OTT Horror Thriller: ఓటీటీలోకి తెలుగులోనూ వచ్చేసిన రూ.3 వేల కోట్ల వసూళ్ల హారర్ థ్రిల్లర్ మూవీ

OTT Horror Thriller: ఈ ఏడాది హాలీవుడ్ లో వచ్చిన సైన్స్ ఫిక్షన్ హారర్ థ్రిల్లర్ మూవీ ఏలియన్: రొములస్. ఆగస్ట్ 16న థియేటర్లలో రిలీజైన ఈ సినిమా మూడు నెలల తర్వాత ఇప్పుడు ఓటీటీలోకి అడుగుపెట్టింది. ఏలియన్ ఫ్రాంఛైజీలో భాగంగా రిలీజైన ఈ సినిమాకు మంచి రెస్పాన్స్ వచ్చింది. ఓటీటీలో తెలుగులోనూ స్ట్రీమింగ్ అవుతుండటంతో ఇక్కడి ప్రేక్షకులు కూడా మూవీని చూసి థ్రిల్ కావచ్చు.

ఏలియన్: రొములస్ ఓటీటీ స్ట్రీమింగ్

ఎప్పుడో 45 ఏళ్ల కిందట వచ్చిన ఏలియన్ మూవీ ప్రపంచాన్ని ఊపేసింది. ఆ తర్వాత ఏడేళ్లకు ఏలియన్స్ మరింత పెద్ద హిట్ సాధించింది. అలా ఏలియన్ ఫ్రాంఛైజీ నుంచి ఈ ఏడాది వచ్చిన మరో మూవీ ఏలియన్: రొములస్.

ఇప్పుడీ సినిమా గురువారం (నవంబర్ 21) నుంచి డిస్నీ ప్లస్ హాట్‌స్టార్ లో స్ట్రీమింగ్ అవుతోంది. ఇంగ్లిష్ తోపాటు తెలుగు, హిందీ, తమిళం భాషల్లో రావడం విశేషం. బాక్సాఫీస్ దగ్గర ఏకంగా రూ.3 వేల కోట్లు వసూలు చేసిన ఈ మూవీకి ఓటీటీలో మరింత ఆదరణ లభించడం ఖాయంగా కనిపిస్తోంది.

ఏలియన్: రొములస్ మూవీ గురించి..

ఏలియన్ ఫ్రాంఛైజీలో భాగంగా వచ్చిన సినిమా ఇది. 1979లో వచ్చిన ఏలియన్, 1986లో వచ్చిన ఏలియన్స్ మూవీ తర్వాత ఇప్పుడీ ఏలియన్: రొములస్ మూవీ ప్రేక్షకుల ముందుకు వచ్చింది. ఫెడె అల్వారెజ్ ఈ సినిమాను డైరెక్ట్ చేశాడు. ఆగస్ట్ 16న థియేటర్లలో రిలీజైన ఈ సినిమాకు పాజిటివ్ రివ్యూలు వచ్చాయి.

1986లో వచ్చిన ఏలియన్స్ తర్వాత ఇదే బెస్ట్ ఏలియన్ మూవీ అని క్రిటిక్స్ కూడా స్పష్టం చేశారు. దీంతో బాక్సాఫీస్ వసూళ్లలో మూవీ ఇరగదీసింది. ఏకంగా 35 కోట్ల డాలర్లు వసూలు చేసింది. ఓ పాడుబడిన స్పేస్ స్టేషన్ నుంచి తమకు పనికి వచ్చే వస్తువులను సేకరిస్తున్న సమయంలో విశ్వంలోని ఏలియన్స్ ఓ వింత జీవి రూపంలో వచ్చి వాళ్లపై దాడి చేస్తుంది.

వాటి నుంచి ఈ కాలనిస్ట్స్ తప్పించుకున్నారా లేదా అన్నదే ఈ ఏలియన్: రొములస్ మూవీ. ఏలియన్ ఫ్రాంఛైజీల్లోని బెస్ట్ సినిమాల్లో ఒకటిగా ఈ మూవీకి క్రిటిక్స్ రేటింగ్ ఇచ్చారు. ఐఎండీబీలో 7.2 రేటింగ్, రోటెన్ టొమాటోస్ లో 80 శాతం స్కోరుతో ఈ మూవీకి చాలా పాజిటివ్ రెస్పాన్స్ వచ్చింది. ఇప్పుడీ ఏలియన్: రొములస్ మూవీ డిస్నీ ప్లస్ హాట్‌స్టార్ లో స్ట్రీమింగ్ అవుతోంది. ఈ వీకెండ్ చూసి ఎంజాయ్ చేయండి.