Month Of Madhu: కలర్స్ స్వాతి ‘మంత్ ఆఫ్ మధు’ మీనింగ్ ఇదే.. బయటపెట్టిన నవీన్ చంద్ర

భానుమతి అండ్ రామకృష్ణ సినిమా డైరెక్టర్ శ్రీకాంత్ నాగోతి దర్శకత్వం వహించిన తాజా సినిమా మంత్ ఆఫ్ మధు. నవీన్ చంద్ర, కలర్స్ స్వాతి ప్రధాన పాత్రలు పోషిస్తున్న ఈ సినిమాను యశ్వంత్ ములుకుట్ల క్రిషివ్ ప్రొడక్షన్స్, హ్యాండ్‌పిక్డ్ స్టోరీస్ బ్యానర్‌పై నిర్మిస్తున్నారు. సుమంత్ దామ సహ నిర్మాతగా, రఘువర్మ పేరూరి ఎగ్జిక్యూటివ్ నిర్మాతగా వ్యవహరిస్తున్నారు. ఇప్పటికే విడుదలైన పాటలు, టీజర్, ట్రైలర్ కు మంచి రెస్పాన్స్ వచ్చింది. ఈ మూవీ అక్టోబర్ 6న ప్రపంచవ్యాప్తంగా విడుదల కానున్నంది. ఈ నేపథ్యంలో హీరో నవీన్ చంద్ర ప్రమోషన్స్ లో భాగంగా పలు విశేషాలు పంచుకున్నారు.

'మంత్ ఆఫ్ మధు' ఎలా మొదలైయింది?

దర్శకుడు శ్రీకాంత్ నాగోతితో భానుమతి & రామకృష్ణ చేశాను. ఈ చిత్రానికి చాలా మంచి పేరు వచ్చింది. ఈ సినిమా తర్వాత ఆయనకి కూడా కొన్ని ప్రాజెక్ట్స్ వచ్చాయి. మేము ఇద్దరం కలసి మరో సినిమా చేయాలనే ఆలోచన ఉన్నప్పటికీ నేను అప్పటికే చాలా సినిమాలు, వెబ్ సిరీస్ లతో బిజీగా ఉన్నాను. తర్వాత ఏం చేస్తున్నావ్ అని ఓసారి అడిగితే.. ఓ రెండు కథలు అనుకుంటున్నాని చెప్పారు. ఇందులో మంత్ ఆఫ్ మధు నాకు చాలా నచ్చింది. ఇలాంటి పాత్ర నేను చేస్తే బావుంటుదనిపించింది. వెంటనే మరో ఆలోచన లేకుండా ఓకే అన్నాను. అలా ఈ సినిమా మొదలైయింది.

మీ పాత్ర ఎలా ఉంటుంది ?

ఇందులో సహజత్వానికి చాలా దగ్గర ఉండే పాత్రలో కనిపిస్తాను. నా పాత్ర పేరు మధుసూధనరావు. చదువుకున్న రోజుల్లో ఫ్రెండ్స్ అతన్ని హీరోలా చూస్తుంటారు. అయితే, కాలం గడిచిన కొద్ది ఎవరి జీవితాల్లోకి వారు వెళ్లిపోతారు. మధు మాత్రం అదే స్టేట్ ఆఫ్ మైండ్ లో ఉండిపోతాడు. మందు, సిగరెట్ కి అలవాటు పడిపోతాడు. ఒకరి కింద ఉద్యోగం చేయాలని వుండదు. తనకి డబ్బుపై కూడా ఆశ లేదు. తనకి ఏ లక్ష్యం ఉండదు. ఏ భాద్యత తీసుకోడు. చిన్నప్పటి నుంచి అందరూ ఒక హీరో ఇమేజ్ తో చూడటంతో అందులోనే ఉండిపోతాడు.

ఒక వ్యక్తికి లేని బిల్డప్‌ని చుట్టూ ఉన్న వాళ్లు ఇవ్వడం మనం గమనిస్తుంటాం. అదే నిజం అనుకుని అందులోనే ఉండిపోయే పాత్రలు మనకు నిజ జీవితంలో ఎదురవుతుంటాయి. ఇందులో మధు పాత్ర కూడా అలానే ఉంటుంది. కథ నచ్చి ఎంచుకున్న సినిమా ఇది. 'మంత్ ఆఫ్ మధు చాలా స్పెషల్ మూవీ.

మంత్ ఆఫ్ మధు అంటే ఏంటీ?

ఇద్దరం. ఆ అమ్మాయికి ఇచ్చిన ఒక నెల.. ఈ నెలలో తనతో నా పాత్ర స్నేహం, దీంతో స్వాతితో పాటు మా ఇద్దరి జీవితాలు ఎలా మారాయనేది కథ. ఇక స్వాతి తెలుగు అమ్మాయిలా కనిపిస్తుంది. తెలుగు అమ్మాయిని రిప్రజెంట్ చేస్తుంది. ఆ పాత్రలో పెయిన్ ఉంటుంది. ఈ కథ చాలా యూనిక్‌గా ఉంటుంది ఈ సినిమాలో పాత్రల ప్రయాణం, వారి ఛాయిస్ లని చూపించబోతున్నాం.

8 సినిమాలు

నటుడిగా చాలా బిజీగా ఉన్నా. హీరోగా ఆరు సినిమాలు విడుదలకు ఉన్నాయి. క్యారెక్టర్‌గా ఐదు, విలన్‌గా మూడు సినిమాలు ఫినిష్ అయ్యాయి. దర్శకులకు కూడా నేను మంచి నటుడనే నమ్మకం ఉందని భావిస్తున్నారు. అందుకే రకరకాల సినిమాలు, పాత్రలు వస్తున్నాయి. శంకర్ గారి గేమ్ చేంజెర్ తో పాటు దాదాపు ఎనిమిది సినిమాలు ఉన్నాయి.