Salaar Teaser: ప్ర‌భాస్ ఫ్యాన్స్‌కు గుడ్‌న్యూస్ - స‌లార్ టీజ‌ర్ రిలీజ్ డేట్ చెప్పేశారు!

Salaar Teaser: సలార్ టీజర్ రిలీజ్ డేట్ కోసం ఆసక్తికరంగా ఎదురుచూస్తోన్న ప్ర‌భాస్ ఫ్యాన్స్‌కు సినిమా యూనిట్ సోమ‌వారం గుడ్‌న్యూస్ చెప్పేసింది. జూలై 6న ఉద‌యం ఐదు గంట‌ల ప‌న్నెండు నిమిషాల‌కు స‌లార్‌ టీజ‌ర్‌ను రిలీజ్ చేయ‌బోతున్న‌ట్లు ప్ర‌క‌టించింది. సోమ‌వారం ప్ర‌భాస్ యాక్ష‌న్ పోస్ట‌ర్‌ను రిలీజ్ చేశారు.

ఇందులో శ‌త్రువు గుండెలో ఆయుధాన్ని దించుతూ ప్ర‌భాస్ క‌నిపిస్తోన్నాడు. అత‌డి ముఖాన్ని చూపించ‌కుండా బ్లాక్ అండ్ వైట్‌లో ఈ పోస్ట‌ర్‌ను డిజైన్ చేయ‌డం ఆస‌క్తిని పంచుతోంది.

ప‌వ‌ర్‌పుల్ గ్యాంగ్‌స్ట‌ర్ యాక్ష‌న్ క‌థాంశంతో ద‌ర్శ‌కుడు ప్ర‌శాంత్ నీల్ స‌లార్ మూవీని తెర‌కెక్కిస్తోన్నాడు. కేజీఎఫ్ -2 బ్లాక్‌బ‌స్ట‌ర్ హిట్ త‌ర్వాత ప్ర‌శాంత్ నీల్ ద‌ర్శ‌క‌త్వంలో రూపొందుతోన్న స‌లార్‌ సినిమాపై దేశ‌వ్యాప్తంగా భారీ క్రేజ్ నెల‌కొంది.

తెలుగు, త‌మిళం, హిందీతో పాటు మిగిలిన భార‌తీయ భాష‌ల్లో సెప్టెంబ‌ర్ 28న రిలీజ్ కానుంది. స‌లార్ సినిమాలో మ‌ల‌యాళ న‌టుడు పృథ్వీరాజ్ సుకుమార‌న్ విల‌న్‌గా న‌టిస్తోన్నాడు.

శృతిహాస‌న్‌, జ‌గ‌ప‌తిబాబు కీల‌క పాత్ర‌ల‌ను పోషిస్తున్నారు. దాదాపు రెండు వంద‌ల కోట్ల బ‌డ్జెట్‌తో విజ‌య్ కిర‌గందూర్ ఈ మూవీని నిర్మిస్తోన్నారు. ఈ సినిమా రిలీజ్‌కు వంద రోజులే స‌మ‌యం ఉండ‌టంతో టీజ‌ర్ రిలీజ్ నుంచే ప్ర‌మోష‌న్స్ మొద‌లుపెట్ట‌బోతున్న‌ట్లు స‌మాచారం.