Amardeep Chowdary: అమ‌ర్‌దీప్‌పై ప‌ల్ల‌వి ప్ర‌శాంత్ ఫ్యాన్స్ ఎటాక్ - గీతూరాయ‌ల్ కారు ధ్వంసం

Amardeep Chowdary: బిగ్‌బాస్ తెలుగు సీజ‌న్ 7 విన్న‌ర్‌గా రైతుబిడ్డ ప‌ల్ల‌వి ప్ర‌శాంత్ నిలిచాడు. బీటెక్ బాబు అమ‌ర్‌దీప్ నుంచి ప‌ల్ల‌వి ప్ర‌శాంత్‌కు చివ‌రి వ‌ర‌కు గ‌ట్టి పోటీ ఎదురైంది. కానీ ట్రోఫీ ప‌ల్ల‌వి ప్ర‌శాంత్‌నే వ‌రించింది. అత‌డినే విజేత‌గా నాగార్జున అనౌన్స్‌చేశాడు. ర‌న్న‌ర‌ప్‌గా నిలిచిన అమ‌ర్‌దీప్ ఉట్టి చేతుల‌తోనే బిగ్‌బాస్ నుంచి వైదొలిగిగాడు.

అమ‌ర్‌దీప్‌పై ఎటాక్‌...

ఆదివారం బిగ్‌బాస్ గ్రాండ్ ఫినాలే ముగించుకొని బ‌య‌ట‌కు వ‌స్తోన్న‌ అమ‌ర్‌దీప్‌పై ప‌ల్ల‌వి ప్ర‌శాంత్ ఫ్యాన్స్ ఎటాక్ చేశారు. అన్న‌పూర్ణ స్టూడియో నుంచి త‌న ఫ్యామిలీతో అమ‌ర్‌దీప్ బ‌య‌ట‌కు వ‌స్తోన్న స‌మ‌యంలో ప‌ల్ల‌వి ప్ర‌శాంత్ ఫ్యాన్స్ అత‌డి కారును చుట్టుముట్టారు. కారు ముందుకు వెళ్ల‌కుండా అడ్డుకోవ‌డ‌మే కాకుండా అద్దాల‌ను ప‌గ‌ల‌గొట్టారు. అమ‌ర్‌దీప్‌పై తో పాటు అత‌డి ఫ్యామిలీ మెంబ‌ర్స్‌పై ఎటాక్ చేయ‌డానికి ప్ర‌య‌త్నించారు.

అమ‌ర్‌దీప్‌పై బూతులు తిట్టారు. అభిమానుల అత్యుత్సాహంతో అమ‌ర్‌దీప్ ఫ్యామిలీ మెంబ‌ర్స్ భ‌యాందోళ‌న‌ల‌కు గుర‌య్యారు. పోలీసులు వ‌చ్చి అమ‌ర్‌దీప్‌తో పాటు అత‌డి ఫ్యామిలీని సేవ్ చేశారు. అంత‌కుముందు అన్న‌పూర్ణ స్టూడియో ముందు అమ‌ర్‌దీప్ చౌద‌రి, ప‌ల్ల‌వి ప్ర‌శాంత్ ఫ్యాన్స్ కొట్టుకున్నారు. వారి గొడ‌వ‌తో అన్న‌పూర్ణ స్టూడియో ముందు ట్రాఫిక్ చాలా స‌మ‌యం పాటు నిలిచిపోయింది. ఓ ఆర్టీసీ బ‌స్‌పై ఫ్యాన్స్ ఎటాక్ చేయ‌డంతో అద్దాలు ప‌గిలిపోయాయి.

గీతూ రాయ‌ల్ కారుపై దాడి

బిగ్‌బాస్ కంటెస్టెంట్ గీతూ రాయ‌ల్ కారుపై ఫ్యాన్స్ ఎటాక్ చేశారు. వెనుక‌వైపు అద్దాల‌ను ప‌గ‌ల‌గొట్టారు. ఆమెతో పాటు అశ్విని కారును కూడా ఫ్యాన్స్ డ్యామేజ్ చేశారు. అభిమానుల తీరు ప‌ట్ల ఆమె అస‌హ‌నానికి లోన‌య్యింది.