Pallavi Prashanth: త‌గ్గేదేలే - పుష్ప డైలాగ్‌తో ప‌ల్ల‌వి ప్ర‌శాంత్ సెల‌బ్రేష‌న్స్

Pallavi Prashanth: బిగ్‌బాస్ విన్న‌ర్‌గా నిల‌వ‌డంతో ప్ర‌శాంత్ ఆనందోత్సాహాల్లో మునిగితేలుతున్నాడు. కామ‌న్‌మ్యాన్‌గా బిగ్‌బాస్ హౌజ్‌లోకి అడుగుపెట్టిన ప‌ల్ల‌వి ప్ర‌శాంత్ త‌న ఆట‌తీరుతో అభిమానుల ఆద‌ర‌ణ‌ను సొంతం చేసుకున్నాడు. చివ‌రి వ‌ర‌కు రోజు వ‌ర‌కు హౌజ్‌లోని ప్ర‌తి టాస్క్‌లో విజేత‌గా నిలుస్తూ వ‌చ్చిన ప‌ల్ల‌వి ప్ర‌శాంత్ చివ‌రి త‌న క‌ష్టానికి త‌గ్గ ప్ర‌తిఫ‌లం సొంతం చేసుకున్నాడు. బిగ్‌బాస్ ట్రోఫీని గెలుచుకున్నాడు.

బిగ్‌బాస్ గ్రాండ్ ఫినాలే ముగించుకొని బ‌య‌ట‌కు వ‌చ్చిన అనంత‌రం మీడియాతో ప‌ల్ల‌వి ప్ర‌శాంత్ ముచ్చ‌టించాడు. త‌గ్గేదేలే అంటూ పుష్పలోని అల్లు అర్జున్‌డైలాగ్ చెప్పి సెల‌బ్రేష‌న్స్ చేసుకున్నాడు. రైతుబిడ్డ‌ను గెలిపించిన మీ అంద‌రికి రుణ‌ప‌డి ఉంటాన‌ని ప‌ల్ల‌వి ప్ర‌శాంత్ అన్నాడు. నేను కాదు గెలిచింది మీరు అంటూ అభిమానుల‌ను ఉద్దేశించి కామెంట్స్ చేశాడు.

ఒక కామ‌న్ మ్యాన్ గెలుస్తాడా..లేదా..అనే ప‌ట్టుద‌ల‌తో బిగ్‌బాస్ హౌజ్‌లో అడుగుపెట్టాన‌ని, అభిమానులే న‌న్ను గెలిపించార‌ని ప‌ల్ల‌వి ప్ర‌శాంత్ అన్నాడు. నాకు ఓటు వేసిన ప్ర‌తి ఒక్క‌రికి రుణ‌ప‌డి ఉంటాన‌ని చెప్పాడు. త‌గ్గేదేలే అంటూ పుష్ప సినిమాలోని బ‌న్నీ మేన‌రిజ‌మ్స్‌ను అనుక‌రించాడు ప‌ల్ల‌వి ప్ర‌శాంత్‌. అత‌డి సెల‌బ్రేష‌న్స్ తాలూకు వీడియో సోష‌ల్ మీడియాలో వైర‌ల్‌గా మారింది.

ఆదివారం జ‌రిగిన గ్రాండ్ ఫినాలేలో ప‌ల్ల‌వి ప్ర‌శాంత్ విన్న‌ర్‌గా నిల‌వ‌గా అమ‌ర్‌దీప్ చౌద‌రి ర‌న్న‌ర‌ప్‌గా నిలిచాడు. శివాజీ మూడో స్థానంలో బిగ్‌బాస్ నుంచి ఎలిమినేట్ అయ్యాడు.