OTT Romantic Web Series: ఓటీటీలోకి మళ్లీ వచ్చేస్తున్న క్యూట్ టీనేజర్ లవ్ స్టోరీ.. ఫ్రీగా ఎక్కడ చూడాలంటే?

OTT Romantic Web Series: ఓటీటీల్లో ఉన్న క్యూట్ లవ్ స్టోరీస్ లో ఒకటి గుటర్ గు. అమెజాన్ మినీటీవీలో గతేడాది వచ్చిన ఈ వెబ్ సిరీస్ కు ప్రేక్షకుల నుంచి మంచి రెస్పాన్స్ వచ్చింది. దీంతో ఇప్పుడీ సిరీస్ రెండో సీజన్ తో రాబోతోంది. శుక్రవారం (అక్టోబర్ 4) ఈ వెబ్ సిరీస్ ట్రైలర్ రిలీజ్ చేయడంతోపాటు స్ట్రీమింగ్ డేట్ కూడా మేకర్స్ అనౌన్స్ చేశారు.

గుటర్ గు వెబ్ సిరీస్ రెండో సీజన్

గుటర్ గు.. అంటే పావురాలు చేసే శబ్దం. ఇద్దరు టీనేజర్ల మధ్య సాగే ఈ లవ్ స్టోరీ కూడా రెండు ప్రేమ పావురాల్లాగే చాలా క్యూట్ గా అనిపిస్తుందన్న ఉద్దేశంతో ఈ పేరు పెట్టారు. తొలి సీజన్ కు మంచి రెస్పాన్స్ వచ్చిన నేపథ్యంలో ఇప్పుడు అక్టోబర్ 11 నుంచి రెండో సీజన్ స్ట్రీమింగ్ చేయడానికి మేకర్స్ సిద్ధమయ్యారు.

ఈసారి ఈ వెబ్ సిరీస్ అమెజాన్ ఎంఎక్స్ ప్లేయర్ లో స్ట్రీమింగ్ కానుంది. ఎంఎక్స్ ప్లేయర్ ఓటీటీని ఈ మధ్యే అమెజాన్ కొనుగోలు చేసిన విషయం తెలిసిందే. అయితే ఇప్పటికే ఇందులో ఉన్న వెబ్ సిరీస్ లు, సినిమాలతోపాటు రాబోయే గుటర్ గులాంటి వాటిని కూడా ఫ్రీగా చూసే అవకాశం ఉంది.

గుటర్ గు రెండో సీజన్ ట్రైలర్ ను కూడా ప్రేక్షకుల ముందుకు తీసుకొచ్చారు. తొలి సీజన్ ఎక్కడైతే ముగిసిందో అక్కడి నుంచే రెండో సీజన్ లో వీళ్ల లవ్ స్టోరీ మొదలు కానుంది. కాకపోతే ఈసారి భోపాల్ లో సాగిన ఈ లవ్ స్టోరీ అహ్మదాబాద్ కు షిఫ్ట్ కానుంది. ఈ సీజన్లో అయిన ఈ ప్రేమ జంట ఒక్కటవుతుందా అన్నది చూడాలి.

గుటర్ గు తొలి సీజన్ ఎలా ఉందంటే?

అనూజ్, రీతు అనే ఇద్దరు టీనేజర్ల మధ్య సాగిన క్యూట్ లవ్ స్టోరీయే ఈ గుటర్ గు. ఇంజినీరింగ్ కలలు కంటూ, గొప్ప కాలేజీల్లో సీటు కోసం కోచింగ్ తీసుకోవడానికి వచ్చిన ఈ ఇద్దరూ ఎలా కలుసుకున్నారు? వాళ్ల మధ్య ప్రేమ ఎలా చిగురించింది? ఆ ప్రేమ ఎక్కడి వరకూ వెళ్లిందన్నది ఈ గుటర్ గు వెబ్ సిరీస్ లో చూడొచ్చు.

ప్రతి ఒక్కరి జీవితాల్లో వాళ్ల తొలి ప్రేమ ఓ మధుర జ్ఞాపకంగా మిగిలిపోతుంది. తెలిసీ తెలియని వయసులో ఆకర్షణనే ప్రేమగా భావించే వాళ్లే ఈ సొసైటీలో ఎక్కువ మంది. కానీ కొందరు మాత్రం తమ టీనేజీ లవ్ స్టోరీయే కలకాలం ఉండిపోవాలని అనుకుంటారు. ముఖ్యంగా పొద్దున డేటింగ్ మొదలుపెట్టి.. సాయంత్రానికి బ్రేకప్ అంటున్న ఈ కాలంలో అలాంటి టీనేజీ లవ్ స్టోరీలు చాలా చాలా అరుదు.

గుటర్ గు అలాంటి ఓ స్వీట్ లవ్ స్టోరీతోనే ప్రేక్షకుల ముందుకు వచ్చింది. ఆరు ఎపిసోడ్ల ఈ సిరీస్ ఎక్కడా బోర్ కొట్టకుండా సాగిపోతుంది. ముఖ్యంగా టీనేజర్లు ఈ గుటర్ గు స్టోరీ ఈజీగా కనెక్ట్ అవుతారు. తొలి సీజన్ ను అమెజాన్ మినీటీవీలో ఫ్రీగా చూడొచ్చు.