Thank you collections: నిర్మాత‌ల‌కు షాక్ ఇచ్చిన థాంక్యూ ఫ‌స్ట్‌డే క‌లెక్ష‌న్స్‌-నాగ‌చైత‌న్య కెరీర్‌లో లోయెస్ట్‌

Thank you movie collections: నాగచైతన్య హీరోగా నటించిన థాంక్యూ సినిమాకు తొలి ఆట నుండే నెగెటివ్ టాక్ రావడంతో ఓపెనింగ్స్ పై ప్రభావం పడింది. సినిమా కలెక్షన్స్ దారుణంగా పడిపోయాయి. తెలంగాణ‌, ఏపీలో తొలిరోజు ఈ సినిమా కేవ‌లం 1.65 కోట్ల వ‌సూళ్ల‌ను మాత్ర‌మే రాబ‌ట్టి డిజాస్ట‌ర్‌గా నిలిచింది. ఓవ‌ర్‌సీస్‌తో క‌లిపి వ‌ర‌ల్డ్‌వైడ్‌గా థాంక్యూ సినిమాకు మొద‌టిరోజు కేవ‌లం 2.16 కోట్ల గ్రాస్ మాత్ర‌మే వచ్చింది. నైజాంలో ఈ సినిమా శుక్ర‌వారం రోజు 72 ల‌క్ష‌ల గ్రాస్‌ను మాత్ర‌మే రాబ‌ట్టింది. సీడెడ్ లో 20 ల‌క్ష‌లు, ఈస్ట్‌లో 14 ల‌క్ష‌లు, వెస్ట్‌లో 8 ల‌క్ష‌లు, కృష్ణ జిల్లాలో 12 ల‌క్ష‌లు, గుంటూర్‌లో 10 ల‌క్ష‌ల ఓపెనింగ్స్ ను సాధించింది.

ఏపీ, తెలంగాణ‌తో పోలిస్తే ఓవ‌ర్‌సీస్‌లో కొంత వ‌సూళ్ల‌ను మెరుగ్గా ఉన్నాయి. ఓవ‌ర్‌సీస్‌లో తొలిరోజు థాంక్యూ సినిమా 45 ల‌క్ష‌ల వ‌సూళ్ల‌ను రాబట్టింది. భారీ అంచ‌నాల‌తో విడుద‌లైన ఈ సినిమాకు ఫ‌స్ట్ షో నుండే నెగెటివ్ టాక్ రావడం కూడా ఓపెనింగ్స్ తగ్గడానికి కారణమైంది. నాగ‌చైత‌న్య కెరీర్‌లో తొలి రోజు అత్య‌ల్ప ఓపెనింగ్స్‌ను రాబ‌ట్టిన సినిమాగా థాంక్యూ నిలిచింది. స‌వ్య‌సాచి(3.29 కోట్లు), శైలజా రెడ్డి అల్లుడు (6.93 కోట్లు) లాంటి ఫ్లాప్ సినిమాల‌తో పోలిస్తే థాంక్యూ (Thank you movie collections)త‌క్కువ వ‌సూళ్లు రావ‌డంతో నిర్మాత‌లు, డిస్ట్రిబ్యూట‌ర్లు షాక్ తిన్నారు.

రెండోరోజు వ‌సూళ్లు మ‌రింత త‌గ్గే అవ‌కాశం ఉన్న‌ట్లు ట్రేడ్ వ‌ర్గాలు అంటున్నాయి. తొలిరోజు వ‌సూళ్ల‌ను నేప‌థ్యంలో ఈ సినిమా బ్రేక్ ఈవెన్ కావ‌డం క‌ష్టంగానే క‌నిపిస్తోంది. ఈ సినిమాతో నాగ‌చైత‌న్య ఖాతాలో మ‌రో ఫ్లాప్ చేరిన‌ట్టేన‌ని చెబుతున్నారు. తన ఎదుగుద‌ల‌కు కార‌ణ‌మైన వారికి కృత‌జ్ఞ‌త చెప్పాల‌నే ఆలోచ‌న‌తో ఓ యువ‌కుడు సాగించిన జ‌ర్నీకి ప్రేమ‌క‌థ‌ను జోడించి తెర‌కెక్కించిన ఈ చిత్రానికి విక్ర‌మ్ కె కుమార్ ద‌ర్శ‌క‌త్వం వ‌హించారు. శ్రీ వెంక‌టేశ్వ‌ర క్రియేష‌న్స్‌పై దిల్‌రాజు నిర్మాణంలో రూపొందిన ఈ చిత్రం శుక్ర‌వారం ప్రేక్ష‌కుల ముందుకొచ్చింది.