Bigg Boss 7 Telugu launch: విజయ్ దేవరకొండ డ్యాన్స్.. నవీన్ ‘జాతిరత్నాలు’ డైలాగ్.. బిగ్‍బాస్ 7 లాంచ్ నయా ప్రోమో

Bigg Boss 7 Telugu launch: పాపులర్ రియాలిటీ షో ‘బిగ్‍బాస్’ కొత్త సీజన్ తెలుగు ప్రేక్షకుల ముందుకు వచ్చేందుకు అంతా రెడీ అయింది. బిగ్‍బాగ్ 7వ సీజన్ తెలుగు నేడు (సెప్టెంబర్ 3) ప్రారంభం కానుంది. ఈ సీజన్‍కు కూడా స్టార్ హీరో కింగ్ నాగార్జున్ హోస్ట్ చేయనున్నారు. బిగ్‍బాగ్ 7 తెలుగు లాంచ్ ఈవెంట్ నేటి సాయంత్రం 7 గంటలకు మొదలుకానుంది. స్టార్ మా టీవీ ఛానెల్‍లో ఈ బిగ్‍బాస్ 7వ సీజన్ టెలికాస్ట్ కానుంది. కాగా, ఈ సీజన్ లాంచ్‍కు కొన్ని గంటల ముందు స్టార్ మా ఓ కొత్త ప్రోమో రిలీజ్ చేసింది. కొన్ని సర్‌ప్రైజ్‍లను ఈ ప్రోమోలో రివీల్ చేసింది.

‘ఈ సీజన్‍లో ఈ హౌజ్‍లో ఉండాలంటే అంత ఈజీ కాదు’ అంటూ నాగార్జున చెప్పే డైలాగ్‍తో ఈ నయా ప్రోమో మొదలైంది. కొన్ని పర్ఫార్మెన్సులు ఉండనున్నట్టు తెలుస్తోంది. కొందరు కంటెస్టెంట్ల డైలాగ్స్ ఈ ప్రోమోలో ఉన్నా వారు ఎవరు అనేది దీంట్లో రివీల్ చేయలేదు. కొందరు కంటెస్టర్లను చూపించినా వారి ముఖాలు ప్రోమోలో కనిపించకుండా జాగ్రత్త పడ్డారు. సస్పెన్స్ కొనసాగించారు. కాగా, ఈ ప్రోమోకు రౌడీ హీరో విజయ్ దేవరకొండ, యంగ్ హీరో నవీన్ పొలిశెట్టి హైలైట్‍గా నిలిచారు.

ఖుషి సినిమా ప్రమోషన్లలో భాగంగా బిగ్‍బాగ్ 7 తెలుగు లాంచ్ ఈవెంట్‍కు అతిథిగా వచ్చారు విజయ్ దేవరకొండ. ఖుషిలోని ఆరాధ్య పాటకు విజయ్ డ్యాన్స్ చేశారు. ప్రోమోకు ఇది హైలైట్‍గా ఉంది. ‘మీ హీరోయిన్ సమంత ఎక్కడ’ అని విజయ్‍ను నాగార్జున అడిగారు. దీని విజయ్ నవ్వారు. ఖుషి చిత్రం సెప్టెంబర్ 1న రిలీజై మంచి కలెక్షన్లలో దూసుకుపోతోంది. ఇక సెప్టెంబర్ 7న రిలీజ్ కానున్న తన చిత్రం ‘మిస్ శెట్టి, మిస్టర్ పోలిశెట్టి’ ప్రమోషన్ కోసం బిగ్‍బాస్ 7 లాంచ్ ఈవెంట్‍కు నవీన్ పోలిశెట్టి వచ్చారు.

‘రాయల్ విల్లాస్.. అన్నపూర్ణ స్టూడియో పక్కనే’ అని జాతిరత్నాల్లో తాను చెప్పిన డైలాగ్‍ను నవీన్ పోలిశెట్టి బిగ్‍బాస్ స్టేజీపై గుర్తు చేసుకున్నారు. “ఈరోజు అన్నపూర్ణ స్టూడియోస్‍లో నిజంగానే నాగార్జున గారితో ఉన్నాం” అని తన స్టైల్‍లో చెప్పారు నవీన్. ఎట్లా భరించాలో ఏమో అని నాగార్జున చెప్పారు.

ప్రతీ సీజన్‍లో ఫినాలేలో వచ్చే బ్రీఫ్ కేస్‍లో ఫస్ట్ ఫైవ్‍కే వచ్చేస్తోంది అంటూ బిగ్‍బాస్ 7 తెలుగు గురించి కాస్త రివీల్ చేశారు నాగార్జున. మొత్తంగా కంటెస్టెంట్ల గురించి సస్పెన్స్ కొనసాగించారు. ఈ బిగ్‍బాస్ తెలుగు 7వ సీజన్‍లో పాల్గొనే కంటెస్టెంట్లు ఎవరో నేటి లాంచ్ ఈవెంట్‍లో తెలియనుంది.

బిగ్‍బాస్ సీజన్ 7 లాంచ్ కార్యక్రమం నేటి (సెప్టెంబర్ 3) 7 గంటలకు ‘స్టార్ మా’ ఛానెల్‍లో ప్రారంభం కానుంది. ఇక, రేపటి నుంచి.. ప్రతీ రోజు సోమవారం నుంచి శుక్రవారం వరకు రాత్రి 9.30 గంటలకు బిగ్‍బాస్ సీజన్ 7 ప్రసారం అవుతుంది. శని, ఆదివారాల్లో రాత్రి 9 గంటలకు ప్రసారం అవుతుంది.