Skanda OTT: ఓటీటీలోకి వచ్చేసిన స్కంద.. డిలీట్ చేసిన సీన్లతో స్ట్రీమింగ్.. ఎందులో అంటే?

ఉస్తాద్ రామ్ పోతినేని హీరోగా మాస్ డైరెక్టర్ బోయపాటి శీను కాంబినేషన్‍లో వచ్చిన స్కంద. దీనిపై ముందు నుంచే భారీ అంచనాలు నెలకొన్న విషయం తెలిసిందే. హై ఓల్టేజ్ యాక్షన్, ఫ్యామిలీ డ్రామా, లవ్ ట్రాక్ వంటి అంశాలతో బోయపాటి శ్రీను తన మార్క్ తో స్కంద తెరకెక్కించారు. అలాగే స్కంద సినిమాను శ్రీనివాస సిల్వర్ స్క్రీన్ పతాకంపై శ్రీనివాస చిట్టూరి భారీ దాదాపుగా రూ. 50 కోట్ల బడ్జెట్‍తో నిర్మించారు. రెండు గంటల 47 నిమిషాల రన్ టైమ్ ఉన్న స్కంద సినిమా వరల్డ్ వైడ్‍గా సెప్టెంబర్ 28న థియేటర్లలో విడుదలైంది.

స్కంద చిత్రాన్ని ప్రపంచవ్యాప్తంగా తెలుగుతోపాటు తమిళం, హిందీ, కన్నడ, మలయాళం భాషల్లో విడుదల చేశారు. అయితే, స్కంద సినిమాకు మిక్స్ డ్ టాక్ వచ్చింది. ముందు పాజిటివ్ టాక్ ఉన్న తర్వాత బోయపాటి మార్క్ యాక్షన్ ఎంటర్టైనర్ మూవీ అని కామెంట్లు వినిపించాయి. ఇదిలా ఉంటే ఇప్పుడు ఓటీటీలోకి స్కంద సినిమా వచ్చేసింది. అది కూడా సెన్సార్ సభ్యులు తొలగించిన సన్నివేశాలతో పాటు డైలాగ్స్ యాడ్ చేసి మరి స్ట్రీమింగ్ చేస్తున్నారు.

స్కంద సినిమా ప్రస్తుతం ప్రముఖ ఓటీటీ డిస్నీ ప్లస్ హాట్ స్టార్‌లో నవంబర్ 2 నుంచి స్ట్రీమింగ్ అవుతోంది. థియేటర్లలో చూడలేని సీన్లు, వినని డైలాగ్‌లను ఓటీటీలో ఎంచక్కా చూసేయొచ్చు. కాగా స్కంద సినిమాను డిస్నీ హాట్ స్టార్ భారీ ధర వెచ్చించి మరి కొనుగోలు చేసింది. ఇదిలా ఉంటే స్కంద సినిమాలో రామ్ పోతినేనికి జోడీగా డేంజర్ పిల్ల శ్రీలీలతోపాటు మేజర్ బ్యూటి సాయి మంజ్రేకర్ హీరోయిన్లుగా నటించారు. అలాగే ఊర్వశీ రౌతెలా ఐటమ్ సాంగ్‌తో అలరించింది. ప్రిన్స్ సిసిల్, శ్రీకాంత్, ఇంద్రజ, శరత్ లోహితాశ్వ ముఖ్య పాత్రలు పోషించారు.