీ రిలీజ్‌ డేట్‌ను ఇటు మూవీ మేకర్స్‌, అటు సోనీ లివ్‌ ఓటీటీ కూడా అధికారికంగా ప్రకటించారు. రవిచంద్రన్‌ రామచంద్రన్‌ నిర్మించిన ఈ సినిమాకు గౌతమ్‌ రామచంద్రన్‌ దర్శకత్వం వహించారు.

గార్గి పాత్ర‌లో సాయిప‌ల్ల‌వి జీవించింది. తండ్రిపై అంతులేని ప్రేమాభిమానాలు ఉన్న కూతురిగా, నిజాన్ని బ‌తికించ‌డం కోసం పోరాటం చేసే యువ‌తిగా చ‌క్క‌టి ఎమోష‌న్స్ ప‌డించింది. ఆమె క్యారెక్ట‌ర్ ప్ర‌ధానంగానే ఈ సినిమా సాగుతుంది. ప్ర‌తి సీన్ లో త‌న న‌ట‌న‌తో ఆక‌ట్టుకుంది. సాయిప‌ల్ల‌వి తండ్రిగా సీనియ‌ర్ న‌టుడు ఆర్ ఎస్ శివాజీ అద్భుతమైన న‌ట‌న‌ను క‌న‌బ‌రిచాడు.