Dhamaka Streaming On Netflix: ఓటీటీలోకి వ‌చ్చేసిన ర‌వితేజ ధ‌మాకా - స్ట్రీమింగ్ ప్లాట్‌ఫామ్ ఇదే...

Dhamaka Streaming On Netflix: ర‌వితేజ (Raviteja) ధ‌మాకా సినిమా ఓటీటీలోకి వ‌చ్చేసింది. ఆదివారం (నేటి) నుంచి ఈ సినిమా నెట్‌ఫ్లిక్స్‌లో స్ట్రీమింగ్ అవుతోంది. డిసెంబ‌ర్ 23న థియేట‌ర్ల‌లో విడుద‌లైన ఈ సినిమా నెల రోజులు కూడా పూర్తి కాకుండానే ఓటీటీలో విడుదలైంది. తెలుగు స్టేట్స్‌లో చాలా థియేట‌ర్ల‌లో ఈసినిమా ప్ర‌ద‌ర్శిస్తుండ‌గానే ఓటీటీలో రిలీజ్ కావ‌డం ఆస‌క్తిక‌రంగా మారింది.

నెల రోజుల్లోనే ఓటీటీలో రిలీజ్ చేసేలా నిర్మాతల‌తో నెట్‌ఫ్లిక్స్ ముందుగానే ఒప్పందం కుదుర్చుకున్న‌ట్లు ప్ర‌చారం జ‌రుగుతోంది. క‌మ‌ర్షియ‌ల్ ఎంట‌ర్‌టైన‌ర్‌గా రూపొందిన ఈ సినిమా బాక్సాఫీస్ వ‌ద్ద వంద కోట్ల‌కుపైగా క‌లెక్ష‌న్స్ రాబ‌ట్టింది. ర‌వితేజ కెరీర్‌లో బిగ్గెస్ట్ హిట్‌ల‌లో ఒక‌టిగా నిలిచింది.

ఈ సినిమాకు త్రినాథ‌రావు న‌క్కిన ద‌ర్శ‌క‌త్వం వ‌హించాడు. ప్ర‌స‌న్న‌కుమార్ బెజ‌వాడ క‌థ‌, స్క్రీన్‌ప్లేను స‌మ‌కూర్చారు. ధ‌మాకా సినిమాలో ర‌వితేజ‌కు జోడీగా శ్రీలీల (Sreeleela) హీరోయిన్‌గా న‌టించింది.

ధ‌మాకా క‌థేమిటంటే...

పీపుల్ మార్ట్ అధినేత చ‌క్ర‌వ‌ర్తి (స‌చిన్ ఖేడ్క‌ర్‌) తాను రెండు నెల‌ల్లో చ‌నిపోబోతున్న‌ట్లు ప్ర‌క‌టిస్తాడు. అత‌డి వ్యాపారాన్ని జేపీ (జ‌య‌రాం) అక్ర‌మంగా హ‌స్త‌గ‌తం చేసుకోవాల‌ని ప్ర‌య‌త్నిస్తాడు.

అత‌డిని చ‌క్ర‌వ‌ర్తి త‌న‌యుడు ఆనంద్ చ‌క్ర‌వ‌ర్తితో (ర‌వితేజ‌) పాటు అత‌డి పోలిక‌ల‌తోనే ఉన్న నిరుద్యోగ యువ‌కుడు స్వామి (ర‌వితేజ‌)ఎలా ఎదుర్కొన్నార‌న్న‌ది ఈ సినిమా క‌థ‌. ఇందులో డ్యూయ‌ల్ షేడ్ క్యారెక్ట‌ర్‌లో ర‌వితేజ న‌టించాడు. అత‌డి కామెడీ టైమింగ్‌, శ్రీలీల డ్యాన్సులు అభిమానుల‌ను ఆక‌ట్టుకున్నాయి.