Prabhas Raja Deluxe Pic leaked: ప్ర‌భాస్ రాజా డీల‌క్స్ ఫొటో లీక్ - సోష‌ల్ మీడియాలో వైర‌ల్‌

Prabhas Raja Deluxe Pic leaked : ప్ర‌స్తుతం ద‌ర్శ‌కుడు మారుతి సినిమా షూటింగ్‌తో బిజీగా ఉన్నాడు ప్ర‌భాస్‌. సూప‌ర్ నాచుర‌ల్ హార‌ర్ క‌థాంశంతో రూపొందుతోన్న ఈ సినిమా షూటింగ్ హైద‌రాబాద్‌లో జ‌రుగుతోంది. ఈ సినిమా వ‌ర్కింగ్ స్టిల్ సోష‌ల్ మీడియాలో లీక్ అయ్యింది.

షూటింగ్ సెట్స్‌లో ప్ర‌భాస్‌, ద‌ర్శ‌కుడు మారుతి ముచ్చ‌టిస్తూ ఈ ఫొటోలో క‌నిపిస్తున్నారు. ఇందులో ప్ర‌భాస్ స్టైలిష్‌లుక్‌లో క‌నిపిస్తున్నారు. ఈ ఫొటో ప్ర‌స్తుతం సోష‌ల్ మీడియాలోవైర‌ల్‌గా మారింది. ప్ర‌భాస్ అభిమానులు ఈ లీక్‌డ్ పిక్‌ను తెగ షేర్ చేస్తున్నారు. హైద‌రాబాద్‌లో జ‌రుగుతోన్న షెడ్యూల్‌లో ప్ర‌భాస్‌తో పాటు ప్ర‌ధాన తారాగ‌ణంపై మారుతి కీల‌క స‌న్నివేశాల‌ను చిత్రీక‌రిస్తున్న‌ట్లు స‌మాచారం.

ఈ సినిమాకు రాజా డీల‌క్స్ అనే పేరును ఖ‌రారు చేసిన‌ట్లు ప్ర‌చారం జ‌రుగుతోంది. ఇందులో నిధి అగ‌ర్వాల్‌, మాళ‌వికా మోహ‌న‌న్ హీరోయిన్లుగా న‌టిస్తున్నారు. బాలీవుడ్ న‌టుడు సంజ‌య్‌ద‌త్ కీల‌క పాత్ర‌లో న‌టించ‌బోతున్న‌ట్లు ప్ర‌చారం జ‌రుగుతోంది. ప్ర‌భాస్ తాత‌గా సంజ‌య్ ద‌త్‌ క‌నిపించ‌బోతున్న‌ట్లు చెబుతున్నారు. తాతా మ‌న‌వ‌ళ్ల అనుబంధం ఈ సినిమాలో మెయిన్ పాయింట్‌గా ఉంటుంద‌ని తెలిసింది.

ప‌రిమిత బ‌డ్జెట్‌లో పాన్ ఇండియ‌న్ లెవెల్‌లో ఈసినిమాను రూపొందిస్తున్నారు. రాజా డీల‌క్స్ సినిమాను పీపుల్స్ మీడియా ఫ్యాక్ట‌రీ ప‌తాకంపై టీజీ విశ్వ‌ప్ర‌సాద్ నిర్మిస్తున్నారు. వ‌చ్చే ఏడాది ప్ర‌భాస్‌- మారుతి సినిమాప్రేక్ష‌కుల ముందుకు రానుంది. రాజా డీల‌క్స్‌తో పాటు ప్ర‌భాస్ న‌టించిన ఆదిపురుష్‌, స‌లార్‌, ప్రాజెక్ట్ సినిమాలు కూడా వ‌చ్చే ఏడాది రిలీజ్ కానున్న‌ట్లు ప్ర‌చారం జ‌రుగుతోంది.