OTT Must Watch Movies: ఓటీటీలో ఈ వీకెండ్‌కి చూడాల్సిన సినిమాలు ఇవే.. మీ ఫేవరేట్ ఏది?
14 January 2024, 16:18 IST
Share
Must Watch OTT Movies This Weekend: ఈవారం కూడా ఓటీటీల్లోకి అదిరిపోయే సినిమాలు వచ్చాయి. విడుదలైన లిస్ట్ చాలానే ఉంది. అయితే వాటిలో ఈ వీకెండ్‌కు చూసి చిల్ అయ్యే సినిమాలు ఏంటనేవి చూస్తే..
ఈ వీకెండ్‌కి మస్ట్ వాచ్ ఓటీటీ సినిమాలు ఇవే.. వాటిలో మీ ఫేవరేట్ ఏది?
Must Watch OTT Movies On This Weekend: సినీ ప్రియులు అంటే ఎప్పుడూ ఏ సినిమా, ఎలాంటి వెబ్ సిరీస్ విడుదల అవుతుందో అని ఆసక్తిగా ఎదురుచూస్తుంటారు. అలా రిలీజ్ కాగానే ఇలా చూసేస్తుంటారు. కానీ, కొంతమందికి వీకెండ్స్ లలో మాత్రమే సినిమాలు చూసేందుకు టైమ్ ఉంటుంది. అలాంటి వారికి ఎలాంటి సినిమాలు, ఏ జోనర్ వెబ్ సిరీస్ చూడాలని చిన్న కన్ఫ్యూజన్‌లో ఉంటారు. అలాంటి వారికోసం ఈ వీకెండ్ చూసేందుకు (Weekend Watching OTT Movies) కింద పేర్కొన్న సినిమాలు, వెబ్ సిరీసులపై ఓ లుక్కేయండి.
హాయ్ నాన్న
నేచురల్ స్టార్ నాని, సీతారామం బ్యూటి మృణాల్ ఠాకూర్ జంటగా నటించిన తెలుగు చిత్రం హాయ్ నాన్న. థియేటర్లలో మంచి రెస్పాన్స్ తెచ్చుకున్న హాయ్ నాన్న సినిమా 2024 జనవరి 4న ఓటీటీ దిగ్గజం నెట్ ఫ్లిక్స్‌లో విడుదలైంది. ఓటీటీలో కూడా మంచి స్పందనతో దూసుకుపోతోంది. తల్లి కోసం ఆరాటపడే ఆరేళ్ల కూతురు, పాపను వద్దనుకుని వెళ్లిన తల్లి మధ్య తండ్రి పడే బాధతో హాయ్ నాన్న సినిమా సాగుతుంది. కామెడీ అండ్ ఎమోషనల్‌గా సాగే ఈ సినిమా మస్ట్ వాచ్.
మెగ్ 2: ది ట్రెంచ్
ఓటీటీలోకి వచ్చిన మూవీలో మెగ్ 2: ది ట్రెంచ్ ఒకటి. ఇందులో జాసన్ స్టాథమ్ ప్రధాన పాత్ర పోషించాడు. 2018 లో హిట్ మూవీ ది మెగ్ కి సీక్వెల్‌గా ఈ సినిమా వచ్చింది. ఇందులో జాసన్ స్చాథమ్ మరోసారి రెస్క్యూ డైవర్ జోనస్ టేలర్ పాత్రలో నటించాడు. ఈ థ్రిల్లింగ్ సీక్వెల్‌లో ప్రాచీన కాలం నాటి క్రూరమైన షార్క్స్ నేపథ్యంలో సాగుతుంది. మెగ్ 2 ది ట్రెంచ్ మూవీ 2024 జనవరి 3 నుంచి జియో సినిమా ఓటీటీలో స్ట్రీమింగ్ అవుతోంది.
