Ntr at Priyanka Chopra Oscars Party: ఆస్కార్ నామినీల‌కు ప్రియాంక చోప్రా పార్టీ - ఎన్టీఆర్ స్పెష‌ల్ అట్రాక్ష‌న్‌

Ntr at Priyanka Chopra Oscars Party: ఆర్ఆర్ఆర్ ఆస్కార్ అవార్డును సొంతం చేసుకుంటుందా లేదా అన్న‌ది మ‌రికొద్ది గంట‌ల్లో తేల‌నుంది. ఈ ప్ర‌తిష్టాత్మ‌క వేడుక కోసం అమెరికా వెళ్లిన ఆర్ఆర్ఆర్ హీరోలు ఎన్టీఆర్‌, రామ్‌చ‌ర‌ణ్, ద‌ర్శ‌కుడు రాజ‌మౌళి ప‌లు వేడుక‌ల్లో సంద‌డి చేస్తోన్నారు.

తాజాగా ఆదివారం ద‌క్షిణాసియా ఆస్కార్ నామినీల‌కు ప్రియాంక చోప్రా ఆమెరికాలో పార్టీ ఇచ్చింది. ఈ పార్టీకి ఎన్టీఆర్ (NTR) హాజ‌ర‌య్యారు. ప్రియాంక ఇచ్చిన పార్టీకి స్పెష‌ల్ అట్రాక్ష‌న్‌గా నిలిచాడు. బాలీవుడ్ ముద్దుగుమ్మ‌లు జాక్వెలిన్ ఫెర్నాండేజ్‌, ప్రీతీ జింటా ఈ పార్టీలో పాల్గొన్నారు. ఎన్టీఆర్‌తో వీరిద్ద‌రు సెల్ఫీలు దిగారు.

ఎన్టీఆర్‌తో దిగిన ఫొటోను ఇన్‌స్టాగ్రామ్‌లో పోస్ట్ చేసింది ప్రీతీ జింటా. ఈ ఫొటోలు వైర‌ల్‌గా మారాయి. నాటు నాటు పాట‌కుగాను బెస్ట్ ఒరిజిన‌ల్ సాంగ్ విభాగంలో ఆర్ఆర్ఆర్ ఆస్కార్‌కు నామినేట్ అయ్యింది. ఈ ఘ‌న‌త‌ను ద‌క్కించుకున్న తొలి తెలుగు సినిమాగా నిలిచింది.

ఈ విభాగంలో ఆస్కార్ గెలిచే అవ‌కాశం ఆర్ఆర్ఆర్ కే ఎక్కువ‌గా ఉన్న‌ట్లు ప్ర‌చారం జ‌రుగుతోంది. ఆస్కార్ అవార్డ్స్ ప్ర‌దానోత్స‌వంలో ఎన్టీఆర్‌, రామ్‌చ‌ర‌ణ్‌తో పాటు రాజ‌మౌళి రెడ్‌కార్పెట్‌పై మెర‌వ‌నున్నారు. అంతే కాకుండా నాటు నాటు పాట‌ను లైవ్‌లో సింగ‌ర్ రాహుల్ సిప్లిగంజ్ పాడ‌బోతున్నాడు.