sai pallavi: సాయిప‌ల్ల‌వి గార్గి ఓటీటీ రిలీజ్ ఎప్పుడంటే...

సాయిప‌ల్ల‌వి హీరోయిన్ గా నటించిన గార్గి మంచి సినిమాగా అందరి మ‌న్న‌న‌ల్ని అందుకొంటుంది. సామాజిక స‌మ‌స్య‌కు ఫ్యామిలీ ఎమోష‌న్స్‌ను మేళ‌వించి ద‌ర్శ‌కుడు గౌత‌మ్ రామ‌చంద్ర‌న్ ఈ సినిమాను తెర‌కెక్కించారు. గార్గి పాత్ర‌లో సాయిప‌ల్ల‌వి మరోమారు తన నటనతో ఆకట్టుకుంది. తండ్రికి న్యాయం జ‌ర‌గాల‌ని పోరాటం చేసే కూతురిగా భావోద్వేగప్రధానంగా సాగే క్యారెక్టర్ లో సహజ నటనను కనబరిచింది.

తెలుగు,త‌మిళ భాష‌ల్లో ఇటీవ‌లే ఈ సినిమా ప్రేక్ష‌కుల ముందుకొచ్చింది. తెలుగు వెర్ష‌న్‌కు హీరో రానా(rana),త‌మిళ సినిమాకు కథానాయకుడు సూర్య(surya) ప్ర‌జెంట‌ర్స్‌గా వ్య‌వ‌హ‌రించారు. మౌత్‌టాక్ బాగున్నా గార్గికి ఓపెనింగ్స్ మాత్రం పెద్ద‌గా రావ‌డం లేదు. సాయిప‌ల్ల‌వి గ‌త చిత్రాల‌తో పోలిస్తే గార్గి చాలా త‌క్కువ ఓపెనింగ్స్ రాబ‌ట్టిన‌ట్లు స‌మాచారం. ఈ నేప‌థ్యంలో త్వ‌ర‌లోనే ఈ సినిమా ఓటీటీ ద్వారా ప్రేక్ష‌కుల ముందుకురాబోతున్న‌ట్లు స‌మాచారం. ఈ సినిమా డిజిట‌ల్ రైట్స్‌ను సోనిలివ్(sonyliv) ద‌క్కించుకున్న‌ట్లు తెలిసింది. ఆగ‌స్ట్ ఫ‌స్ట్‌వీక్‌లో ఓటీటీలో స్ట్రీమింగ్ కాబోతున్న‌ట్లు వార్త‌లు వినిపిస్తున్నాయి.

థియేట‌ర్ లో పెద్ద‌గా ఆద‌ర‌ణ లేక‌పోవడంతోనే త్వ‌ర‌గా ఓటీటీలో సినిమాను రిలీజ్ చేయాల‌ని ద‌ర్శ‌క‌నిర్మాత‌లు ఫిక్స్ అయిన‌ట్లు తెలిసింది. ఈ సినిమాకు కోలీవుడ్ క‌థానాయిక ఐశ్వ‌ర్య‌ల‌క్ష్మి ఓ నిర్మాత‌గా వ్య‌వ‌హ‌రించారు. విరాటపర్వం తర్వాత సాయిపల్లవికి ఈ సినిమాతో మరో ఫ్లాప్ ఎదురైంది. లవ్ స్టోరీ మినహా గత నాలుగేళ్ల లో సాయిపల్లవికి కెరీర్ లో భారీ సక్సెస్ లు లేవు.