Shankar Dada Mbbs Re Release: శంక‌ర్ దాదా ఎంబీబీఎస్‌కు షాకింగ్ అడ్వాన్స్ బుకింగ్స్ -లిమిటెడ్ థియేట‌ర్ల‌లో రిలీజ్‌

Shankar Dada Mbbs Re Release: మెగాస్టార్ చిరంజీవి కెరీర్‌లో బిగ్గెస్ట్ క‌మ‌ర్షియ‌ల్ హిట్స్‌లో శంక‌ర్ దాదా ఎంబీబీఎస్ ఒక‌టిగా నిలిచింది. జ‌యంత్ సీ ప‌రాన్జీ ద‌ర్శ‌క‌త్వంలో 2004లో రిలీజైన ఈ మూవీ ఆ ఏడాది అత్య‌ధిక వ‌సూళ్ల‌ను సాధించిన సినిమాగా రికార్డ్ క్రియేట్ చేసింది. 19 ఏళ్ల త‌ర్వాత మ‌రోసారి ఈ యాక్ష‌న్ కామెడీ మూవీ తెలుగు ప్రేక్ష‌కుల ముందుకు రాబోతోంది.

న‌వంబ‌ర్ 4న ఈ సినిమా రీ రిలీజ్ అవుతోంది. రీ రిలీజ్‌కు వారం రోజుల ముందే ఈ సినిమా అడ్వాన్స్ బుకింగ్స్‌ను ఓపెన్ చేశారు. మెగాస్టార్ మూవీ రీ రిలీజ్‌పై పెద్ద‌గా బ‌జ్ లేక‌పోవ‌డంతో అడ్వాన్స్ బుకింగ్స్ ఆశించిన స్థాయిలో జ‌ర‌గ‌లేద‌ని ట్రేడ్ వ‌ర్గాలు చెబుతోన్నాయి. ఇప్ప‌టివ‌ర‌కు అడ్వాన్స్ బుకింగ్స్ న‌ల‌భై ల‌క్ష‌లు కూడా దాట‌లేద‌ని అంటున్నారు.

ఫ‌స్ట్ డే శంక‌ర్ దాదా ఎంబీబీఎస్ మూవీ అటు, ఇటుగా యాభై ల‌క్ష‌ల వ‌ర‌కు వ‌సూళ్లను రాబ‌ట్టే అవ‌కాశం ఉన్న‌ట్లు చెబుతోన్నారు. యాభై ల‌క్ష‌ల మార్కును దాటుతుందా? లేదా? అన్న‌ది కూడా అనుమాన‌మేన‌ని అంటున్నారు. సినిమాపై క్రేజ్ మోస్తారుగానే ఉండ‌టంతో లిమిటెడ్ స్క్రీన్స్‌లోనే శంక‌ర్ దాదా ఎంబీబీఎస్ రిలీజ‌య్యే అవ‌కాశం ఉన్న‌ట్లు స‌మాచారం.

హైద‌రాబాద్‌, వైజాగ్‌తో పాటు మ‌రికొన్ని సిటీస్‌లో త‌క్కువ థియేట‌ర్లను ఈ సినిమాకు కేటాయించిన‌ట్లు చెబుతున్నారు. శంక‌ర్ దాదా ఎంబీబీఎస్ సినిమాలో సోనాలీ బింద్రే హీరోయిన్‌గా న‌టించింది.

శ్రీకాంత్‌, శ‌ర్వానంద్‌, రోహిత్ కీల‌క పాత్ర‌లు పోషించారు. ఈ సినిమాలో ప‌వ‌న్ క‌ళ్యాణ్ అతిథి పాత్ర‌లో న‌టించాడు. బాలీవుడ్‌లో విజ‌య‌వంత‌మైన మున్నాభాయ్ ఎంబీబీఎస్‌కు రీమేక్‌గా శంక‌ర్ దాదా ఎంబీబీఎస్ సినిమా రూపొందింది.