Virupaksha Movie Trailer: రుద్ర‌వ‌నం మిస్ట‌రీ - సాయిధ‌ర‌మ్‌తేజ్ విరూపాక్ష ట్రైల‌ర్ రిలీజ్‌

Virupaksha Movie Trailer: దాదాపు రెండేళ్ల గ్యాప్ త‌ర్వాత విరూపాక్ష సినిమాతో ప్రేక్ష‌కుల ముందుకు రాబోతున్నాడు మెగా హీరో సాయిధ‌ర‌మ్‌తేజ్‌. మిస్టిక్ థ్రిల్ల‌ర్‌గా తెర‌కెక్కుతోన్న ఈ సినిమా ట్రైల‌ర్‌ను మంగ‌ళ‌వారం రిలీజ్ చేశారు. ఓ ఊరిలో జ‌రిగే అనూహ్య ప‌రిణామాల‌తో ఆద్యంతం థ్రిల్లింగ్‌గా ట్రైల‌ర్ సాగింది.

నేను పుట్టి పెరిగిన ఊరు వ‌చ్చి ప‌దిహేనేళ్ల‌యింది అంటూ లేడీ వాయిస్ ఓవ‌ర్‌తో ఈ ట్రైల‌ర్ ప్రారంభ‌మైంది. అడ‌వి మ‌ధ్య‌లో ఓ ఊరిలోకి సాయిధ‌ర‌మ్‌తేజ్ అడుగుపెట్టిన‌ట్లుగా చూపించారు.ఆ త‌ర్వాత ఊరిలోకి రాక‌పోక‌లు నిషేదం అంటూ ఓ బోర్డ్ క‌నిపించ‌డం ఆస‌క్తిని రేకెత్తిస్తోంది.

ఆ ఊరిలో కొన్ని మ‌ర‌ణాలు సంభ‌వించ‌డం, వాటి వెన‌కున్న మిస్ట‌రీని ఛేదించ‌డానికి హీరో సిద్ధ‌మైన‌ట్లుగా ట్రైల‌ర్‌లో చూపించారు. ఈ రుద్ర‌వ‌నాన్ని కాపాడ‌గ‌ల విరూపాక్ష‌కు నువ్వే, మీ స‌మ‌స్య‌ల‌కు ప‌రిష్కారం నేను వెతుకుతా అంటూట్రైల‌ర్‌లోని డైలాగ్స్ ఆక‌ట్టుకుంటోన్నాయి.

రుద్ర‌వ‌నం అనే ఊరి బ్యాక్‌డ్రాప్‌లో విరూపాక్ష‌ సినిమా సాగుతోన్న‌ట్లు తెలుస్తోంది. దుష్ట‌శ‌క్తుల‌ను ఎదురించి ఓ యువ‌కుడు సాగించిన పోరాటం నేప‌థ్యంలో ద‌ర్శ‌కుడు కార్తిక్ దండు విరూపాక్ష సినిమాను రూపొందించారు. ఈ సినిమాతోనే కార్తిక్ దండు ద‌ర్శ‌కుడిగా టాలీవుడ్‌లోకి ఎంట్రీ ఇస్తోన్నాడు. విరూపాక్ష సినిమాలో సాయిధ‌ర‌మ్‌తేజ్‌కు జోడీగా సంయుక్త హీరోయిన్‌గా న‌టిస్తోంది.

ఈ సినిమాకు అగ్ర ద‌ర్శ‌కుడు సుకుమార్ స్క్రీన్‌ప్లేను అందిస్తోన్నారు. అంతే కాకుండా నిర్మాత బీవీఎస్ఎన్ ప్ర‌సాద్‌తో క‌లిసి సుకుమార్ స్వ‌యంగా విరూపాక్ష సినిమాను నిర్మించారు. ఏప్రిల్ 21న తెలుగుతో పాటు హిందీ, త‌మిళం, మ‌ల‌యాళం, క‌న్న‌డ భాష‌ల్లో విరూపాక్ష సినిమా రిలీజ్ కానుంది.