Bigg Boss 7 Telugu Winner: బిగ్‍బాస్ విన్నర్ పల్లవి ప్రశాంత్ అంటూ మోతెక్కుతున్న సోషల్ మీడియా: వివరాలివే

Bigg Boss 7 Telugu Winner: బిగ్‍బాస్ తెలుగు 7వ సీజన్‍ విజేత ఎవరో తేలేందుకు సమయం ఆసన్నమైంది. రేపు ఆదివారం (డిసెంబర్ 17) గ్రాండ్ ఫినాలే జరగనుంది. దీంట్లో బిగ్‍బాస్ ఈ సీజన్ విజేత ఎవరో తేలనుంది. కాగా, బిగ్‍బాస్ గ్రాండ్ ఫినాలేకు సంబంధించిన షూటింగ్ శనివారమే జరిగింది. దీంతో చాలా సమాచారం లీక్స్ ద్వారా బయటికి వచ్చింది. ముగ్గురి ఎలిమినేషన్‍పై సమాచారం వెల్లడైంది. అలాగే, బిగ్‍బాస్ విన్నర్ గురించి కూడా సోషల్ మీడియాలో హల్‍చల్ జరుగుతోంది. ఆ వివరాలివే..

బిగ్‍బాస్ తెలుగు 7వ సీజన్ చివరి వారంలో ఫైనలిస్టులుగా అంబటి అర్జున్, ప్రియాంక, ప్రిన్స్ యావర్, శివాజీ, అమర్ దీప్, పల్లవి ప్రశాంత్ అడుగుపెట్టారు. ఫైనలిస్టుల కోసం ఓటింగ్ భారీగా జరిగింది.

బిగ్‍బాస్ గ్రాండ్ ఫినాలేలో ముందుగా అంబటి అర్జున్ ఎలిమినేట్ అయ్యాడని లీక్స్ వచ్చాయి. అతడు ఆరోస్థానంతో బయటికి వచ్చేశాడు. ఇక ప్రియాంక జైన్ అతడి తర్వాత ఎలిమినేట్ అయ్యారని పక్కా లీక్స్ వెల్లడయ్యాయి. దీంతో ఆమెకు ఐదో స్థానం దక్కింది. ఇక ప్రిన్స్ యావర్ రూ.15లక్షల సూట్ కేస్ తీసుకొని నాలుగో స్థానంతో ఫైనల్ రేసు నుంచి వైదొలిగాడని తెలుస్తోంది. దీంతో ఈ సీజన్‍లో నాలుగో స్థానంతో అతడు సరిపెట్టుకున్నాడని లీక్స్ వచ్చాయి.

బిగ్‍బాస్ తెలుగు 7వ సీజన్ టైటిల్ రేసులో చివరగా పల్లవి ప్రశాంత్, అమర్ దీప్, శివాజీ నిలిచారని తెలుస్తోంది. అయితే, మూడో స్థానంలో శివాజీ ఎలిమినేట్ అయ్యారని కూడా లీక్‍లు వచ్చాయి. ఇక రైతుబిడ్డ పల్లవి ప్రశాంత్, అమర్ దీప్ టాప్-2లో ఉండి టైటిల్ కోసం పోటీలో నిలిచారని తెలుస్తోంది.

అయితే, ఓటింగ్ ప్రకారం పల్లవి ప్రశాంత్.. బిగ్‍బాస్ తెలుగు 7వ సీజన్ విన్నర్ అయ్యాడని లీకులు వస్తున్నాయి. అమర్ రన్నరప్‍గా నిలిచాడని తెలుస్తోంది. దీంతో బిగ్‍బాస్ విన్నర్ పల్లవి ప్రశాంత్ అంటూ సోషల్ మీడియాలో మోతెక్కిపోతోంది. సామాన్యుడిగా హౌస్‍లో అడుగుపెట్టిన రైతుబిడ్డ ప్రశాంత్.. విజేతగా నిలిచి సత్తాచాటాడని కొందరు పోస్టులు పెడుతున్నారు. దీంతో ఎక్స్ (ట్విట్టర్)లో పల్లవి ప్రశాంత్ హ్యాష్‍ట్యాగ్ ట్రెండింగ్‍లోకి వచ్చేసింది.

పల్లవి ప్రశాంత్ బిగ్‍బాస్ విన్నర్ అయ్యాడనేలా అతడి అధికారిక ఇన్‍స్టాగ్రామ్ అకౌంట్‍లో స్టోరీ పోస్ట్ చేసి కనిపించింది. కష్టానికి ఫలితం దక్కిందనేది ఆ స్టోరీ సారాంశం. మొత్తంగా బిగ్‍బాస్ విన్నర్ అంటూ సోషల్ మీడియాలో మోతమోగుతోంది. అలాగే, సూపర్ స్టార్ మహేశ్ బాబు.. ఫినాలేకు గెస్టుగా వచ్చి విన్నర్‌ను ప్రకటిస్తారని తెలుస్తోంది.

బిగ్‍బాస్ తెలుగు 7వ సీజన్ గ్రాండ్ ఫినాలే రేపు (డిసెంబర్ 17) ప్రసారం కానుంది. గ్రాండ్‍గా ఈ ఈవెంట్ నిర్వహించేందుకు స్టార్ మా ప్లాన్ చేసింది. గెస్టుల లిస్ట్ కూడా పెద్దగానే ఉన్నట్టు తెలుస్తోంది. బిగ్‍బాస్ విన్నర్ గురించి రేపు జరిగే గ్రాండ్ ఫినాలేలో అధికారిక ప్రకటన వస్తుంది.