Salaar Movie |సలార్ టీజర్ మే నెలలో రానట్లే...ప్రభాస్ సినిమాపై నిర్మాత ఇంట్రెస్టింగ్ కామెంట్స్

ప్ర‌భాస్ ఫ్యాన్స్ తో పాటు పాన్ ఇండియ‌న్ స్థాయిలో సినీ అభిమానులు ఆస‌క్తిగా ఎదురుచూస్తున్న సినిమాల్లో స‌లార్ ఒక‌టి. కేజీఎఫ్ సిరీస్ విజ‌యాల త‌ర్వాత ప్ర‌శాంత్ నీల్ ద‌ర్శ‌క‌త్వంలో రూపొందుతున్న సినిమా ఇది. గ్యాంగ్ స్ట‌ర్ డ్రామాగా రూపొందుతున్న ఈ సినిమాపై టాలీవుడ్, బాలీవుడ్ తో ప్రతి భాషలో భారీగా అంచ‌నాలు నెల‌కొన్నాయి. 

ఇందులో క‌రుడుగ‌ట్టిన గ్యాంగ్ స్ట‌ర్ గా ప్ర‌భాస్ క‌నిపించ‌బోతున్న‌ట్లు స‌మాచారం. ఇప్ప‌టివ‌ర‌కు ఈ సినిమా షూటింగ్ 30 నుంచి 35 శాతం వ‌ర‌కు పూర్త‌యింది. ఇటీవ‌లే హైద‌రాబాద్ ఈ సినిమా తాజా షెడ్యూల్ ను ప్రారంభించారు. యాక్ష‌న్ స‌న్నివేశాల‌ను చిత్రీక‌రిస్తున్నారు. అయితే ఈ సినిమా టీజ‌ర్ ను మే నెల‌లో విడుద‌ల చేస్తామ‌ని గ‌తంలో చిత్ర‌యూనిట్ ప్ర‌క‌టించింది. మే నెల ముగియ‌డానికి మరో ఆరు రోజుల గ‌డువు ఉండటంతో ఈ లోపు ఎప్పుడైనాటీజ‌ర్ రిలీజ్ కు సంబంధించిన ప్ర‌క‌ట‌న వ‌చ్చే అవ‌కాశం  ఉంద‌ని ప్ర‌భాస్ అభిమానులు భావించారు. కానీ వారికి నిరాశే మిగిలింది. 

మే నెల‌లో ఈ సినిమా టీజర్ ను రిలీజ్ చేయాల‌ని అనుకున్న మాట వాస్త‌వ‌మేన‌ని,  కానీ ప్ర‌స్తుత ప‌రిస్థితుల దృష్ట్యా కుదరడం లేదని నిర్మాత వెల్ల‌డించారు. స్పెష‌ల్ డేట్ రోజు టీజ‌ర్ ను రిలీజ్ చేస్తామ‌ని అది ఎప్పుడ‌న్న‌ది ఇంకా నిర్ణ‌యించుకోలేదని నిర్మాత విజ‌య్ కిరగందూర్ అన్నాడు. ప్ర‌భాస్‌, ప్ర‌శాంత్ నీల్ క‌ల‌యిక‌లో రూపొందుతున్న ఈ సినిమా కోసం స‌క్సెస్‌,బాక్సాఫీస్ క‌లెక్ష‌న్స్ ప‌రంగా ఉన్న‌త‌మైన ల‌క్ష్యాల‌ను పెట్టుకున్నామ‌ని నిర్మాత పేర్కొన్నారు. వాటిని అందుకునేలా అద్భుతంగా సినిమాను రూపొందించ‌బోతున్నామ‌ని అన్నాడు.

 ఈ సినిమాలో మ‌ల‌యాళ న‌టుడు పృథ్వీరాజ్ సుకుమార‌న్ న‌టించ‌నున్న‌ట్లుగా చాలా కాలంగా వార్త‌లు వినిపిస్తున్న సంగ‌తి తెలిసిందే. అత‌డు ఇంకా ఈ సినిమాకు గ్రీన్ సిగ్న‌ల్ ఇవ్వ‌లేద‌ని నిర్మాత అన్నారు. పృథ్వీరాజ్ తో ప్ర‌శాంత్ నీల్ చ‌ర్చ‌లు జ‌రిపార‌ని,అత‌డు ఈ సినిమాలో భాగ‌మ‌య్యేందుకు ఆస‌క్తిని చూపుతున్నార‌ని విజ‌య్ కిర‌గందూర్ అన్నాడు. కానీ పృథ్వీరాజ్ డేట్స్ పై ఇంకా క్లారిటీ రాలేద‌ని చెప్పాడు. 2023 వేస‌వి ఆరంభంలో ఈ సినిమాను రిలీజ్ చేస్తామ‌ని నిర్మాత చెప్పాడు.