Saptha Sagaralu Dhaati Side B: ఓటీటీలోకి బ్యూటీఫుల్ ల‌వ్‌స్టోరీ - స‌ప్త సాగ‌రాలు దాటి సైడ్ బీ ఓటీటీ రిలీజ్ డేట్ ఫిక్స్‌!

Saptha Sagaralu Dhaati Side B: స‌ప్త సాగ‌రాలు దాటి సైడ్ బీ ఓటీటీలోకి వ‌చ్చేది ఎప్ప‌డ‌న్న‌ది క్లారిటీ వ‌చ్చేసింది. ఈ ల‌వ్ స్టోరీ మూవీ డిసెంబ‌ర్ 15న అమెజాన్ ప్రైమ్ ఓటీటీలో రిలీజ్ కానుంది. క‌న్న‌డంతో పాటు తెలుగు, త‌మిళం, మ‌ల‌యాళ భాష‌ల్లో స‌ప్త‌సాగ‌రాలు దాటి సైడ్ బీ స్ట్రీమింగ్ కానుంది.

న‌వంబ‌ర్ 17న థియేట‌ర్ల‌లో రిలీజైన ఈ మూవీ నెల రోజుల కాక‌ముందే ఓటీటీలోకి వ‌చ్చేసింది. స‌ప్త‌సాగ‌రాలు దాటి సైడ్ ఏ క‌మ‌ర్షియ‌ల్ హిట్‌గా నిల‌వ‌గా సీక్వెల్ మాత్రం ఫ్లాప‌యింది. సీక్వెల్‌పై ఉన్న అంచ‌నాల‌కు త‌గ్గ‌ట్లుగా క‌థ‌, క‌థ‌నాలులేక‌పోవ‌డంతో స‌ప్త సాగ‌రాలు దాటి సైడ్ బీ ప‌రాజ‌యం పాల‌య్యింది.

స‌ప్త‌సాగ‌రాలు దాటి సైడ్ బీలో సినిమాలో ర‌క్షిత్ శెట్టి, రుక్మిణ్ వ‌సంత్ హీరోహీరోయిన్లుగా న‌టించారు. హేమంత్ ఎం.రావు ద‌ర్శ‌క‌త్వం వ‌హించాడు. క‌న్న‌డంలో మంచి ఓపెనింగ్స్ రాబ‌ట్టిన ఈ మూవీ తెలుగులో ఫ‌స్ట్ వీకెండ్‌లోనే థియేట‌ర్ల నుంచి క‌నుమ‌రుగైంది.

స‌ప్త సాగ‌రాలు దాటి సైడ్ బీ క‌థ ఇదే...

ప్రియ ప్రేమ కోసం మ‌ను జైలుకు వెళ్ల‌డంతో స‌ప్త‌సాగ‌రాలు దాటి సైడ్ ఏ సినిమా ఎండ్ అవుతుంది. ప‌దేళ్ల జైలు శిక్ష‌ను అనుభ‌వించిన మ‌ను జైలు నుంచి విడుద‌లై ప్రియ క‌ల‌ల‌ను ఆమెకు తెలియ‌కుండా ఎలా నెర‌వేర్చాడు? త‌న‌ను జైలుకు పంపించిన వారిపై ఎలా ప్ర‌తీకారం తీర్చుకున్నాడు అన్న‌దే సీక్వెల్ క‌థ‌.

ర‌క్షిత్ శెట్టి, రుక్మిణి వ‌సంత్ జంట‌గా న‌టించిన స‌ప్త సాగ‌రాలు దాటి సైడ్ బీ థియేట‌ర్ల‌లో రిలీజై నెల రోజులు కూడా కాక‌ముందే ఓటీటీలోకి వ‌చ్చేసింది. అమెజాన్ ప్రైమ్‌లో ఈ మూవీ స్ట్రీమింగ్ కానుంది.