Posani on Rajinikanth: ర‌జ‌నీకాంత్ చెన్నైలో సూప‌ర్ స్టార్… తెలుగు వాళ్ల‌కు కాదు - పోసాని వివాదాస్ప‌ద కామెంట్స్‌

Nandi Awards Issue:టాలీవుడ్‌లో నంది అవార్డుల వివాదం ముదురుతోంది. సోమ‌వారం మోస‌గాళ్ల‌కు మోస‌గాడు రీ రిలీజ్ డేట్ ఈవెంట్‌లో నంది అవార్డుల‌పై ఇప్పుడు ఉత్త‌మ గుండా, ఉత్త‌మ రౌడీల‌కు అవార్డులు ఇస్తారు అంటూ సీనియ‌ర్ నిర్మాత అశ్వ‌నీద‌త్ ఆస‌క్తిక‌ర కామెంట్స్ చేశారు. అశ్వ‌నీద‌త్‌పై కామెంట్స్‌పై సినీ న‌టుడు, ఏపీఎఫ్‌డీసీ ఛైర్మ‌న్‌ పోసాని స్పందించారు ఉత్త‌మ వెద‌వ‌లు, ఉత్త‌మ స‌న్యాసులు అని అవార్డులు మీ వాళ్ల‌కే ఇవ్వాలంటూ అశ్వ‌నీద‌త్‌కు కౌంట‌ర్ ఇచ్చాడు. అశ్వ‌నీద‌త్‌తో పాటు ర‌జ‌నీకాంత్‌పై పోసాని వివాద‌స్ప‌ద కామెంట్స్ చేశాడు.

ఉత్త‌మ గుండాల‌కు...

సోమ‌వారం మోస‌గాళ్ల‌కు మోస‌గాడు రీ రిలీజ్ ఈవెంట్‌లో నంది అవార్డుల గురంచి అడిగిన ప్ర‌శ్న‌కు అశ్వ‌నీద‌త్ స్పందిస్తూ ప్ర‌స్తుతం న‌డుస్తోన్న సీజ‌న్ వేరు, ఉత్త‌మ రౌడీ, ఉత్త‌మ గుండాల‌కు అవార్డులు ఇస్తారు అంటూ కామెంట్స్ చేశాడు. అశ్వ‌నీద‌త్ వ్యాఖ్య‌లు టాలీవుడ్‌లో చ‌ర్చ‌నీయాంశంగా మారాయి. అత‌డి కామెంట్స్‌పై సినీ న‌టుడు, వైసీపీ నేత పోసాని కృష్ణ‌ముర‌ళి స్పందించాడు. అశ్వ‌నీద‌త్‌పై విమ‌ర్శ‌ల్ని కురిపించాడు. ఉత్త‌మ గుండా, ఉత్త‌మ రౌడీ కాదు ఉత్త‌మ వెన్నుపోటుదారుడు, ఉత్త‌మ లోఫ‌ర్‌, ఉత్త‌మ మోస‌గాడు అనే అవార్డులు మీకే ఇవ్వాలి అంటూ పోసాని కృష్ణ‌ముర‌ళి ఘాటుగా స్పందించాడు.

ఎన్టీఆర్‌ను గురి చూసి చెప్పుతో కొట్టినందుకు, ల‌క్ష్మి పార్వతిని నీచంగా తిట్టినందుకు మీకు ఉత్త‌మ గురికాడు అవార్డ్ ఇవ్వాలంటూ పోసాని అన్నాడు. ఉత్త‌మ వెద‌వ‌లు, స‌న్యాసులు అవార్డులు మీ వాళ్ల‌కే ఇవ్వాలి అంటూ కామెంట్స్ చేశాడు. అంతే కాకుండా ర‌జ‌నీకాంత్‌పై కూడా పోసాని వివాదాస్ప‌ద వ్యాఖ్య‌లు చేశాడు.

ర‌జ‌నీకాంత్ రోజు చెన్నై నుంచి విజ‌య‌వాడ వ‌చ్చి చంద్ర‌బాబును పొగిడినా త‌మ‌కు అభ్యంత‌రం లేద‌ని పోసాని పేర్కొన్నాడు. ఆయ‌న చెన్నైలో సూప‌ర్ స్టార్ తెలుగు వాళ్ల‌కు కాద‌ని పోసాని అన్నాడు. త‌మ‌కు ఓ సూప‌ర్ స్టార్ ఉన్నాడు. అత‌డే చిరంజీవి అని పోసాని కామెంట్స్ చేశాడు. ప్ర‌స్తుతం పోసాని కృష్ణ‌ముర‌ళి కామెంట్స్ టాలీవుడ్‌లో హాట్‌టాపిక్‌గా మారాయి.