Hi Nanna Collection: ఫ‌స్ట్ డే మిక్స్‌డ్‌ టాక్ - వీకెండ్‌లో కుమ్మేసింది - నాని హాయ్ నాన్న ఫ‌స్ట్ వీకెండ్ క‌లెక్ష‌న్స్

Hi Nanna Collection: నాని హాయ్ నాన్న మూవీ బ్రేక్ ఈవెన్‌కు చేరువైంది. తొలిరోజు మిక్స్‌డ్ రెస్పాన్స్‌ను సొంతం చేసుకున్న ఈ మూవీ మౌత్ టాక్‌తో బ్లాక్‌బ‌స్ట‌ర్ దిశ‌గా సాగుతోంది. శ‌ని, ఆదివారాల్లో ఈ సినిమా భారీ వ‌సూళ్ల‌తో బాక్సాఫీస్ వ‌ద్ద కుమ్మేసింది. వ‌ర‌ల్డ్ వైడ్‌గా ఫ‌స్ట్ వీకెండ్‌లో ఈ మూవీ న‌ల‌భై కోట్ల వ‌ర‌కు గ్రాస్ క‌లెక్ష‌న్స్‌, పంతొమ్మిది కోట్ల‌కుపైగా షేర్ వ‌సూళ్ల‌ను ద‌క్కించుకున్న‌ట్లు స‌మాచారం.

ఏపీ, తెలంగాణ‌లో తొలిరోజు రెండు కోట్ల తొంభై ల‌క్ష‌ల‌ వ‌ర‌కు క‌లెక్ష‌న్స్ రాబ‌ట్టిన ఈ మూవీ, శ‌నివారం రోజు మాత్రం నాలుగు కోట్ల వ‌ర‌కు వ‌సూళ్ల‌ను ద‌క్కించుకున్న‌ది. ఆదివారం రోజు తెలుగు రాష్ట్రాల్లో ఈ మూవీకి నాలుగున్న‌ర కోట్ల వ‌ర‌కు వ‌సూళ్లు వ‌చ్చిన‌ట్లు ట్రేడ్ వ‌ర్గాలు అంచ‌నా వేస్తోన్నాయి.

ఫ‌స్ట్ వీకెండ్‌లో నైజాం ఏరియాలో అత్య‌ధికంగా 14 కోట్ల వ‌ర‌కు హాయ్ నాన్న గ్రాస్ క‌లెక్ష‌న్స్ సొంతం చేసుకున్న‌ట్లు తెలిసింది. నైజాం త‌ర్వాత ఓవ‌ర్‌సీస్‌లో ఈ సినిమా దుమ్మురేపుతోంది. ఫ‌స్ట్ వీకెండ్‌లోనే మిలియ‌న్ డాల‌ర్ క్ల‌బ్‌లో చేరిపోయి రికార్డ్ క్రియేట్ చేసింది. హాయ్ నాన్న మూవీ వ‌ర‌ల్డ్ వైడ్‌గా 27 కోట్ల వ‌ర‌కు ప్రీ రిలీజ్ బిజినెస్ చేసింది. 28 కోట్ల బ్రేక్ ఈవెన్ టార్గెట్‌తో రిలీజైంది.

మ‌రో రెండు రోజుల్లో ఈ సినిమా బ్రేక్ ఈవెన్ టార్గెట్‌ను రీచ్ కావ‌డం ఖాయ‌మ‌ని ట్రేడ్ వ‌ర్గాలు చెబుతోన్నాయి. హాయ్ నాన్న సినిమాలో నానికి జోడీగా మృణాల్ ఠాకూర్ హీరోయిన్‌గా న‌టించింది. శృతిహాస‌న్‌, బేబీ కియారా కీల‌క పాత్ర‌ల్లో న‌టించారు. తండ్రీకూతుళ్ల అనుబంధానికి ల‌వ్ స్టోరీని జోడించి తెర‌కెక్కిన ఈ సినిమాతో శౌర్యువ్ ద‌ర్శ‌కుడిగా టాలీవుడ్‌లోకి ఎంట్రీ ఇచ్చాడు.