Valari OTT Release: డైరెక్ట్‌గా ఓటీటీలో రిలీజ్ అవుతోన్న గురు హీరోయిన్ హార‌ర్‌ మూవీ - స్ట్రీమింగ్ ఎప్పుడంటే?

Valari OTT Release: గురు ఫేమ్ రితికా సింగ్ ప్ర‌ధాన పాత్ర‌లో న‌టిస్తోన్న తెలుగు మూవీ వ‌ళ‌రి డైరెక్ట్‌గా ఓటీటీ రిలీజ్ కాబోతోంది. ఈటీవీ విన్ ఓటీటీలో వ‌ళ‌రి మూవీ స్ట్రీమింగ్ కానుంది. వ‌ళ‌రి సినిమాలో రితికా సింగ్‌తో పాటు శ్రీరామ్ ప్ర‌ధాన పాత్ర‌ల‌ను పోషిస్తున్నారు. హార‌ర్ క‌థాంశంతో ఈ మూవీ తెర‌కెక్కుతోంది. శ్రీరామ్ ఫ‌స్ట్‌లుక్‌ను ఇటీవ‌ల రిలీజ్ చేశారు. ఇందులో శ్రీరామ్‌ కెప్టెన్ న‌వీన్ నాయుడు అనే పాత్ర‌లో క‌నిపించ‌బోతున్నారు.

నేవీ ఆఫీస‌ర్‌గా సెల్యూట్ చేస్తూ ఈ ఫ‌స్ట్ లుక్ పోస్ట‌ర్‌లో శ్రీరామ్ క‌నిపించాడు. అత‌డి వెనుక ఓడ‌తో పాటు మువ్వెన్న‌ల జెండా, ఆర్మీ హెలికాప్ట‌ర్ క‌నిపిస్తున్నాయి. దేశ‌భ‌క్తి ప్ర‌ధానంగా సాగే హార‌ర్ మూవీ ఇద‌ని స‌మాచారం. త్వ‌ర‌లోనే రితికా సింగ్ ఫ‌స్ట్ లుక్‌ను రిలీజ్ చేయ‌నున్న‌ట్లు స‌మాచారం.

వ‌ళ‌రి మూవీకి మ్రితికా సంతోషిణి ద‌ర్శ‌క‌త్వం వ‌హిస్తోన్నారు. ఆమెకు ఇదే ఫ‌స్ట్ మూవీ అని తెలుస్తోంది. ఫిబ్ర‌వ‌రి ఫ‌స్ట్ వీక్‌లోనే ఈటీవీ విన్ ఓటీటీలో వ‌ళ‌రి సినిమా రిలీజ్ కానున్న‌ట్లు స‌మాచారం. త్వ‌ర‌లోనే స్ట్రీమింగ్ డేట్‌ను అఫీషియ‌ల్‌గా అనౌన్స్ చేయ‌బోతున్నారు. ఇందులో టాలీవుడ్ న‌టుడు సుబ్బ‌రాజ్ కీల‌క పాత్ర‌లో క‌నిపించ‌బోతున్నాడు.

మాధ‌వ‌న్ మూవీతో ఎంట్రీ...

మాధ‌వ‌న్ హీరోగా న‌టించిన ఇరుదుసుట్రు సినిమాతో కోలీవుడ్‌లోకి ఎంట్రీ ఇచ్చింది రితికా సింగ్‌. ఇందులో బాక్స‌ర్ పాత్ర‌లో రితికా అభిన‌యానికి విమ‌ర్శ‌కుల ప్ర‌శంస‌లు ద‌క్కాయి. స్వ‌త‌హాగా మిక్స్‌డ్ మార్ష‌ల్ ఆర్ట్స్ బాక్స‌ర్ కావ‌డంతో ఈ పాత్ర‌కు ప్రాణ‌ప్ర‌తిష్ట చేసింది. ఇరుదుసుట్రు సినిమాను తెలుగులో గురు పేరుతో రీమేక్ చేశారు. రీమేక్‌లో వెంక‌టేష్ హీరోగా న‌టించాడు.

గురు త‌ర్వాత క‌మ‌ర్షియ‌ల్ సినిమాల‌పై ఫోక‌స్ పెట్టిన రితికా సింగ్ నీవెవ‌రో, శివ‌లింగ‌, ఓ మై క‌డావులే సినిమాలు చేసింది. ఇవ‌న్నీ ఆమెకు పెద్ద‌గా గుర్తింపును తెచ్చిపెట్ట‌లేక‌పోయాయి. గ‌త ఏడాది దుల్క‌ర్ స‌ల్మాన్ హీరోగా న‌టించిన కింగ్ ఆఫ్ కోతాలో ఓ సాంగ్‌లో త‌ళుక్కున మెరిసింది. ప్ర‌స్తుతం ర‌జ‌నీకాంత్ వెట్టైయాన్‌లో రితికా సింగ్ ఓ యాక్ష‌న్ రోల్‌లో క‌నిపించ‌బోతున్న‌ది. వెట్టైయాన్ సినిమాలో ర‌జ‌నీకాంత్‌తో పాటు అమితాబ్‌బ‌చ్చ‌న్‌, రానా, ఫ‌హాద్ ఫాజిల్ కీల‌క పాత్ర‌లు పోషిస్తున్నారు.

పిండంతో సోలో హిట్…

మ‌రోవైపు శ్రీరామ్ కూడా డిఫ‌రెంట్ మూవీస్‌, క్యారెక్ట‌ర్స్‌తో తెలుగు ప్రేక్ష‌కుల్ని ప‌ల‌క‌రిస్తూనే ఉన్నాడు. అత‌డు హీరోగా న‌టించిన పిండం మూవీ డిసెంబ‌ర్‌లో థియేట‌ర్ల‌లో రిలీజై మంచి వ‌సూళ్ల‌ను రాబ‌ట్టింది. చాలా రోజుల త‌ర్వాత సోలో హీరోగా హిట్టందుకున్నాడు. వ‌ళ‌రిలో డిఫ‌రెంట్ షేడ్స్‌తో కూడిన క్యారెక్ట‌ర్‌లో అత‌డు క‌నిపించ‌బోతున్న‌ట్లు స‌మాచారం. ఒక‌రికి ఒక‌రు సినిమాతో హీరోగా టాలీవుడ్‌లోకి ఎంట్రీ ఇచ్చిన శ్రీరామ్ ఆ త‌ర్వాత క్యారెక్ట‌ర్ ఆర్టిస్ట్‌గా మారాడు. ఆడ‌వారి మాట‌ల‌కు అర్థాలే వేరులే...లై, నిప్పుతో పాటు తెలుగులో చాలా సినిమాలు చేశాడు.