Bigg Boss Telugu 7: సమంత గురించి అడిగిన నాగ్ మామ.. ఎంట్రీలోనే ఇంటి సభ్యులకు ఊహించని ట్విస్ట్
03 September 2023, 16:42 IST
Share
Nagarjuna About Samantha: నాగచైతన్య, సమంత నాలుగేళ్ల వివాహ బంధానికి స్వస్తి పలికి విడాకులు తీసుకున్నారు. అప్పటి నుంచి అక్కినేని కుటుంబానికి సమంతకు పెద్దగా మాటలు లేనట్లుగా అనిపించింది. కానీ, తాజాగా బిగ్ బాస్ తెలుగు 7 లాంచ్ ఈవెంట్ స్టేజీపై సమంత గురించి నాగార్జున అడిగి షాక్ ఇచ్చారు.
సమంత గురించి అడిగిన నాగ్ మామ
బిగ్ బాస్ తెలుగు 6 సీజన్ నుంచే తెగ ఊరిస్తున్న బిగ్ బాస్ తెలుగు 7 సీజన్ ఎట్టకేలకు మరికొన్ని గంటల్లో ఘనంగా ప్రారంభం కానుంది. ఈ సీజన్‍కు సంబంధించి ఇప్పటివరకు వచ్చిన ప్రతి అప్డేట్ ఇంట్రెస్ట్ క్రియేట్ చేసింది. బిగ్ బాస్ 7 తెలుగు సీజన్‍లోకి మొత్తంగా 20 మంది ఇంటి సభ్యులుగా పాల్గొననున్నారు. వీరిలో పది ఒక టీమ్, మరో 10 మందిని మరో టీమ్ గా రెండు భాగాలుగా విడదీయనున్నారని టాక్. ఇక ఎవరూ ఊహించని సీజన్ బిగ్ బాస్ సీజన్ సెవెన్ అంటూ నాగార్జున ప్రోమోలు, ప్రమోషన్స్ లలో చెబుతూ వచ్చాడు.
మీ హీరోయిన్ ఎక్కడ?
సెప్టెంబర్ 2న బిగ్ బాస్ తెలుగు 7 హౌజ్ చూపిస్తూ ప్రోమో విడుదల చేయగా తాజాగా నాగార్జున, గెస్టులు విజయ్ దేవరకొండ, నవీన్ పోలిశెట్టి, కంటెస్టెంట్స్ ఎంట్రీలను చూపించారు. అయితే కంటెస్టెంట్స్ ముఖాలు చూపించకుండా కేవలం డైలాగ్స్ తో ప్రోమో ద్వారా ఇంట్రెస్ట్ క్రియేట్ చేశారు. ఇక ఖుషి ప్రమోషన్స్ లో భాగంగా స్టేజీపైకి వచ్చిన విజయ్ దేవరకొండ తన సినిమాలోని ఆరాధ్య పాటకు స్టెప్పులేశాడు. విజయ్ దేవరకొండ డ్యాన్స్ తర్వాత అతన్ని "ఏది మీ హీరోయిన్ ఎక్కడ సమంత" అని నాగార్జున అడిగారు.
ఇప్పుడే వెళ్లిపోవచ్చు
నాగార్జు అలా అడగడంతో విజయ్ దేవరకొండ నవ్వుతూ చూశాడు. తర్వాత నవీన్ పోలిశెట్టి ఎంట్రీ ఇచ్చి తనదైన స్టైల్‍లో డైలాగ్ చెప్పి ఆకట్టుకున్నాడు. అనంతరం "ప్రతి సీజన్‍లో ఫినాలేలో వచ్చే బ్రీఫ్ కేస్ మీకు సీజన్ 7లో ఫస్ట్ ఫైవ్‍కే (ఐదుగురు ఇంటి సభ్యులకు) వస్తుంది. ఆ డబ్బు తీసుకుని హౌజ్ నుంచి ఇప్పుడే వెళ్లిపోవచ్చు" అని నాగార్జున షో ఎంట్రీలోనే కంటెస్టెంట్స్ కు పెద్ద ట్విస్ట ఇచ్చాడు. ఆ బ్రీఫ్ కేస్ కోసం ఇంటి సభ్యులు కిందా మీద పడుతూ పోటీ పడటం ప్రోమోలో చూపించారు. అది చూసి నాగార్జున మంచి స్మైల్ ఇస్తూ ఉన్నాడు.
నాట్ హెవెన్
"మీరు ఎంతైనా ఊహించుకోండి. మీ ఊహకు అందని సీజన్ బిగ్ బాస్ సీజన్ సెవెన్. బట్ కంటెస్టెంట్స్ కు మాత్రం నాట్ హెవెన్" అని నాగార్జన డైలాగ్‍తో బిగ్ బాస్ తెలుగు 7 ప్రోమోను ముగించారు. ఇదిలా ఉంటే నాగార్జున చెప్పిన ఫస్ట్ ఫైవ్ బ్రీఫ్ కేస్‍లో రూ. 35 లక్షల క్యాష్ ఉన్నట్లు టాక్. సో, మొత్తానికి బిగ్ బాస్ తెలుగు 7 సీజన్ అదిరే సర్‍ప్రైజ్‍లు, ఊహించని ట్విస్టులతో సాగనుందని తొలి రోజే.. అది కూడా ప్రోమో ద్వారానే చూపించారు నిర్వాహకులు.