Nithin: డైరెక్ట్ యాక్షన్ అంటున్న నితిన్.. మాచర్ల నియోజకవర్గం ట్రైలర్ విడుదల

టాలీవుడ్ యువ హీరో నితిన్ నటించిన తాజా చిత్రం మాచర్ల నియోజకవర్గం. కృతిశెట్టి హీరోయిన్‌గా చేసిన ఈ సినిమాకు పీఎస్ రాజేశేఖర్ రెడ్డి దర్శకత్వం వహించారు. పొలిటికల్ యాక్షన్ థ్రిల్లర్ జోనర్‌లో తెరకెక్కిన ఈ సినిమాను ప్రపంచ వ్యాప్తంగా ఆగస్టు 12న ప్రేక్షకుల ముందుకు తీసుకురావాలని చిత్రబృందం నిర్ణయించింది. తాజాగా ఈ సినిమాకు సంబంధించిన ట్రైలర్‌ను విడుదల చేశారు మేకర్స్.

అన్ని కమర్షియల్ హంగులను మేళవించిన మాచర్ల నియోజకవర్గం ట్రైలర్ ఆకట్టుకుంటోంది. ఇందులో నితిన్ సరికొత్తగా కనిపించారు. జిల్లా కలెక్టర్ పాత్రలో ఆయన కనిపించారు. నువ్వేమో త్రివిక్రమ్ శ్రీనివాస్‌లా పంచ్‌లు, వీళ్లేమో బోయపాటి శ్రీనులా యాక్షన్ సీన్‌లు.. ఇప్పుడు నేనేం చేయాలి రాజమౌళి హీరోగా ఎలివేషన్ ఇవ్వాలా అని నితిన్ పలికే డైలాగులు ఆకట్టుకుంటున్నాయి. ఇది కాకుండా కలెక్టర్ మీద చెయ్యేస్తే గవర్నమెంట్ మీద చెయ్యి వేసినట్టే అంటూ సాగే సంభాషణలు అలరిస్తాయి.

ఇప్పటికే విడుదలైన మాచర్ల నియోజకవర్గం టీజర్, పాటలు సినిమా అంచనాలను భారీగా పెంచేశాయి. ఇందులో హీరోయిన్ అంజలి ఓ ప్రత్యేక గీతంలో నటించింది. అన్ని రకాల వాణిజ్యపరమైన అంశాలు ఈ సినిమాలో ఉండనున్నట్లు చిత్ర ట్రైలర్ చూస్తేనే తెలుస్తోంది. కృతి శెట్టి హీరోయిన్‌గా చేస్తోంది.

మాచర్ల నియోజవర్గం సినిమాతో దర్శకుడిగా పరిచయమవుతున్నారు. నితిన్ సొంత బ్యానరైన శ్రేష్ఠ్ మూవీస్ పతాకంపై ఈ చిత్రాన్ని నిర్మిస్తున్నారు.ఈ సినిమా ఆగస్టు 12న ప్రేక్షకుల ముందుకు రానుంది. నితిన్ తొలిసారిగా వైవిధ్యమైన పాత్రలో కనిపించనున్నారు.