గ్యోంగ్సియోంగ్ జీవి పార్ట్ 2
ఓటీటీ దిగ్గజ సంస్థ నెట్ ఫ్లిక్స్ పాపులర్ కె-డ్రామా సిరీస్ గ్యోంగ్సియోంగ్ క్రియేచర్ జనవరి 5 నుంచి కొత్త సీజన్ స్ట్రీమింగ్ అవుతోంది. కొరియన్ డ్రామాస్ ఇష్టపడే వారికి ఇది ఒక సూపర్ ట్రీట్. మానవ దురాశతో సృష్టించబడిన ఒక రాక్షసుడితో పోరాడటానికి డిటెక్టివ్‌తో ఒక పారిశ్రామికవేత్త చేతులు కలుపుతాడు. ఆ రాక్షసుడిని ఈ ఇద్దరు ఎలా ఎదుర్కొన్నారనే నేపథ్యంతో ఈ సిరీస్ సాగుతుంది.
తేజస్
బాలీవుడ్ హాట్ అండ్ కాంట్రవర్సీ బ్యూటి కంగనా రనౌత్ ప్రధాన పాత్రలో నటించిన చిత్రం తేజస్. ఈ సినిమా కూడా ఈ వారం ఓటీటీలోకి వచ్చేసింది. పాపులర్ ఓటీటీ సంస్థ జీ5లో జనవరి 5 నుంచి తేజస్ సినిమా స్ట్రీమింగ్ అవుతోంది. పాకిస్తాన్ లో ఉగ్రవాదుల చెరలో ఉన్న బందీలను విడిపించేందుకు భారత వైమానిక దళ పైలట్ తేజస్ గిల్ చేసిన ప్రమాదకరమైన మిషన్ ఇతివృత్తంగా తేజస్ ఉంటుంది. ఇందులో కంగనాతోపాటు అన్షుల్ చౌహాన్, ఆశిష్ విద్యార్థి కీలక పాత్రలు పోషించారు.
సొసైటీ ఆఫ్ ది స్నో
1972లో ఆండీస్ పర్వతాల్లో కూలిన ఉరుగ్వే ఫ్లైట్ 571 యదార్థ కథ ఆధారంగా తెరకెక్కిన స్పానిష్ మూవీ 'సొసైటీ ఆఫ్ ది స్నో బై జేఏ బయోనా'. మంచుతో కప్పబడిన పర్వతాలలో తక్కువ సరఫరాలు, క్షీణిస్తున్న వాతావరణంతో చిక్కుకున్న ప్రాణాలతో బయటపడిన వారి నిజమైన కథను ఇందులో ఆవిష్కరించారు. ఈ చిత్రం ఇప్పటికే ఉత్తమ అంతర్జాతీయ చలనచిత్ర వేడుకల్లో షార్ట్ లిస్ట్ లో చోటు సంపాదించింది. అలాగే స్పెయిన్ దేశంలో ఇచ్చే ఆస్కార్ అవార్డ్‌కు ఈ చిత్రాన్ని పంపించారు. సొసైటీ ఆఫ్ ది స్నో మూవీ 2024 జనవరి 4 నుంచి నెట్ ఫ్లిక్స్‌లో స్ట్రీమింగ్ అవుతోంది.
క్యూబికల్స్ సీజన్ 3
కామెడీ-డ్రామా సిరీస్ క్యూబికల్స్ మరొక ఇంట్రెస్టింగ్ మస్ట్ వాచ్ సీజన్. క్యూబికల్స్ నుంచి వచ్చిన మూడో సీజన్ జనవరి 5న సోనీ లివ్ ఓటీటీలో విడుదలైంది. పియూష్ ప్రజాపతి ప్రధాన పాత్రలో అభిషేక్ చౌహాన్ నటించి ప్రేక్షకుల్ని అలరించారు. క్యూబికల్స్ మొదటి సీజన్‌లో ఉద్యోగిగా పియూష్ ఉండటంతో స్టార్ట్ అవుతుంది. తర్వాత సీజన్ పెరిగిన కొద్ది అతని పాత్ర మెరుగుపడుతుంది. ఇప్పుడు మూడో సీజన్‌లో పియూష్ టీమ్ లీడర్‌గా ప్రమోట్ అవుతాడు.