Nagarjuna akkineni: ది ఘోస్ట్ థియేట్రికల్ ట్రైలర్ రిలీజ్ డేట్ రివీల్

ది ఘోస్ట్ సినిమాతో ఆక్టోబ‌ర్ 5న ప్రేక్ష‌కుల ముందుకు రాబోతున్నారు అక్కినేని నాగార్జున‌. స్పై యాక్ష‌న్ థ్రిల్ల‌ర్‌గా తెర‌కెక్కుతున్న ఈ చిత్రానికి ప్ర‌వీణ్ స‌త్తారు(Praveen sattaruu) ద‌ర్శ‌క‌త్వం వ‌హిస్తున్నారు. ఈ సినిమాలో నాగార్జున త‌మ‌హాగానే పేరుతో ఓ ప్ర‌త్యేక‌మైన ఆయుధాన్ని వాడబోతున్నారు. ఈ ఆయుధం తాలూకు యాక్ష‌న్ ప్రోమోను గురువారం రిలీజ్ చేశారు. ఇందులో నాగార్జున‌ను వెతుక్కుటూకొంత‌మంది క్రిమిన‌ల్స్ అతడు ఉన్న చోటుకు వ‌స్తున్నార‌నే సమాచారం అందుతున్న‌ట్లుగా చూపించారు.

వారిని ఎదుర్కొనేందుకు ప్ర‌త్యేకంగా త‌మ‌హాగానే పేరుతో క‌త్తిని త‌యారు చేస్తూ నాగార్జున క‌నిపించారు. కొలిమిలో నుంచి దానిని తీసి ఆయుధం ప‌దునును పరీక్షించడం ఆకట్టుకుంటోంది. శ‌త్రువులు ద‌గ్గ‌ర‌కు రాగానే చీక‌ట్లో నుండి వెలుతురులోకి నాగార్జున వ‌చ్చిన‌ట్లుగా చూపించిన సీన్ ప్రోమోకు హైలైట్‌గా నిలుస్తోంది. ఈ యాక్ష‌న్ ప్రోమో చివ‌ర‌లో ఆగ‌స్ట్ 25న ఈ సినిమా థియేట్రిక‌ల్ ట్రైల‌ర్‌ను రిలీజ్ చేయ‌బోతున్న‌ట్లుగా ప్ర‌క‌టించారు.

ద‌స‌రా కానుక‌గా అక్టోబ‌ర్ 5న వ‌ర‌ల్డ్‌వైడ్‌గా ఈ సినిమా రిలీజ్ కానుంది. ది ఘోస్ట్‌లో నాగార్జున‌కు జోడీగా సోనాల్ చౌహాన్(sonal chauhan) హీరోయిన్‌గా న‌టిస్తోంది. తొలుత కాజ‌ల్ అగ‌ర్వాల్‌ను హీరోయిన్‌గా తీసుకున్నారు. పెగ్రెన్సీ కార‌ణంగా కాజ‌ల్ త‌ప్పుకోవ‌డంతో ఆమె స్థానంలో సోనాల్ చౌహాన్‌ను ఎంపికచేశారు. ఇటీవ‌లే ఈ సినిమా షూటింగ్ పూర్త‌యింది. ప్ర‌స్తుతం ప్రీప్రొడ‌క్ష‌న్ ప‌నుల‌ను జ‌రుపుతున్నారు.