Rashmika Mandanna Dhanush Movie: అఫీషియ‌ల్ - ధ‌నుష్‌తో ర‌ష్మిక మంద‌న్న‌ రొమాన్స్

Rashmika Mandanna Dhanush Movie: ధ‌నుష్, శేఖ‌ర్ క‌మ్ముల కాంబో మూవీపై ఓ ఇంట్రెస్టింగ్ అప్‌డేట్‌ను సోమ‌వారం మేక‌ర్స్ రివీల్ చేశారు. ఈ సినిమాలో ర‌ష్మిక మంద‌న్న హీరోయిన్‌గా న‌టించ‌బోతున్న‌ట్లు అనౌన్స్‌చేశారు.

ఈ సినిమాతోనే తొలిసారి ధ‌నుష్‌తోనే జోడీ క‌ట్ట‌బోతున్న‌ది ర‌ష్మిక మంద‌న్న‌. అంతే కాకుండా శేఖ‌ర్ క‌మ్ముల ద‌ర్శ‌క‌త్వంలో ర‌ష్మిక న‌టించ‌నున్న‌ ఫ‌స్ట్ మూవీ ఇదే కావ‌డం గ‌మ‌నార్హం. ధ‌నిక‌, పేద మ‌ధ్య అంత‌రాల‌ను చ‌ర్చిస్తూ గ్యాంగ్‌స్ట‌ర్ యాక్ష‌న్ ఎంట‌ర్‌టైన‌ర్‌గా ఈ మూవీ తెర‌కెక్క‌బోతున్న‌ట్లు స‌మాచారం.

త్వ‌ర‌లోనే ఈ సినిమా రెగ్యుల‌ర్ షూటింగ్ మొద‌లుపెట్ట‌బోతున్న‌ట్లు తెలిసింది. ఈ సినిమాలో ఓ కీల‌క పాత్ర‌లో నాగార్జున అక్కినేని క‌నిపించ‌బోతున్న‌ట్లు ప్ర‌చారం జ‌రుగుతోంది. త్వ‌ర‌లోనే నాగార్జున క్యారెక్ట‌ర్‌పై క్లారిటీ వ‌చ్చే అవ‌కాశం ఉన్న‌ట్లు స‌మాచారం. ధ‌నుష్ హీరోగా న‌టిస్తోన్న 51వ సినిమా ఇది కావ‌డం గ‌మ‌నార్హం.

ల‌వ్ స్టోరీ స‌క్సెస్‌ స‌మ‌యంలోనే ధ‌నుష్ తో సినిమా చేయ‌బోతున్న‌ట్లు శేఖ‌ర్ క‌మ్ముల తెలిపాడు. గ‌త రెండేళ్లుగా ఎలాంటి అప్‌డేట్స్ లేక‌పోవ‌డంతో ఈ సినిమా ఆగిపోయిన‌ట్లు ప్ర‌చారం జ‌రిగింది. ఇటీవ‌లే పుకార్ల‌కు పుల్‌స్టాప్ పెడుతూ వ‌రుస అప్‌డేట్స్ రివీల్ చేస్తున్నారు. ఈ పాన్ ఇండియ‌న్ మూవీని సునీల్ నారంగ్‌, పుస్కూర్ రామోమోహ‌న్‌రావు నిర్మిస్తున్నారు.

మ‌రోవైపు టాలీవుడ్‌, బాలీవుడ్‌లో ప‌లు భారీ బ‌డ్జెట్ సినిమాలు చేస్తూ బిజీగా ఉంది ర‌ష్మిక‌. తెలుగులో అల్లు అర్జున్‌తో పుష్ప -2 మూవీ చేస్తోంది ర‌ష్మిక‌. బాలీవుడ్‌లో ర‌ణ్‌బీర్ క‌పూర్‌, సందీప్ వంగా కాంబినేష‌న్‌లో రూపొందుతోన్న యానిమ‌ల్ సినిమాలో ర‌ష్మిక హీరోయిన్‌గా న‌టిస్తోంది. తెలుగు, త‌మిళ భాష‌ల్లో రెయిన్ బో పేరుతో ఓ బైలింగ్వ‌ల్ మూవీ చేస్తోంది.