OTT Thriller Movie: తొమ్మిది నెలల తర్వాత ఓటీటీలోకి వస్తున్న తెలుగు క్రైమ్ థ్రిల్లర్ మూవీ

OTT Thriller Movie: తెలుగులో కాస్త అరుదుగా అయినా మంచి స్టోరీలైన్ తో కొన్ని లోబడ్జెట్ సినిమాలు వస్తుంటాయి. అలాంటి సినిమానే తప్పించుకు తిరుగువాడు ధన్యుడు సుమతి. ఈ మూవీ టైటిల్ లాగే స్టోరీ కూడా చాలా డిఫరెంట్ గా ఉంటుంది. ఇప్పుడీ మూవీ ఓటీటీలోకి వస్తోంది. తొమ్మిది నెలల తర్వాత వస్తున్న ఈ సినిమాపై ప్రేక్షకుల్లో ఆసక్తి నెలకొంది.

తప్పించుకు తిరుగువాడు ధన్యుడు సుమతి ఓటీటీ స్ట్రీమింగ్

తప్పించుకు తిరుగువాడు ధన్యుడు సుమతి.. ఈ ఏడాది ఫిబ్రవరి 23న ఈ సినిమా థియేటర్లలో రిలీజైంది. అసలు ఈ పేరుతో ఓ మూవీ వచ్చినట్లు చాలా మందికి తెలియదు. ప్రియదర్శి, శ్రీద, మణికందన్ లాంటి వాళ్లు నటించారు. ఈ సినిమా శుక్రవారం (నవంబర్ 29) నుంచి ఆహా వీడియో ఓటీటీలో స్ట్రీమింగ్ కానుంది.

ఈ విషయాన్ని ఆ ఓటీటీ మంగళవారం (నవంబర్ 26) ఎక్స్ అకౌంట్ ద్వారా వెల్లడించింది. "ఎవరు, ఎవరి నుంచి తప్పించుకోవాలి. తప్పించుకు తిరుగువాడు ధన్యుడు సుమతి నవంబర 29న ఆహాలో ప్రీమియర్ అవుతుంది" అనే క్యాప్షన్ తో ఆహా వీడియో ఈ స్ట్రీమింగ్ విషయం తెలిపింది.

క్రైమ్ థ్రిల్లర్ మూవీ ఎలా ఉందంటే?

తప్పించుకు తిరుగువాడు ధన్యుడు సుమతి మూవీ ఓ బ్యాంకు దోపిడీ చుట్టూ తిరిగే కథ. మనిషి అవసరాన్ని బట్టి చెడు దారిలో ఎలా వెళ్తాడన్న అంశాన్ని ఇందులో చూపించారు. ప్రముఖ నటుడు ప్రియదర్శి ఇందులో నటించాడు. ఫిబ్రవరి 23న థియేటర్లలో రిలీజైంది. అయితే పెద్దగా ప్రమోషన్లేవీ లేకపోవడంతో మూవీ రిలీజైనట్లు ఎవరికీ తెలియలేదు. ఇప్పుడు 9 నెలల తర్వాత ఆహా వీడియో ఓటీటీ ద్వారా ప్రేక్షకుల ముందుకు వస్తోంది.

ఈ సినిమాకు నారాయణ చెన్న కథ అందించడంతోపాటు దర్శకత్వం వహించాడు. వివేక్ రామస్వామి మ్యూజిక్ అందించాడు. తప్పించుకు తిరుగువాడు ధన్యుడు సుమతి మూవీని ఈ శుక్రవారం (నవంబర్ 29) నుంచి ఆహా వీడియోలో చూసి ఎంజాయ్ చేయండి.